Isaías 4:2 - Q'eqchi Bible

² Sa' li kutan a'an li xTuxm li Qaawa' a'anaq li xloq'al ut li xsahil ruheb' laj Israel li te'kole'q; ut li Ru li ch'och' a'anaq li xwankilal ut li xnimal xloq'aleb'.

Li Santil hu

² Ta̱cuulak xkꞌehil nak li Dios tixqꞌue chi yoꞌla̱c jun li chꞌina al chanchan xtux jun li cheꞌ. Cꞌajoꞌak xchakꞌal ru ut cꞌajoꞌak xlokꞌal. Ut kꞌaxal nabal li acui̱mk ta̱e̱lk saꞌ lix chꞌochꞌeb laj Israel li incꞌaꞌ teꞌsachekꞌ ru re xqꞌuebal xlokꞌaleb ut xcuanquilaleb.

Isaías 4:2 ပူးပေါင်းရင်းမြစ်များ

Zacarías 6:12

ut taaye re chi jo'ka'in: «Jo'ka'in xye li Nimajwal Yos: A'an a'in li winq li Tuxm naxk'ab'a'in. Taatuxmeq ut tixyiib' wi' chik li rochoch li Qaawa'.

Jeremías 23:5

“Taawulaq xkutankil naq tinxaqab' junaq ralal laj David, q'axal tiikaq xch'ool ut wanq xna'leb' chi awab'ejink; a'an tixk'anjela ru li tiikilal ut li k'ulub'ej sa' li na'ajej a'in.

Zacarías 3:8

Ab'i chi us, a Josué, laa'at li xyuwa'il aj tij; che'rab'ihaq ajwi' eb' laj tij li neke'tenq'ank aawe. Ab'ihomaq chi us li tinye, xb'aan naq jo'kex li propeet, laa'ex reetalil li taak'ulmanq: Tintaqla chaq laj k'anjel chiwu, a' li Tuxm xk'ab'a'.

Isaías 27:6

Chiruheb' li kutan chaalel laj Jakob tixchap xxe'; laj Israel taa'atz'umaq ut taak'ihanq, tixnujob'resi li ruuchich'och' rik'ineb' li ralal xk'ajol.

Joel 2:32

Ab'anan chixjunileb' li te'yaab'anq re xk'ab'a' li Qaawa', te'kole'q, xb'aan naq sa' li tzuul Sión ut Jerusalén taawanq li kolb'a ib', jo' kixye li Qaawa'. Jo'k'ihaleb' li sik'b'ileb' ru xb'aan li Qaawa' te'kole'q.

Jeremías 33:15

“Chiruheb' li kutan a'an, tinxaqab' jun li ralal laj David, q'axal tiikaq xch'ool, li tixk'anjela ru li tiikilal ut li k'ulub'ej sa' li na'ajej a'in.

2 Corintios 4:6

Xb'aan naq li Yos li kiyehok: “Chilemtz'unq li saqenk sa' li aak'ab'”, a'an ajwi' xk'ehok chi lemtz'unk li saqenk sa' li qach'ool re naq taakutano'q li xloq'al li Yos li nalemtz'unk sa' xnaq' ru li Kriist.

Abdías 1:17

Ab'anan li tzuul Sión a'anaq li santil na'ajej b'arwi' te'xik chi muqlek eb' li xe'elelik. Eb' li ralal xk'ajol laj Jakob te'reechani wi' chik li xch'och'eb'.

Jeremías 44:14

Maajun reheb' li xch'inach'uuteb' laj Judá li xkoheb' chi wank sa' xteepal Ejiipt, te'kole'q. Us ta raj te'sutq'iiq chaq wi' chik Judá, ink'a' te'ruuq sutq'iik; yal wiib' oxib'eb' aj chik te'eleliq ut te'sutq'iiq chaq»”.

Isaías 60:21

“Chixjunileb' li wanqeb' sa' laatenamit tiikaqeb' xch'ool ut te'reechani li na'ajej a'in chi junajwa. Laa'in kinyoob'tesink reheb' re naq te'xk'ut linloq'al: chanchaneb' li xtuxm li awimq li kiwaw laa'in.

Isaías 53:2

Laj K'anjel a'an xk'iik chiru li Qaawa' jo' jun toon chi che' li xmoqk sa' li chaqich'och'. Moko ch'ina'us ta na'ilok chi moko wank xloq'al; maak'a' junaq k'a' tawi' ru tqak'e wi' xwankil.

Salmos 72:16

Numtajenaqaq li awimq sa' ruuchich'och', heetanqeb' sa' xb'eeneb' li loq'laj tzuul; chi'uuchinq ut chituxmeq li ch'och' kama' li tzuul Líbano, chiwanq triiw kama' li pim sa' li tzuultaq'a.

2 Pedro 1:16

Naq xlajqak'ut cheru li xwankilal ut li xk'ulunik li Qaawa' Jesukriist moko xqaye ta a'an jo' jun seeraq' li maak'a' rajb'al, chirix b'an naq ak xqil chaq tz'aqal rik'in qu li xnimajwal loq'al.

San Juan 1:14

Ut li Aatin kitz'ejwalo'k ut kixk'ojob' li xmuheb'aal sa' qayanq, ut laa'o xqaka'ya li xloq'al k'eeb'il re xb'aan li Yuwa'b'ej jo' xloq'al li jun chi K'ajolb'ej nujenaq chi usilal ut chi yaal.

San Lucas 21:36

Chexyo'leq b'i'; rajlal chextijoq re naq kawaqex chi xkolb'al eerib' chiru chixjunil a'in li talajk'ulmanq ut xaqxooqex chiru li K'ajolb'ej”.

San Mateo 24:22

Ut wi ink'a' taak'osmanq li xk'ihaleb' li kutan a'an, maa'ani raj taakole'q; ab'an, sa' xk'ab'a' li sik'b'ileb' ru, taak'osmanq li xk'ihaleb' li kutan a'an.

Zacarías 9:17

K'ajo'aq xch'ina'usal ut xchaab'ilal li na'ajej! Li triiw taak'iiresinq reheb' li saaj winq ut li b'iin taasahob'resinq xch'ooleb' li tuq'ixq.

Joel 3:18

“Sa' li kutan a'an q'axal chaab'ilaq chik li ch'och', k'ajo' chik naq te'uuchinq li awimq; wanq chik li ha' sa' chixjunileb' li roqha' re Judá ut taayo'laaq jun yu'amha' sa' rochoch li Qaawa' li tixt'aqresi li xtaq'ahil Akasya.

Ezequiel 7:16

Eb' li te'ruhanq chi elelik, te'xb'eeni rib' sa'atqeb' li k'iche', tz'uyuynaqeb' xb'aan li xmaakeb', jo'qeb' li mukuy xib'esinb'ileb'.

Jeremías 44:28

Ka'ajeb' wi' wiib' oxib' li te'kole'q sa' li raaxiik'; te'elq Ejiipt ut te'sutq'iiq wi' chik Judá. Toja' naq chixjunileb' laj Judá li ke'chalk chi na'ajunk Ejiipt, te'xnaw ani aj aatin xtz'aqlok ru, ma a' li waatin laa'in, malaj li raatineb' a'an.

Isaías 45:8

“Ex choxa, chehoy chaq li k'ajob'; ex choql, chetaqla chaq li tiikilal. Chitehonq li ch'och' ut chiruuchin li kolb'a ib'; rochb'eenaq a'an chi'atz'umaq li tiikil ch'oolej. Laa'in, li Qaawa', ninyoob'tesink re a'in”.

Isaías 30:23

Li Qaawa' tixtaqla chaq li hab' sa' xb'een li iyaj xeraw sa' li ch'och', ut a'in naab'al li wa tixk'e eere ut k'ajo'aq xsahil. Chiruheb' li kutan a'an eb' leewakax q'axal nimaq chik li xna'ajeb' te'ichajib'q wi';

Isaías 11:4

Taaraqoq b'an aatin sa' tiikilal chirixeb' li maak'a'eb' xwankil ut tixkoleb' li neb'a' li wankeb' sa' li tenamit. Yal rik'in li raatin tixrahob'tesi li ink'a' us xna'leb' ut rik'in li xmusiq' tixsach ru li nab'aanunk maa'usilal.

Salmos 67:6

At Qaawa', che'b'anyoxinq taxaq chawu li tenamit, che'b'anyoxinq taxaq chawu chixjunileb'!

Éxodo 28:2

Taayiib' chi chaab'il li raq' laj Aharón laawas, re naq chik'utunq li xloq'al ut li xwankilal.

Isaías 26:1

Sa' li kutan a'an taab'ichamanq li b'ich a'in sa' xteepal Judá: “Kaw rib' li qatenamit; li Qaawa' xk'ehok re wiib' xtzol li xsuttz'akil re naq tookole'q.

Isaías 60:15

Xattz'eqtaanaak, xatmajewaak ut junaatalat naq xatwank; ab'an chalen anaqwan tink'e aaloq'al chi junelik ut laa'ataq li xsahil xch'ooleb' chixjunileb' junq'e junq'e kutan.

Isaías 61:11

Jo' naq li ch'och' naxk'e chi yo'laak chixjunil li che'k'aam ut namoqk li loq'laj iyaj sa' li xna'aj li awimq, jo'kan ajwi' naq li Qaawa' tixk'e chi moqk li tiikilal, ut chixjunileb' li tenamit te'b'ichanq re.

Ezequiel 34:29

Chaab'il ch'och' tink'e reheb' re naq wanq naab'al li awimq; maajoq'e chik te'xkuy li we'ej, chi moko te'se'eeq chik xb'aaneb' laj ab'l tenamit.

Ezequiel 36:8

Ut laa'ex, ex xtzuulul Israel, textuxmeq ut tex'uuchinq cho'q reheb' laj Israel, lintenamit, xb'aan naq ak sutq'iik chaq reheb'.

Malaquías 3:17

Toja' naq li Nimajwal Yos kixye: “Yookin chi xkawresinkil jun li kutan, b'arwi' a'aneb' tz'aqal intenamitaqeb' wi' chik, ut tinkuy li xmaakeb' jo' naq jun li yuwa'b'ej naxkuy xmaak li ralal li nak'anjelak chiru.