Isaías 40:9 - Q'eqchi Bible

⁹ Taqen sa' xb'een junaq tzuul najt xteram, at aj yehol esil re Sión; aatinan chi kaw xyaab' aakux ut chi maak'a'aq aaxiw, at aj yehol esil re Jerusalén. Ye reheb' li tenamit re Judá: “Arin wank leeYos”.

Li Santil hu

⁹ At aj yehol esil, taken saꞌ li nimla tzu̱l re nak chi cau xya̱b a̱cux ta̱ye li cha̱bil esil reheb li tenamit Sión. Ta̱ye reheb laj Jerusalén chi ma̱cꞌaꞌ a̱xiu. Chayehak resil reheb chixjunileb li tenamit li cuanqueb xcue̱nt Judá ut ta̱ye, “cha̱lc re li Ka̱cuaꞌ le̱ Dios.”

Isaías 40:9 ပူးပေါင်းရင်းမြစ်များ

Isaías 12:2

A' li Yos nakolok we; k'ojk'o li waanm rik'in ut maak'a' ninxiwa. Li Qaawa' a'an linkawilal ut linmetz'ew, a'an laj kolol we”.

Isaías 25:9

Sa' li kutan a'an taayeemanq: “A'an a'in li qaYos li kaw wi' qach'ool re qakolb'al. A'an a'in li Qaawa' li xoo'oyb'enink wi': qanimaaq xloq'al ut chisaho'q li qach'ool xb'aan naq A'an xkolok qe”.

Efesios 6:19

jo' ajwi' chiwix laa'in, re naq li Yos tixk'e we li loq'laj Aatin li tento xpuktesinkil ut kawaq inch'ool chi xk'eeb'al chi nawe'k li xmuqmuukil yaalal li Chaab'il Esilal.

Isaías 61:1

Li xMusiq' li Qaawa' wank sa' inb'een xb'aan naq li Yos xinxyul ut xinxtaqla chaq chi xyeeb'al li Chaab'il Esilal reheb' li neb'a', re xk'ojob'ankil xch'ooleb' li ra wankeb', re xpuktesinkil resil li kolb'a ib' reheb' li wankeb' sa' tz'alam ut li rach'ab'ankileb' li wankeb' chi tz'aptz'o;

1 Pedro 3:14

Ab'anan, us ta teek'ul rahilal sa' xk'ab'a' li tiikilal, us xaq eere. Meexiwa ru anihaq ut ink'a' chi'ok leek'a'uxl.

1 Timoteo 3:16

Relik chi yaal naq q'axal nim li qaloq'laj paab'aal li k'utb'esinb'il chiqu: A'an kixk'utb'esi rib' sa' li qach'och'el qasululel, kixaqab'aak xwankil sa' li Musiq'ej, ki'ile'k xb'aaneb' li ánjel, kipuktesiik resil reheb' li tenamit, kipaab'aak sa' li ruuchich'och' ut kik'ame'k taqe'q sa' xnimal xloq'al.

Romanos 10:18

Ab'an laa'in ninpatz': Ma ink'a' tab'i' ke'rab'i? K'a' naq ink'a'? Xb'aan naq naxye li Santil Hu: “Li xyaab' xkuxeb' ki'ab'imank junsut junrub'el choxa, ut toj sa' xmaril li ruuchich'och' kox'elq li raatineb'”.

Hechos 4:29

Ut anaqwan, at Qaawa', k'e reetal chanru nokoohe'xxib'esi, ut chak'e taxaq reheb' laj k'anjel chawu xpuktesinkil laawaatin chi kaweb' xch'ool.

Hechos 4:13

Naq ke'xk'e reetal li xkawub' xch'ooleb' laj Pedro ut laj Jwan, ke'sachk xch'ool, xb'aan naq ch'olch'o chiruheb' naq eb' li winq a'in moko tzolb'ileb' ta ut aj k'aleb'aaleb'. Neke'xnaw chi us naq xe'rochb'eeni li Jesus.

Hechos 2:14

Toja' naq laj Pedro kixaqliik, rochb'eeneb' li Junlaju, ki'aatinak chi kaw xyaab' xkux ut kixye reheb': “Ex aj Judiiy ut chejunilex li wankex Jerusalén, ch'olch'o chikanaaq a'in cheru ut ab'ihomaq chi us li waatin.

San Lucas 24:47

ut taapuktesimanq resil A'an re naq chixjunileb' li tenamit te'sutq'iiq rik'in li Yos ut te'kuymanq te'sachmanq li xmaakeb', taatiklaaq a'an arin Jerusalén».

Jeremías 22:20

“Taqen sa' xb'een li tzuul Líbano ut jap aawe chi yaab'ak! Chi'ab'iiq xyaab' laakux toj sa'eb' li tzuul re Basán, aatinan chalen chaq Abarín, xb'aan naq ak xe'sache'k ru eb' li neke'rahink aawu!

Isaías 58:4

Nekex'ayuunik re xb'aanunkil li rahilal ut li raaxiik', jo'wi' re xsak'b'al eerib' cherib'il eerib' chi kaw. Mex'ayuunik chik jo' anaqwan, wi nekeraj twab'i li xyaab' eekux sa' choxa.

Isaías 51:12

“Laa'in nink'ehok xkawub' laach'ool -chan li Qaawa'-. Anihat laa'at chi xxiwankil ru li winq li yal kaamel, li taa'oso'q jo' li k'im?

Isaías 51:7

Ab'ihomaqin, laa'ex li nekenaw k'aru li tiikil ch'oolej, ex tenamit li kaw eech'ool chirix linchaq'rab'. Meexiwa ruheb' li poyanam neke'majewank chi moko chich'inanq eech'ool naq neke'hob'ok.

Isaías 41:27

Laa'in xinyehok xb'enwa re Sión chalen chaq sa' xtiklajik; laa'in xintaqlank re jun aj yehol chaab'il esilal aran Jerusalén.

2 Crónicas 13:4

Toja' naq laj Abías kixxaqab' rib' sa' xb'een li tzuul Semaráhin, li wank sa' xteepal Efraín, ut kixye: “Ab'ihin, a Jerobohán ut chejunilex aj Israel!

Jueces 9:7

Naq laj Jotán kirab'i resil li ke'xb'aanu, kitaqe'k sa' xb'een li tzuul Karisín ut aran kixjap re chi xyeeb'al: “Ab'ihomaqin, ex xwinqilal Sikem, ut li Yos chi'ab'inq eere.

Isaías 1:1

Chiru chaq li xyu'ameb' laj Osías, laj Jotán, laj Ajás ut laj Esekiel, awab'ejeb' re Judá, laj Isaías, ralal laj Amós, kiril li moy u a'in chirix li tixk'ul Judá ut Jerusalén.

Isaías 35:2

chi'atz'umaq jo' li saqihix ut chixjapaq re xb'aan xsahil xch'ool. Jwal taach'ina'uso'q jo' li tzuul Líbano, jo' li xchaq'alil ru li Karmeel ut li xtaq'ahil Sarón. Chixjunileb' te'ril li xnimal xloq'al li Qaawa' ut te'xk'e reetal li xwankil li qaYos.

Isaías 44:26

Ab'an ninxaqab' xwankil li raatineb' laj k'anjel chiwu ut ninb'aanu naq us te'elq eb' lintaql. Laa'in ninye naq taatenamito'q wi' chik Jerusalén, ut ninjultika naq eb' li tenamit sa' xteepal Judá te'waklesiiq wi' chik. Laa'in tinwaklesinq reheb' sa' li xpo'lemil.

Jeremías 29:11

Laa'in wank sa' inch'ool k'aru tinb'aanu cho'q eere: twaj texwanq sa' tuqtuukilal ut ink'a' sa' rahilal, re naq toxeetaw xsahil eech'ool chi junelik. Laa'in, li Qaawa', ninyehok re a'in.

Nahum 1:15

Waye' chaq sa' xb'eeneb' li tzuul laj yehol resil li tuqtuukilal! Ninq'ehin, at Judá, ut maayejan xb'aan naq ink'a' chik taanume'q aawik'in laj sachonel: xsache'k chi junajwa.

Isaías 52:6

Ab'anan taawulaq xkutankil naq lintenamit te'xnaw tz'aqal link'ab'a' ut te'xtaw xyaalal naq laa'in xin'aatinak rik'ineb', ut we'kin arin!”.