Isaías 40:11 - Q'eqchi Bible

¹¹ Jo' junaq aj ilol ketomq, naxb'eresiheb' li xkarneer; naxq'alu eb' li xkok' karneer ut naxq'uneb', ut naxk'eheb' chi hilank li toja' xe'alank.

Li Santil hu

¹¹ Li Ka̱cuaꞌ ta̱rileb li ralal xcꞌajol chi cha̱bil joꞌ nak li pastor narileb lix carner. Tixchꞌutubeb lix cocꞌ carner ut tixcꞌam saꞌ xbe̱n xtel. Ut saꞌ tu̱lanil tixberesiheb lix naꞌeb li cocꞌ carner.

Isaías 40:11 ပူးပေါင်းရင်းမြစ်များ

Apocalipsis 7:17

Xb'aan naq li Karneer li wank sa' xyi li nimajwal k'ojarib'aal tixb'eresiheb' ut tixk'am xb'eheb' toj sa'eb' xyo'leb'aal li yu'amha'. Ut li Yos taachaqihob'resinq re chixjunil li xya'aleb' ru”.

Miqueas 5:4

Li awab'ej tixb'eresi li xtenamit rik'in li xwankil ut xloq'al li Qaawa', li xYos. Ut chaab'il chik te'wanq, xb'aan naq li Qaawa' sut-nimanb'ilaq ru, toj sa' xmaril li ruuchich'och'.

Ezequiel 34:23

“Tinxaqab' jun ajwi' aj k'aak'alehom reheb', a' laj David aj k'anjel chiwu. A'an taa'iloq ut taab'eresinq reheb'.

1 Pedro 2:25

Chanchanex chaq karneer li neke'cha'chotk naq xexwank chaq, a'ut anaqwan xexsutq'iik chaq rik'in laj K'aak'alenel ut laj Ilol re leeraanm.

Ezequiel 34:31

Laa'ex linkarneer; laa'ex li walal ink'ajol b'eresinb'ilex inb'aan ut laa'in leeYos”, chan li Qaawa'.

1 Pedro 5:4

Chi jo'kan, sa' xq'ehil li xk'utb'esinkil rib' li xnimal ru aj K'aak'alenel, teek'ul xnimal eeloq'al, a' leeq'ajkamunkil chi junelik.

Hebreos 13:20

Li Yos aj k'ehol tuqtuukilal, li kiwaklesink re li Jesus sa' xyanqeb' li kamenaq, a' li Qaawa', li xnimal ru aj K'aak'alenel karneer sa' xk'ab'a' xkik'elil li junelik Sumwank,

Salmos 80:1

Re li xjolomileb' laj b'ichanel. Taab'ichamanq jo' chanru li xyaab': “Eb' li xliryo li sumwank”. Xsaalm laj Asaf.

Zacarías 11:7

Toja' naq kin'ok chi rilb'aleb' li karneer re kamsiik, jo' chanru xyeemank xb'aaneb' laj k'ay. Kinsik' ajwi' wiib' inxuq': li jun “Sahil wank” kink'e cho'q xk'ab'a', ut li jun chik “Junajil” kixk'ab'a'in.

Ezequiel 37:24

Laj David, laj k'anjel chiwu, a'an taa'awab'ejinq ut taab'eresinq re chixjunileb'. Te'ab'inq chik chiwu ut te'xpaab', te'xyu'ami li waatin ut linchaq'rab'.

Génesis 33:13

Kichaq'ok laj Jakob: “Linqaawa' naxnaw naq toj kok'eb' linkok'al, ut wankeb' inkarneer ut wakax li toj yookeb' chi tu'resink: wi tinlub'tesiheb' chiru jun kutan, te'kamq chixjunileb' linketomq.

Ezequiel 34:16

Tinsik' chaq li karneer sachenaq, tinsutq'isi chaq li xcha'cha'iik, tinb'an li xtiq' rib', tink'irtasi li yaj ut twileb' ajwi' li ninqeb' xtib'el ut kaweb' rib'. Tinb'eresiheb' sa' tiikilal.

Génesis 49:24

ab'an nakanaak chi q'axal kaw li xna' xsimaj laj José ut numtajenaq nim li xkawilal li ruq' sa' xk'ab'a' li xNimajwal Yos laj Jakob, sa' xk'ab'a' laj K'aak'alenel ut li xSaqoonak laj Israel;

Isaías 63:11

Toja' naq kijultiko'k reheb' li kutan junxil chaq naq laj Moisés kixkol li xtenamit ut ke'xpatz'i rib' chirib'ileb' rib': “B'ar wank li Yos li ki'isink chaq re laj Moisés sa' li nima' ut kixkol laj k'aak'alehom re li xketomq? B'ar wank li Qaawa' li kixk'e li xsantil musiq' re laj Moisés

Isaías 42:3

Ink'a' tixtoq li kaxlan'aj ak jorol, chi moko tixchup xsaqenkil li noq' toj nab'utz'utz'nak. Tz'aqal tixxaqab' xwankil li tiikilal.

Salmos 27:10

Us ta linna' linyuwa' tine'xkanab' injunes, ab'an a' chik li Qaawa' taa'iloq we.

Salmos 28:9

Chakol taxaq laatenamit, at Qaawa', chawosob'tesiheb' taxaq laawalal aak'ajol; chach'oolaniheb' ut chab'eresiheb' chi junelik.

Salmos 37:3

Kawaq aach'ool rik'in li Qaawa' ut b'aanu li us, wanqat sa' laana'aj ut chatk'iiq sa' tuqtuukilal;

Salmos 100:3

Chenawaq naq li Qaawa' a'an Yos, a'an kiyoob'tesink qe ut reho ajwi', laa'o li xtenamit, laa'o xkarneer k'aak'alenb'ilo xb'aan.

Jeremías 31:8

Laa'in teb'ink'am chaq sa' li tenamit wank sa' xjayal releb'l iq', ut tinch'utub'eb' li wankatqeb' chaq sa' xmaril li ruuchich'och'. Rochb'eenaqeb' chaq eb' li mutz' jo'wi' eb' li yeq roq, eb' li ixq li wankeb' sa' yu'am ut eb' li ak xe'alank: jun nimla teep li te'sutq'iiq chaq wik'in.

Jeremías 31:10

“Ex xninqal ru tenamit, ab'ihomaq li raatin li Qaawa' ut yehomaq resil toj chi najt, sa'atqeb' li na'ajej wankeb' chire li palaw: «Li xcha'cha'ink reheb' laj Israel, tixch'utub'eb' wi' chik ut taarileb' jo' naq laj k'aak'alenel ketomq narileb' li xkarneer».

Ezequiel 34:2

“At kaamel winq, aatinan sa' ink'ab'a' ut ye reheb' li neke'k'aak'alenk re Israel: «Jo'ka'in xye li Qaawa': Ra chaalel sa' xb'eeneb' li neke'k'aak'alenk re Israel, xb'aan naq yal xjuneseb' rib' neke'xch'oolani rib'. Ma ink'a' tab'i' a'eb' li ketomq tento rilb'aleb'?

Miqueas 7:14

At Qaawa', chawil taxaq laatenamit rik'in laawankil, chab'eresiheb' laakarneer sik'b'ileb' ru aab'aan, li wankeb' xjunes sa' li k'iche' ut sutsuukeb' sa' xq'emal li ch'och'. K'ameb' chi ichajib'k sa' xteepal Basán ut Galahad, jo' naq ke'wank chaq junxil.

Zacarías 13:7

Li Nimajwal Yos naxye chi jo'ka'in: “Ajsi aawu, at q'esnal ch'iich', re xkamsinkil laj k'aak'alenel, ut kamsi li natenq'ank we. Kamsi laj ilol ketomq, ut eb' li karneer te'xcha'cha'i rib'eb'; ut laa'in ink'a' tintoq'ob'a ruheb' li kok' karneer.

Ezequiel 34:15

Laa'in ajwi' tinb'eresinq reheb' linkarneer ut teb'ink'am chi hilank -chan li Qaawa'-.