Isaías 38:3 - Q'eqchi Bible

³ “At Qaawa', jultikaq taxaq aawe naq tiik ru linyu'am; xinwank chawu sa' chaab'ilal ut xinb'aanu li nawulak chawu”. K'ajo' naq kiyot'e'k xch'ool laj Esekías chi yaab'ak.

Li Santil hu

³ —At Ka̱cuaꞌ, at inDios, la̱in nintzꞌa̱ma cha̱cuu, chijulticokꞌ taxak a̱cue nak la̱in xincꞌanjelac cha̱cuu chi anchal inchꞌo̱l ut saꞌ ti̱quilal. Xinba̱nu li us joꞌ nacuulac cha̱cuu, chan. Ut quiya̱bac chi kꞌaxal ra saꞌ xchꞌo̱l.

Isaías 38:3 ပူးပေါင်းရင်းမြစ်များ

Hebreos 6:10

Xb'aan naq tiik xch'ool li Yos, moko hoon ta nasachk sa' xch'ool leechaab'il k'anjel ut chanru xetenq'aheb' chaq laj santil paab'anel, ut toj yookex chi xtenq'ankileb' anaqwan, sa' xk'ab'a' li Qaawa'.

Hebreos 5:7

Chiru li xyu'am arin sa' ruuchich'och', li Kriist kitz'aamank ut ki'elajink chi kaw xyaab' xkux ut rik'in xya'al ru chiru li Yos, li wank xwankil chi kolok re chiru li kamk, ut ki'ab'iik xb'aan naq tiik xch'ool.

Nehemías 13:14

Chinjultiko'q aawe rik'in li k'anjel xinb'aanu, at inYos! Misachk sa' aach'ool li us xinb'aanu cho'q re laawochoch ut re laak'anjel.

2 Corintios 1:12

A'an a'in li k'ojk'o wi' li qach'ool: xnawb'al naq xoowank sa' santilal ut tiikilal sa' li ruuchich'och' a'in sa' xk'ab'a' li Yos, ut q'axal wi' chik naq xoowank sa' eeyanq laa'ex: moko rik'in ta xna'leb' li ruuchich'och', rik'in b'an rusilal li Yos.

San Juan 1:47

Li Jesus kiril naq laj Natanael yo chi nach'ok, ut kixye: —We' chaq jun tz'aqal aj Israel li maak'a' b'alaq'ik rik'in.

Nehemías 13:22

Chirix chik a'an kinye reheb' laj Leví naq te'xch'ajob'resi rib' ut xikaqeb' chi xk'aak'alenkileb' li okeb'aal re naq ink'a' taamuxmanq li kutan sábado. Rik'in ajwi' a'in chinjultiko'q aawe, at inYos, ut chatoq'ob'a taxaq wu jo' chanru xnimal aawuxtaan!

Nehemías 5:19

Chirix chik a'an kintijok chi jo'ka'in: “Chinjultiko'q taxaq aawe, at inYos; chinaawosob'tesi sa' xk'ab'a' chixjunil li xinb'aanu cho'q re li tenamit a'in!”.

Deuteronomio 6:18

B'aanuhomaq li tiikilal ut li us chiru li Qaawa' re naq sahaq sa' leech'ool ut toxeereechani li chaab'il ch'och' li kixyeechi'i li Qaawa' reheb' leena' leeyuwa',

Salmos 6:8

Xe'sipo'je'k li rix wu xb'aan xmay linch'ool, ink'a' chik nin'ilok xb'aaneb' li xik' neke'ilok we.

1 Crónicas 29:19

Chak'e ajwi' re laj Salomón li walal naq tiikaq li xch'ool, re naq tixpaab' laataqlahom, laachaq'rab' ut laawaatin, ut tixnaw taxaq xk'anjelankil ru chixjunil. Chak'e taxaq naq tixchoy xyiib'ankil laaloq'laj ochoch li ak xinkawresi laa'in”, chan laj David.

Oseas 12:4

Kiyalok rik'in jun li ánjel ut kixq'ax ru, kiyaab'ak ut kirelaji li rusilankil. Moqon chik koxtaw li Yos aran Betel ut ki'aatinak rik'in.

Salmos 119:80

Kawaq taxaq li waanm chi xpaab'ankil laachaq'rab', re naq ink'a' xutaanal tin'elq.

Salmos 102:9

Eb' li xik' neke'ilok we yookeb' chinhob'b'al chixjunil li kutan; ut eb' li nikine'roxloq'i chaq junxil, a' chik inmaa'usilankil yookeb' anaqwan.

Salmos 32:2

Us xaq re li maak'a' b'alaq'ik rik'in ut maak'a' xmaak chiru li Qaawa'.

Salmos 101:2

Twaj tinb'eeq sa' li b'e jwal chaab'il: jo'q'e tatchalq wik'in, at inYos? Tinwanq chi tuqtuuq inch'ool sa' li wochoch,

Salmos 26:3

xb'aan naq k'utk'u chiwu laarahom ut junelik xinb'eek sa' li yaal xak'ut chiwu.

Salmos 16:8

Junelik nink'oxla li Qaawa'; wi wank chink'atq, ink'a' taach'inanq li waanm.

Nehemías 13:31

Jo'kan ajwi' kinb'aanu re naq ch'olch'ooq aniheb' te'k'amoq chaq si' cho'q re li artal sa' xq'ehil, ut kinye reheb' li tenamit naq tento xk'eeb'al li xb'een ru li awimq. At inYos, chinjultiko'q taxaq aawe sa' xk'ab'a' chixjunil li us xinb'aanu!

Nehemías 1:4

Naq kiwab'i a'in, kink'ojlaak ut kin'ok chi yaab'ak. Ut chiru wiib' oxib' kutan q'axal kiraho'k sa' inch'ool, kin'ayuunik ut kintijok chiru li choxahil Yos.

Esdras 10:1

Wiq'wo laj Esdras chiru rochoch li Yos, yo chi yaab'ak, chi tijok ut chi xxootoninkil li xmaak. Toja' naq jun tuub'eb' aj Israel, jo' winq, ixq ut kok'al, ke'xch'utub' rib' chi xsutam, k'ajo'eb' chi yaab'ak.

2 Crónicas 25:2

Kixb'aanu li nawulak chiru li Qaawa', ab'an ink'a' kixb'aanu chi anchal xch'ool.

2 Crónicas 16:9

Xb'aan naq li Qaawa' naxb'eeni chixjunil li ruuchich'och' re xkawub'resinkil xch'ooleb' li yo'ooneb' rik'in. Aamemil xab'aanu wi' a'in. Jo'kan naq chalen anaqwan junelik wanqat sa' raaxiik'”.

1 Crónicas 29:9

K'ajo' naq ke'saho'k eb' li tenamit rik'in a'in, xb'aan naq chi anchaleb' xch'ool ke'xk'e re li Qaawa' jo'ch'inal jo'nimal x'alaak sa' xch'ooleb'. Jo'kan ajwi' li awab'ej David kisaho'k xch'ool.

1 Reyes 2:4

Chi jo'kan li Qaawa' tixb'aanu li kixyeechi'i we naq kixye: «Wi eb' laawalal tine'xpaab' anchaleb' xch'ool ut anchaleb' raanm, wi chaab'il te'wanq ut tiikaqeb' xch'ool, junelik eb' laawalal te'wanq sa' li k'ojarib'aal chi rawab'ejinkileb' laj Israel».

Génesis 17:1

B'eleelaju ro'k'aal (99) chihab' wank re laj Abrán naq li Qaawa' kixk'ut rib' chiru ut kixye re: “Laa'in li Nimajwal Yos. Wanqat chi sum'aatin wik'in ut tiikaq laach'ool.

Génesis 6:9

A'an a'in li resil xyu'am laj Noé. Laj Noé a'an jun li winq tiik xch'ool ut chaab'il li xyu'am sa' xyanqeb' li rech winqilal. Laj Noé kiwank sa' sum'aatin rik'in li Yos.

1 Reyes 15:14

Ab'anan ink'a' ke'juk'mank eb' li tijob'aal chi xjolomeb' li tzuul, us ta laj Asá q'axal tiik xch'ool chirix li Qaawa', chiru chixjunil li xyu'am.

1 Crónicas 28:9

Ut laa'at Salomón, at walal, chanaw ru li xYos laayuwa' ut tatk'anjelaq chiru chi chaab'il ut chi anchal aach'ool, xb'aan naq li Qaawa' nalajxtz'ili li xch'ool chixjunileb' ut ch'olch'o chiru li xk'a'uxl ut xna'leb' li junjunq. Wi laa'at taasik' li Yos, a'an tixk'ut rib' chawu; ab'an wi taatz'eqtaana, a'an tatxtz'eqtaana ajwi' laa'at chi junajwa.

Salmos 6:6

Xb'aan naq ink'a' chik nakate'xk'oxla eb' li xe'kamk: ani taaruuq chi xnimankil aaloq'al sa' xna'ajeb' li kamenaq?

Isaías 38:2

Laj Esekías kixb'alq'usi rib' chi ilok chiru li tz'ak ut kitijok chi jo'ka'in:

Isaías 38:4

Toja' naq ki'aatinaak laj Isaías xb'aan li Qaawa' chi jo'ka'in:

2 Reyes 18:3

Kixb'aanu li nawulak chiru li Qaawa', jo' tz'aqal kixb'aanu laj David li xyuwa'.