Isaías 41:1 - Q'eqchi Bible

¹ Ch'anab'aq eek'ank, ex tenamit li wankatqex chire li palaw; kawaq eech'ool, ex tenamit. Jilonqex chaq re naq too'aatinaq chi us, qach'utub'aq qib' chiqajunilo chi raqok aatin.

Li Santil hu

¹ Li Dios naxye: —Ex tenamit li cuanquex chire li palau, cherabihak li oc cue chixyebal. Cauresihomak e̱rib ut xaklinkex chicuu. A̱tinankex re xcolbal e̱rib ut kacꞌu̱bak ru saꞌ comonil saꞌ li rakleb a̱tin.

Isaías 41:1 ပူးပေါင်းရင်းမြစ်များ

Isaías 1:18

“Kimqex ut aatinanqo -chan li Qaawa'-. Us ta kaqeb' leemaak kama' li kik' ut li kaqi b'on, ab'an saq chik te'kanaaq jo' li tuuxil isb' ut li ratz'amke.

Habacuc 2:20

A'ut li Qaawa' wank sa' li xsantil ochoch: maajun na'aatinak chiru A'an junsut junrub'el choxa!

Zacarías 2:13

Ch'anch'ooq chixjunileb' chiru li Qaawa', xb'aan naq A'an xwakliik ut yo chi elk chaq sa' li xloq'laj muheb'aal!

Salmos 46:10

A'an xch'anab'ank re li yalok toj sa' xmaril li ruuchich'och', xtoqi li xna' simaj ut xjach li jutz' che'; a'an xk'ehok xxamlel li ramleb' ch'iich'.

Isaías 34:1

Jilonqex chaq, ex tenamit, ut ab'ihomaq; k'ehomaq reetal chi us, ex poyanam. Ab'in, at ruuchich'och' ut chixjunil li wank chisa'; k'e reetal, at choxach'och' jo'wi' chixjunil li nayo'laak chiru.

Isaías 11:11

Chiru ajwi' li kutan a'an li Qaawa' tixk'ut li xnimal xwankil re xkolb'al li rela' li xtenamit: taarisiheb' chaq aran Asiria ut Ejiipt, Patros, Etiopía, Elam, Senahar, Jamat ut sa'eb' li na'ajej sutsuukeb' xb'aan li palaw.

Li xHu LAJ JOB 38:3

Kawal wanqat anaqwan! K'ut chiwu li xseeb'al laak'a'uxl ut chasume linpatz'om.

Isaías 50:8

Li nakolok we wank chink'atq: ani taayehoq naq wank inmaak? Xikaqo sa' wiib'al rik'in laj raqol aatin. Ani li najitok we? Chalqaq wik'in ut xyehaq we.

Isaías 49:1

Ab'ihomaqin, ex tenamit li wankex chaq chire li palaw, k'ehomaq reetal, laa'ex li wankex chaq chi najt. Li Qaawa' kinxb'oq chaq naq toj wankin rik'in linna' ut kixye link'ab'a' naq toj maji' ninyo'laak.

Isaías 48:16

Jilonqex chaq chink'atq ut ab'ihomaq a'in: Chalen chaq sa' xtiklajik maak'a' xinye chi muqmu; ut naq yo chi k'ulmank chixjunil a'in, wankin aran laa'in. Ut anaqwan laa'in, li Qaawa' Yos, xintaqlank chaq re rik'in xwankil linmusiq'”.

Isaías 40:31

a'ut li neke'oyb'enink rik'in li Qaawa' junelik kawaqeb' rib' ut te'rupupiq jo'eb' li t'iw; te'aanilaq chi ink'a' te'lub'q, ut te'b'eeq chi ink'a' te'tawaaq.

Isaías 41:5

Ex tenamit li wankatqex chire li palaw, ilomaq ut chexxiwaq; chesiksiki eerib', ex xnub'ajlil li ruuchich'och'. Jilonqex chaq ut chalqex.

Isaías 43:9

Xch'utub'aaq rib' chixjunileb' li poyanam, xjunajiiq rib' chixjunileb' li tenamit. Ani sa' xyanqeb' a'an xyehok resil a'in, malaj ak xyehom li kik'ulmank junxil? Xxaqab'aqeb' li xtestiiw li te'ch'olob'anq xyaalal chiqu, re naq te'ab'iiq ut tqaye: «Yaal a'an».

Isaías 43:26

Wi wank k'aru nakawaj wi' injitb'al, qawech'aq rix sa' li raqleb'aal aatin; tz'il rix chi us anaqwan re xnawb'al ani wank xmaak.