Isaías 40:5 - Q'eqchi Bible

⁵ Toja' naq taak'utunq li xloq'al li Qaawa' ut chixjunileb' li poyanam te'ril ru. Xb'aan naq li Qaawa' xyehok re”.

Li Santil hu

⁵ Ut tixcꞌutbesi lix lokꞌal li Ka̱cuaꞌ. Ut chixjunileb li cuanqueb saꞌ ruchichꞌochꞌ teꞌril lix lokꞌal. Li Ka̱cuaꞌ, aꞌan li quiyehoc re aꞌin.

Isaías 40:5 ပူးပေါင်းရင်းမြစ်များ

Habacuc 2:14

Ut taanawmanq ru li xnimal xloq'al li Qaawa' junsut junrub'el choxa, jo' naq nanujak li palaw rik'ineb' li k'iila ha'.

Joel 2:28

“Chirix chik a'in tinhoy linmusiq' sa' xb'eeneb' chixjunil: eb' leeralal ut leerab'in te'aatinaq jo' propeet, eb' leecheekelal te'matk'eq ut eb' leesaaj al te'iloq moy u.

Isaías 52:10

Li Qaawa' xk'ut li xnimal xwankil chiruheb' chixjunil li tenamit; ut yalaq b'ar toj sa' xmaril li ruuchich'och' x'ilmank li kolb'a ib' nachalk rik'in li qaYos.

San Lucas 3:6

Ut chixjunileb' te'ril li kolb'a ib' naxk'e li Yos»”.

2 Corintios 4:6

Xb'aan naq li Yos li kiyehok: “Chilemtz'unq li saqenk sa' li aak'ab'”, a'an ajwi' xk'ehok chi lemtz'unk li saqenk sa' li qach'ool re naq taakutano'q li xloq'al li Yos li nalemtz'unk sa' xnaq' ru li Kriist.

Isaías 60:1

Waklin, at Jerusalén, ut chatlemtz'unq, xb'aan naq xk'ulunk laakutan saqenk ut li xloq'al li Qaawa' xhik'e'k sa' aab'een.

Isaías 11:9

Sa' chixjunil linsantil tzuul maajun taab'aanunq maa'usilal malaj taarahob'tesinq ras riitz'in, xb'aan naq chixjunileb' te'xnaw chik ru li Qaawa'. Jo' naq li ha' naxtamresi li palaw, jo'kan ajwi' li xraab'al li Qaawa' tixnujob'resi chixjunil li ruuchich'och'.

Isaías 58:14

Wi taab'aanu chi jo'kan, taasaho'q laach'ool wik'in ut tatink'am cho'q aj q'axol u sa' xb'eeneb' li najt xteramil tzuul re li ruuchich'och'. Ut tatinch'oolani rik'in li reechanihom laj Jakob, laayuwa'. Laa'in, li Qaawa', xinyehok re a'in”.

Isaías 6:3

Ut neke'xjap re chirib'ileb' rib' chi xyeeb'al: “Sant, Sant, Sant li Qaawa', li Nimajwal Yos. Nujenaq chixjunil li ruuchich'och' rik'in li xloq'al!”, chankeb'.

Salmos 72:19

Usilaatinanb'il taxaq li xloq'laj k'ab'a' chi junelik; chinujaq taxaq chixjunil li ruuchich'och' rik'in xloq'al! Jo'kan taxaq, jo'kan taxaq!

Apocalipsis 21:23

Li tenamit ink'a' chik naraj ru taakutanob'resiiq xb'aan li saq'e chi moko xb'aan li po, xb'aan naq nakutanob'resiik xb'aan li xnimal xloq'al li Yos, ut li Karneer a'an li xsaqenk.

Hechos 2:17

«Taak'ulmanq sa' roso'jikeb' li kutan, chan li Yos: Tinhoy linMusiq' sa' xb'eeneb' chixjunil. Eb' leeralal ut leerab'in te'aatinaq jo' propeet; eb' leesaaj al te'moyuhoq ut leecheekelal te'matk'eq matk'.

Isaías 66:23

Rajlal po, sa' xyo'lajik li po, ut rajlal sábado, chixjunileb' li poyanam tole'xwiq'ib' rib' chiwu, -chan li Qaawa'-.

Hebreos 1:3

A'an a'in xrepom li xnimal xloq'al ut xjalam u li xYosilal. A'an nakuutunk re chixjunil rik'in xnimal xwankil li raatin, ut naq ak xch'ajob'resiheb' li tenamit chiru li maak, kik'ojlaak sa' xnim uq' li Nimajwal Yos toj taqe'q.

2 Corintios 3:18

Chiqajunilo laa'o li naqajalam'uuchi xloq'al li Qaawa' jo' sa' junaq lem chi maak'a' xtz'apb'al li xnaq' qu, yooko chi jalano'k jo' tz'aqal A'an: rajlal yo chi k'ihank li qaloq'al; ut a'in naxb'aanu li Qaawa' xb'aan naq a'an Musiq'ej.

San Juan 12:41

A'in kixye laj Isaías xb'aan naq kiril li xnimal xloq'al ut ki'aatinak chirix.

San Juan 1:14

Ut li Aatin kitz'ejwalo'k ut kixk'ojob' li xmuheb'aal sa' qayanq, ut laa'o xqaka'ya li xloq'al k'eeb'il re xb'aan li Yuwa'b'ej jo' xloq'al li jun chi K'ajolb'ej nujenaq chi usilal ut chi yaal.

Zacarías 2:13

Ch'anch'ooq chixjunileb' chiru li Qaawa', xb'aan naq A'an xwakliik ut yo chi elk chaq sa' li xloq'laj muheb'aal!

Isaías 1:20

ab'an wi toj q'etq'etex, ch'olch'o naq texkamq chi ch'iich'. Laa'in li Qaawa' xinyehok eere a'in”.

San Juan 17:2

ut, sa' xk'ab'a' li wankil aak'ehom re sa' xb'eeneb' chixjunil li yo'yookeb', tixk'e taxaq xjunelik yu'am chixjunileb' li xak'eheb' re.

Miqueas 4:4

Ut li junjunq taahilanq sa' xmu li rochoch sa' tuqtuukilal, chi maak'a'aq xxiw. A'an a'in xyehom li Qaawa', li Nimajwal Yos.

Jeremías 9:12

Ani tz'aqal wank xna'leb' chi xtawb'al ru a'in? Ani x'aatinaak xb'aan li Qaawa'? Xyehaq anaqwan. K'a'ut naq x'oso'k li qana'aj ut xkanaak jo' li chaqich'och', chi maajun chik nanume'k aran?

Isaías 49:6

“Moko tz'aqal ta naq aj k'anjelat chiwu yal re xwaklesinkil li xteepal laj Jakob ut xsutq'isinkileb' chaq wi' chik eb' laj Israel li xe'kole'k. Xatinxaqab' aj b'an wi' cho'q xsaqenkeb' li poyanam, re naq taawulaq linkolb'a ib' toj sa' xmaril li ruuchich'och'”.

Isaías 35:2

chi'atz'umaq jo' li saqihix ut chixjapaq re xb'aan xsahil xch'ool. Jwal taach'ina'uso'q jo' li tzuul Líbano, jo' li xchaq'alil ru li Karmeel ut li xtaq'ahil Sarón. Chixjunileb' te'ril li xnimal xloq'al li Qaawa' ut te'xk'e reetal li xwankil li qaYos.

Salmos 102:16

Eb' li poyanam q'axal te'roxloq'i li xk'ab'a' li Qaawa'; te'siksotq xb'aan laaloq'al chixjunileb' li awab'ej sa' ruuchich'och'.

Salmos 96:6

Loq'al ut wankilal wankeb' chi xsutam, kawilal ut nimaak u neke'hilank sa' li xloq'laj ochoch.

San Lucas 2:32

a'an saqenk re xkutanob'resinkileb' li junch'ol chik, ut xnimal xloq'al laatenamit Israel”.

Jeremías 32:27

“K'e reetal, laa'in li Qaawa', li xYos chixjunileb' li wankeb' xyu'am. Maak'a' k'aru ch'a'aj xb'aanunkil chiwu.

Isaías 66:16

Relik chi yaal naq li Qaawa' taaraqoq aatin rik'in xam; taaraqoq aatin rik'in q'esnal ch'iich' sa' xb'eeneb' chixjunil li poyanam, ut naab'aleb' li te'sache'q ru xb'aan li Qaawa'.

Éxodo 16:7

ut wulaj eq'la teeril li xnimal xloq'al li Qaawa'. Xb'aan naq ak xrab'i li xwech'b'al rix eeb'aan. Ab'an aniho laa'o naq yookex chi qawech'inkil?”, chankeb'.

Salmos 97:6

Li choxa naxpuktesi resil li xtiikilal xch'ool ut chixjunileb' li tenamit neke'ril li xloq'al.

Isaías 34:16

Tehomaq li xhu li Qaawa' ut yaab'asihomaq xsa': teek'e reetal naq maajun junaq reheb' li xul a'an ink'a' ta taatawmanq; maajun tixtz'eqtaana li rochb'een. Xb'aan naq a' ajwi' li Qaawa' kiyehok re ut a' ajwi' li xmusiq' taach'utub'anq reheb'.

Isaías 40:4

Chixjunil li taq'a chitaqsimanq ru, chixjunileb' li tzuul ut eb' li b'ool che'kub'simanq xteram; li yokos ru chitiikob'resimanq ut li b'uk'ux ru chituqub'amanq ru cho'q taq'a.

Isaías 41:20

re naq chixjunil li ruuchich'och' tixnaw, tixtaw ru ut tixnaw xyaalal naq laa'in li Qaawa' xinb'aanunk re a'in; laa'in li xSant laj Israel xinyoob'tesink re rik'in linwankil.

1 Reyes 14:11

Li rech'alaleb' laj Jerobohán li te'kamq sa' li tenamit, te'tiwe'q xb'aaneb' li tz'i', ut eb' li te'kamq sa' k'aleb'aal te'k'uxe'q xb'aaneb' li so'sol, xb'aan naq jo'kan xye li Qaawa'».

Salmos 102:17

Naq li Qaawa' tixwaklesi wi' chik li tenamit Sión ut tixk'ut rib' sa' xnimal xloq'al,

Isaías 26:15

At Qaawa', laa'at xak'e chi k'ihank laatenamit: xak'ihob'resiheb' re naq taanawmanq ru laawankilal ut xatiq ru li xnub'ajlil li qana'aj.

Isaías 66:18

“Laa'in tinchalq chi xch'utub'ankil chixjunileb' li tenamit -chan li Qaawa'- jo'wi' eb' li jalan jalanq chi aatinob'aal: junchalikaqeb' naq tole'ril linloq'al.