Isaías 40:30 - Q'eqchi Bible

³⁰ Neke'tawaak ut neke'lub'k eb' li saaj winq, neke'lub'k ut neke't'ane'k eb' li kaweb' rib';

Li Santil hu

³⁰ Usta toj sa̱jeb, nequeꞌlub. Ut li cauheb rib nalaj lix metzꞌe̱uheb ut nequeꞌtꞌaneꞌ.

Isaías 40:30 ပူးပေါင်းရင်းမြစ်များ

Amós 2:14

Toja' naq li kaw na'aanilak ink'a' tixkuy elelik; li kaw xmetz'ew maak'a' chik taa'ok wi' chi moko li kaw rib' tixkol li xyu'am.

Salmos 34:10

Cheroxloq'iiq li Qaawa' laa'ex li sik'b'il eeru xb'aan, xb'aan naq eb' li neke'paab'ank chiru maak'a' taamajelo'q reheb'.

Salmos 33:16

Moko nakole'k ta li awab'ej xb'aan naq numtajenaqeb' laj puub', chi moko taakole'q li kaw rib' xb'aan xnimal li xmetz'ew.

Eclesiastés 9:11

Wank jun chik xwil laa'in sa' ruuchich'och': naq maawa' li jwal seeb'eb' neke'eechanink re li maatan sa' li aanilak, chi moko li q'axal kaweb' rib' neke'q'axok u sa' li yalok. Wan naq li wankeb' xna'leb' ink'a' neke'xtaw xtzekemqeb'; wan naq li seeb'eb' xk'a'uxl ink'a' neke'b'ihomo'k, ut eb' li tzolb'ileb' chi us ink'a' neke'k'ule'k chi chaab'il. Xb'aan naq xtaw xhonal xk'ulb'al li ch'a'ajkilal cho'q reheb'.

Isaías 13:18

Chi simaj te'xkamsi eb' li saaj al, ink'a' te'ril xtoq'ob'aal ruheb' li k'uula'al, chi moko te'xkuy xmaakeb' li kok'al.

Isaías 9:17

Jo'kan naq li Qaawa' ink'a' tixtoq'ob'a ruheb' li saaj al, ink'a' taaruxtaana ruheb' li neb'a'yox ut eb' li xmalka'an, xb'aan naq chixjunileb' ink'a' useb' xna'leb' ut reemaaruheb', ut junes tz'i' aj aatin neke'xye. Ab'an ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Jeremías 6:11

K'ajo' linjosq'il xb'aaneb', at Qaawa', jo' laajosq'il laa'at. Ink'a' chik ninkuy”. Li Qaawa' kixye we: “Isi laajosq'il sa' xb'eeneb' li kok'al wankeb' sa' b'e ut sa' xb'eeneb' li junq ch'uut chi saaj al. Te'chape'q li b'eelomej, eb' li ixaqilb'ej jo'wi' eb' li poyanam xikenaqeb' xchihab'.

Salmos 39:5

“At Qaawa', chak'e chinnaw jo'q'e taaraqe'q linyu'am, jo' najtil chik tin'iloq kutan, re tinnaw naq yal numelin arin sa' ruuchich'och'.

Jeremías 9:21

“Li kamk x'ok sa'eb' li qab'entaan, xwulak toj sa' li qachaq'alil ru ochoch. Xkamsiheb' li kok'al sa'atqeb' li b'e, ut sa'eb' li k'ayiil xe'kamsiik eb' li saaj al.

Jeremías 48:15

Chalk re li taasachoq re Mohab ut eb' li xtenamit; chixjunileb' li xsaajil aleb' te'k'ame'q chi kamk -chan li xnimal ru Awab'ej, a' li Nimajwal Yos naxk'ab'a'in-.

1 Samuel 30:10

Aran ke'kanaak lajeek'aal (200) li jwal tawajenaqeb': ink'a' ke'xkuy nume'k junpak'al li nima' Besor.