Isaías 38:16 - Q'eqchi Bible

¹⁶ Chixjunileb' li k'aak'alenb'ileb' xb'aan li Qaawa' te'wanq xyu'am ut laa'in tinwanq rik'ineb'. Xinaak'irtasi, at Qaawa', ut xak'e wi' chik inyu'am.

Li Santil hu

¹⁶ At Ka̱cuaꞌ, riqꞌuin li usilal li nacaba̱nu eb li cristian teꞌcua̱nk xyuꞌam. Ut riqꞌuin ajcuiꞌ chixjunil li usilal nacaqꞌue cua̱nk inyuꞌam la̱in. La̱at tina̱qꞌuirtesi ut ta̱qꞌue inyuꞌam.

Isaías 38:16 ပူးပေါင်းရင်းမြစ်များ

1 Corintios 11:32

Ut naq naraqmank aatin sa' qab'een xb'aan li Qaawa', nokootije'k xb'aan, re naq ink'a' took'ehe'q sa' tojb'amaak qochb'een li ruuchich'och'.

San Mateo 4:4

A'ut li Jesus kichaq'ok ut kixye: —Tz'iib'anb'il sa' li Santil Hu naq moko ka'aj ta wi' rik'in wa yo'yooq li winq, rik'in aj b'an wi' chixjunil li aatin na'elk chi xtz'uumal re li Yos.

Salmos 119:25

Yo chi sub'e'k sa' li pojtz' linyu'am, chak'e wi' chik linyu'am jo' xayeechi'i we.

Isaías 64:5

Nakat-elk chi xk'ulb'al chi sa laach'ool li nab'aanunk li tiikilal chi anchal li raanm jo'wi' najultiko'k re li xtaaqenkil laab'e. Yaal ajwi' naq xatjosq'o'k, ab'an a'an xk'ulmank xb'aan naq xoomaakob'k chawu; chalen chaq junxil jwal aj q'etol aatino.

Salmos 71:20

Us ta xinaak'e chi rilb'aleb' li k'iila ch'a'ajkilal ut rahilal, ab'an taak'e wi' chik inyu'am; tulinaawisi sa' xchamal li jul wankin wi',

Deuteronomio 8:3

Us ta kixkub'si laawankil ut katxk'e xkuyb'al aasa', ab'anan kixk'e chawa' li maná li ink'a' aanawom ru laa'at chi moko xnawomeb' ru laana' laayuwa', re xk'utb'al chawu naq moko ka'aj ta wi' rik'in wa yo'yo li winq, rik'in aj b'an wi' chixjunil li na'elk chaq sa' re li Qaawa'.

2 Corintios 4:17

Li rahilal naqak'ul, a'an junpaat ajwi' ut moko aal ta riiqankil; ut a'an k'ajo' xnimal li junelik loq'al yo xkawresinkil cho'q qe laa'o,

Hebreos 12:9

Jun chik. Eb' li qana' qayuwa' ke'wank chaq cho'q aj tijol qe sa' ruuchich'och', ut laa'o kiqoxloq'iheb' chaq. Ma toja' ta chik ink'a' tqapaab' li qachoxahil Yuwa', re naq yo'yooqo?

Salmos 39:13

“At Qaawa', chak'ul taxaq lintij, chawab'i taxaq naq japjo we chayaab'ankil; maatz'apxiki aawib' naq yookin chi yaab'ak. Xb'aan naq yal aj numelin chawu, yal aj ula'in aawe, jo'keb' ajwi' chixjunil linna' linyuwa'.

Salmos 119:71

Q'axal us cho'q we naq xink'ul rahilal, re naq tintzol chixjunil li nakawaj.

Salmos 119:75

At Qaawa', ch'olch'o chiwu naq nakatraqok aatin sa' tiikilal ut wank xyaalal naq nikinaarahob'tesi.

Salmos 30:3

At Qaawa', at inYos, xinyaab'a laak'ab'a' ut xinaak'irtasi.