Isaías 40:6 - Q'eqchi Bible

⁶ Jun xyaab' kuxej yo chi xyeeb'al we: “Jap aawe chi aatinak”; ut laa'in kinchaq'ok: “K'aru tinye?”, chankin. “Ye naq chixjunileb' li poyanam chanchaneb' li pim, ut chixjunil li xloq'aleb' kama' xch'ina'usal li uutz'u'uj.

Li Santil hu

⁶ Quicuabi jun xya̱b cux. Joꞌcaꞌin quixye cue: —Jap a̱cue xyebal li a̱tin aꞌin, chan cue. Ut la̱in quinchakꞌoc ut quinye, ¿Cꞌaꞌru tinye nak tinjap cue? ¿Cꞌaꞌru tinye nak tinjap cue? chanquin. Ut aꞌan quixye cue: —Ye resil nak eb li cristian, aꞌan yal tibelejeb. Chanchaneb li ichaj. Ut lix chꞌinaꞌusaleb chanchan xchꞌinaꞌusal li utzꞌuꞌuj li nacuan saꞌ cꞌaleba̱l.

Isaías 40:6 ပူးပေါင်းရင်းမြစ်များ

Salmos 102:11

xb'aan laajosq'il ut li xmay laach'ool: xinaawaklesi ut xinaat'an chiru ch'och'.

Li xHu LAJ JOB 14:2

Jo'ko li uutz'u'uj napuke'k ut na'atz'umak; chanchano li mu nanume'k sa' junpaat ut nasachk.

Isaías 58:1

“Jap aawe chi aatinak chi maak'a' aaxiw -chan we li Qaawa'-, aatinan chi kaw xyaab' aakux jo' junaq pur; ch'iilaheb' lintenamit xb'aan li xq'etq'etileb', a'eb' li ralal xk'ajol laj Israel xb'aan li xmaakeb'.

Salmos 92:7

Li maak'a' xna'leb' ink'a' naxk'e reetal a'an ut li jip aj winq ink'a' naru xtawb'al xyaalal.

Jeremías 31:6

Xb'aan naq taawulaq xkutankil naq eb' laj ilol tenamit te'xjap reheb' chi xyeeb'al sa' xb'een xtzuulul Efraín: «Xaqlinqex ut yo'qeb' aran Sión, rik'in li Qaawa' li qaYos»”, cha'qeb'.

Jeremías 2:2

“Ayu ut jap aawe chi aatinak sa' xxikeb' laj Jerusalén: Jo'ka'in xye li Qaawa': Nakatjultiko'k we naq sa' laasaajilal jwal k'ojk'o laach'ool chiwix. Q'axal kinaara naq kinsumlaak aawik'in, ut kinaataaqe sa' li chaqich'och', sa' li joxk' na'ajej b'arwi' maak'a' nayo'laak.

Isaías 40:3

Jun xyaab' kuxej yo chi xyeeb'al: “Tuqub'omaq ru junaq b'e cho'q re li Qaawa' sa' li chaqich'och', helomaq ru junaq nimb'e cho'q re li qaYos sa' li joxk' na'ajej.

Isaías 37:27

Eb' li xpoyanamil, maak'a'eb' xmetz'ew, neke'siksotk ut k'ajo'eb' xxiw, chanchaneb' li ichaj, li rax pim, malaj li pim nayo'laak sa' xb'een li ochoch ut nachaqik chi junpaat xb'aan xtiqwal li saq'e.

Isaías 12:6

Japomaq eere chi b'ichank xb'aan xsahil leech'ool laa'ex li wankex Sión, xb'aan naq li Yos, li xSant laj Israel, wank sa' eeyanq rik'in xnimal xwankil”.

Oseas 5:8

Yaab'asihomaq li pur aran Kibehá ut puktesihomaq li esil a'in aran Ramá. Yehomaq chaq reheb' laj Bet-Abén; kawal wanqeb' laj Benjamín.

Isaías 51:12

“Laa'in nink'ehok xkawub' laach'ool -chan li Qaawa'-. Anihat laa'at chi xxiwankil ru li winq li yal kaamel, li taa'oso'q jo' li k'im?

Zacarías 1:14

Toja' naq li ánjel li yo chi aatinak wik'in kixye we: “Puktesi li esil a'in: Jo'ka'in naxye li Nimajwal Yos: «Q'axal naxamnak linch'ool chirix Jerusalén ut chirix Sión.