Isaías 37:4 - Q'eqchi Bible

⁴ Ma ink'a' tawi' xrab'i li Qaawa' laaYos li xyehom li xnimal ru aj k'anjel li xtaqlaak chaq xb'aan laj eechal re, a' li awab'ej re Asiria, re xhob'b'al li yo'yookil Yos? Jwal us raj naq li Qaawa' laaYos taarahob'tesinq re xb'aaneb' li raatin xye. Laa'at tijon chiru li Qaawa' chirixeb' laj Israel li toj yo'yookeb'!»”.

Li Santil hu

⁴ Lix reyeb laj Asiria quixtakla laj Rabsaces chixhobbal li yoꞌyo̱quil Dios. Ma̱re xrabi ajcuiꞌ li Ka̱cuaꞌ la̱ Dios ut tixqꞌue taxak chixtojbal xma̱c li ani xhoboc re. Chattijok chirixeb li katenamit li joꞌ qꞌuial chic xeꞌcana.—

Isaías 37:4 ပူးပေါင်းရင်းမြစ်များ

Isaías 36:20

K'a' chi yosil, sa' xyanq chixjunileb' li xyoseb' li tenamit a'an, xkol ta li xtenamit sa' wuq' laa'in? Chan put ru naq li Qaawa' tixkol li tenamit Jerusalén sa' wuq'?»”.

Isaías 1:9

Wi ta li Nimajwal Yos ink'a' xooxkol wiib' oxib'aq, xookanaak raj kama' Sodoom, chanchano raj li tenamit Gomoor.

Isaías 10:22

Us ta laatenamit, a Israel, q'axal naab'aleb' jo' xk'ihaleb' li xsamahi'ul li palaw, ab'an yal jun ch'ina ch'uut aj chik te'sutq'iiq chaq. Ak xaqxo xkutankil li xsachb'aleb' re naq wanq li tiikilal chi junwaakaj.

Salmos 106:23

Toja' naq li Qaawa' kixye naq tixsacheb' ru, ab'an laj Moisés, li sik'b'il ru xb'aan, kixram chiru naq ki'aatinak chirixeb' re naq ink'a' te'sache'q ru xb'aan li xjosq'il.

Santiago 5:16

Chech'olob'aq b'i' leemaak cherib'il eerib' ut chextijoq cherix cherib'il eerib' re naq texk'iraaq. Li xtij li tiik xch'ool q'axal na'ab'iik, wi na'uxmank chi anchalil ch'oolej.

Romanos 9:27

Laj Isaías ajwi' kixjap re chi xyeeb'al chirixeb' laj Israel: “Us ta naab'aleb' li ralal xk'ajol laj Israel jo' ta xk'ihal li samahib' chire li palaw, ab'anan ka'ajwi' li rela'eb' taakole'q.

Amós 5:15

Tz'eqtaanahomaq li ink'a' us, rahomaq ru li us ut k'ehomaq xwankil li tiikilal sa' li raqok aatin. Mare anchal li Nimajwal Yos taaruxtaana ruheb' laj José, li jo'k'ihaleb' chik te'kole'q.

Joel 2:17

Sa' xyanq li neb'aal rik'in li artal yaab'aqeb' laj tij li neke'k'anjelak chiru li Yos, ut te'xye: “Kuy xmaakeb' laatenamit, at Qaawa', ut maakanab'eb' chi se'eek xb'aaneb' li xik' neke'ilok re. Ink'a' taxaq te'xye eb' li junch'ol chik: «B'ar wank li xYoseb'?»”.

Isaías 36:18

Laj Esekías yo cheb'alaq'inkil rik'in xyeeb'al naq li Qaawa' taakoloq eere. Ma wank tab'i' junaq tenamit li xkole'k sa' ruq' li awab'ej re Asiria xb'aaneb' li xyos?

Isaías 36:13

Toja' naq li xnimal ru aj k'anjel aj Asiria kixaqliik ut ki'aatinak chi kaw xyaab' xkux sa' hebreo: “Ab'ihomaq li naxye chaq li xnimal ru awab'ej, a' li awab'ej re Asiria.

Salmos 50:21

A'an a'in li nakab'aanu laa'at: ma maak'a' tab'i' tinye chirix a'an? Malaj nakak'oxla naq kama'inat? Anaqwan tatinq'us, ok we chajitb'al.

2 Crónicas 28:19

Chi jo'kan li Qaawa' kixk'ut xxutaaneb' laj Judá xmaak laj Ajás, awab'ej re Israel, li kixtz'eqtaana li Qaawa' ut kik'amok xb'eheb' laj Judá chi xb'aanunkil li maa'usilal.

2 Reyes 19:4

Mare li Qaawa' laaYos xrab'i li raatin li xnimal ru aj k'anjel li xtaqlaak chaq xb'aan laj Senakerib, li awab'ej re Asiria, re xhob'b'al li yo'yookil Yos. Jwal us raj naq li Qaawa' laaYos tixk'e taxaq chi xtojb'al xmaak li ani xhob'ok re. Laa'at tijon chiru li Qaawa' chirixeb' laj Israel li toj yo'yookeb'!»”.

2 Reyes 17:18

K'ajo' naq kijosq'o'k li Qaawa' rik'ineb' laj Israel ut kirisiheb' chi xnaq' ru. Ka'aj chik laj Judá kikanaak rik'in.

2 Samuel 16:12

Mare chan naq li Qaawa' taaril li xtoq'ob'aal wu ut tinrosob'tesi cho'q reeqaj linmajewankil yookin chi xk'ulb'al sa' li kutan a'in”, chan.

1 Samuel 17:36

Laamoos ak xkamsihom li kaqkoj ut li tz'uqtz'un. Ut li winq a'an aj Filistea li maak'a' xpaab'aal, jo'kan ajwi' tixk'ul, xb'aan naq xhob'eb' laj puub' re li yo'yookil Yos.

1 Samuel 17:26

Toja' naq laj David kixpatz' reheb' li wankeb' chi xk'atq: “K'aru taak'ehe'q re li ani taakamsinq re laj Filistea a'an ut trisi li xutaan wank sa' xb'eeneb' laj Israel? Ani li winq a'an li maak'a' xpaab'aal? K'a'ut naq naraj xhob'b'al eb' laj puub' re li yo'yookil Yos?”.

1 Samuel 14:6

Kixye laj Jonatán re laj tenq' re: “Kim, q'axonqo junpak'al, b'arwi' wankeb' laj puub' li ink'a' neke'xpaab' li Yos. Mare chan naq li Qaawa' tooxtenq'a, xb'aan naq moko ch'a'aj ta chiru li Qaawa' qak'eeb'al chi q'axok u, us ta ink'a' naab'alo”.

1 Samuel 12:23

Li Yos chitenq'anq taxaq we re naq ink'a' tinmaakob'q rik'in xkanab'ankil tijok cherix laa'ex. Ninye li waatin naq tink'ut cheru li b'e jwal chaab'il ut tiik.

1 Samuel 12:19

“Chattijoq chiqix laa'o aj k'anjel chawu -chankeb' li tenamit-. Chatz'aama chiru li Qaawa' laaYos, naq ink'a' tookamq, xb'aan naq xqatiq roq li qamaak naq xqapatz' qa'awab'ej”.

1 Samuel 7:8

ut ke'xye re laj Samuel: “Maakanab' tijok chiru li Qaawa' li qaYos, re naq tooxkol sa' ruq'eb' laj Filistea”.

Josué 14:12

Jo'kan naq nintz'aama chawu naq taak'e we li tzuul a'in anaqwan, jo' yeeb'il chaq we sa' li kutan a'an. Ak nakanaw naq wankeb' aran laj Anak; wankeb' ajwi' ninqi tenamit li yo'oon wankeb' chi yalok. Wi li Qaawa' wanq wik'in, twaanilasiheb', jo' xyehom we li Qaawa'”, chan laj Kaleb.

Isaías 10:20

Sa' li kutan a'an eb' laj Israel li te'kole'q, eb' li ralal xk'ajol laj Jakob li te'kanaaq ink'a' chik te'xkawub'resi xch'ool chirixeb' li xe'rahob'tesink reheb', chi anchaleb' b'an chik xch'ool te'xtz'aama xtenq'ankileb' chiru li Qaawa', li xSant laj Israel.

Isaías 11:11

Chiru ajwi' li kutan a'an li Qaawa' tixk'ut li xnimal xwankil re xkolb'al li rela' li xtenamit: taarisiheb' chaq aran Asiria ut Ejiipt, Patros, Etiopía, Elam, Senahar, Jamat ut sa'eb' li na'ajej sutsuukeb' xb'aan li palaw.

Isaías 37:5

Naq eb' li xtaql laj Esekías ke'wulak rik'in laj Isaías,

Isaías 37:17

Ab'i, at Qaawa', ut chak'e reetal; chate xsa' laawu ut chawil li neke'xb'aanu. Ab'i li aatin li xtaqla chaq xyeeb'al laj Senakerib, re aamajewankil laa'at li yo'yookil Yos.

Isaías 37:31

Eb' li te'kole'q sa' xyanqeb' li ralal xk'ajol laj Judá ut ink'a' te'kamq, jo'kaqeb' li che': cham te'xe'enq ut taqe'q te'uuchinq.

Isaías 37:32

Xb'aan naq sa' li tenamit Jerusalén wankeb' te'kole'q; toj wankeb' li te'kanaaq sa' li tzuul Sión. Li xnimal xrahom li Nimajwal Yos taab'aanunq re a'an.

Isaías 46:3

“Ab'ihomaqin, ex ralal xk'ajol laj Jakob, ut chejunilex aj Israel li xexkole'k: Laa'in kin'iiqanink eere naq toj maji' nekexyo'laak, ut junelik xink'e inch'ool cherilb'al.

Jeremías 26:19

“Ma kikamsiik tab'i' laj Mikeas xb'aan laj Esekías, awab'ej re Judá, ut xb'aaneb' chixjunileb' laj Judá? Ink'a'. Li awab'ej kixxiwa ru li Qaawa' ut kixtz'aama xkuyb'aleb' li xmaak. Ut li Qaawa' ink'a' chik kixtaqla chaq li rahilal sa' xb'eeneb' jo' kixk'uub' xb'enwa. A'ut laa'o, wi tqakamsi laj Jeremías, tqateneb' jun nimla maak sa' qab'een”, chankeb'.

Jeremías 42:2

rik'in laj Jeremías, li propeet, ut ke'xye re: “Naqatz'aama jun li usilal chawu: Tijon chiru li Qaawa' laaYos, chiqix laa'o li jun ch'inach'uuto xookanaak. K'ajo' qak'ihal junxil, ut anaqwan yookat chik rilb'al naq ink'a' chik k'iho.

Daniel 2:18

Kixtz'aama ajwi' chiruheb' naq tijoqeb' chiru li Qaawa', re xpatz'b'al xnimal ruxtaan li xYos li choxa chirix li tz'aptz'ookil na'leb' a'an, re naq ink'a' te'kamsiiq rochb'eeneb' laj k'ehol na'leb' re Babilonia.

Amós 7:2

Ut naq eb' laj saak' ak xe'raqe'k chi xsachb'al li raxpim, kinye: “At Qaawa' Yos, b'aanu usilal, chakuy qamaak. Chanru naq tqakuy? Xb'aan naq moko k'iho ta laa'o”.

2 Crónicas 34:21

“Ayuqex chi patz'ok rik'in li Qaawa' chiwix laa'in, chirixeb' laj Israel ut eb' laj Judá, k'aru naraj xyeeb'al eb' li aatin tz'iib'anb'ileb' sa' li hu xtawmank. Nim li xjosq'il li Qaawa' sa' qab'een, xb'aan naq eb' li qaxe' qatoon ink'a' ke'xpaab' li raatin li Qaawa' chi moko ke'xk'anjela ru li tz'iib'anb'il sa' li hu a'in”.

Isaías 1:8

Sión xkanaak xjunes jo' li kuukil ochoch sa' li awimq, jo' junaq tenamit sutsu xb'aaneb' li xik' neke'ilok re.

Isaías 41:14

Matxiwak, a Jakob, mich'inank aach'ool, a Israel: us ta jwal kach'inat ut maak'a' aametz'ew, laa'in nintenq'ank aawe -chan li Qaawa'-. Laa'in, li xSant laj Israel, laj Kolol aawe.