Isaías 32:6 - Q'eqchi Bible

⁶ Xb'aan naq li maak'a' xna'leb' junes memil naxseeraq'i ut junes xb'aanunkil li maa'usilal naxk'oxla. Naxb'aanu li ink'a' us ut naxmajewa li Qaawa'; ink'a' naxk'e chi tzekank li yo xtz'okajik chi moko naxk'e ruk'a' li taachaqiq re.

Li Santil hu

⁶ Li incꞌaꞌ us xnaꞌleb junes to̱ntil naꞌleb naxye ut junes ma̱usilal naxcꞌoxla xba̱nunquil. Naxba̱nu li incꞌaꞌ us ut naxhob li Ka̱cuaꞌ li nimajcual Dios. Incꞌaꞌ naxqꞌue xtzacae̱mkeb li teꞌtzꞌoca̱k chi moco naxqꞌue rucꞌaheb li teꞌchakik reheb.

Isaías 32:6 ပူးပေါင်းရင်းမြစ်များ

San Mateo 15:19

Xb'aan naq sa' li ch'oolej na'elk chaq li ink'a' usil na'leb': li kamsink, muxuk sumlaak, ko'b'eetak yumb'eetak, elq'ak, yoob'ank aatin, majewank.

San Mateo 23:13

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketz'ap li xnimajwal wankilal li choxa chiruheb' li tenamit! Xb'aan naq ink'a' nekex'ok laa'ex, ut nekeram chiruheb' li neke'raj raj ok.

Isaías 3:15

Ab'anan k'aru leewankil naq yookex xrahob'tesinkil lintenamit ut xtawasinkileb' li neb'a'?”, chan li Qaawa', li Nimajwal Yos.

1 Samuel 24:13

Wank jun li aatin ke'xye li qaxe'toonil yuwa': «Eb' li ink'a' useb' xch'ool, a'aneb' li neke'b'aanunk maa'usilal», chankeb'. Jo'kan naq laa'in maajoq'e tintaqsi wuq' sa' aab'een.

Santiago 1:27

Li tz'aqal paab'ank li maak'a' reek' ut loq' chiru li Yos Yuwa'b'ej, a'an a'in: xtenq'ankileb' li maak'a'eb' chik xna' xyuwa' ut eb' li xmalka'an li wankeb' sa' rahilal, jo' ajwi' xkolb'al qib' chiru li xmaa'usilal li ruuchich'och' chi maak'a'aq qamuxul.

Amós 8:6

Aran tooruuq xloq'b'aleb' chi tuminal li maak'a'eb' xwankil, ut eb' li neb'a' tqaloq'eb' yal rik'in jun sumal chi perxaab'. A' ajwi' li xmulel li triiw tqak'ayi!”.

Jeremías 13:23

Ma naru nasaqo'k xtib'el laj q'eq? Ma naru naxsach li xtzipixil rix li hix? Jo'kan ajwi' laa'ex ink'a' texruuq xb'aanunkil li usilal xb'aan naq k'aynaqex chi xb'aanunkil li maa'usilal.

Isaías 9:17

Jo'kan naq li Qaawa' ink'a' tixtoq'ob'a ruheb' li saaj al, ink'a' taaruxtaana ruheb' li neb'a'yox ut eb' li xmalka'an, xb'aan naq chixjunileb' ink'a' useb' xna'leb' ut reemaaruheb', ut junes tz'i' aj aatin neke'xye. Ab'an ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Proverbios 19:3

Li maak'a' xna'leb' nasachk sa' li xb'e, ut chirix a'an naxk'e xmaak li Qaawa'.

Salmos 141:4

Chinaatenq'a re naq ink'a' taaxik inch'ool chirix li k'aru ink'a' us; ink'a' taxaq chin'okenq xb'aanunkil li maa'usilal wochb'eeneb' laj maak, chi moko chixk'ul li waanm li k'aru neke'xtzeka.

Proverbios 24:7

Li maak'a' xna'leb' ink'a' naxnaw k'aru tixye sa' li raqleb'aal aatin, xb'aan naq maak'a' li chaab'il na'leb' rik'in.

Isaías 10:2

Ink'a' neke'xtenq'aheb' li neb'a' sa' li raqleb'aal aatin, neke'xram b'an li xk'ulub' eb' li ra wankeb' sa' lintenamit, neke'xchoy xsa' li xjunkab'aleb' li xmalka'an ut neke'xmaq' li k'aru wank reheb' li neb'a'yox.

Isaías 10:6

Nintaqla chi xsachb'al jun tenamit yib'ru xna'leb', jun tenamit li yo wi' injosq'il, re tixmaq' ut tixxok li xb'ihomaleb', ut tixyeq'iheb' sa' roq jo'eb' li xseb'ul li b'e.

Isaías 26:10

Us ta taakuymanq xmaak li ink'a' us xna'leb', ab'an ink'a' tixtzol wank sa' tiikilal; toj yooq xb'aanunkil li maa'usilal sa' xyanqeb' li tiikeb' ru xyu'am ut ink'a' tixk'e reetal li xwankilal li Qaawa'.

Isaías 31:2

Ab'an li Qaawa' seeb' ajwi' xch'ool ut naxnaw rahob'tesink; naq naxye junaq li raatin, ink'a' chik naxjal li xk'a'uxl. A'an taaraqoq aatin sa' xb'eeneb' li ink'a' useb' xna'leb' jo'wi' sa' xb'eeneb' li neke'tenq'ank reheb' laj b'aanuhom maa'usilal.

Isaías 59:7

Neke'xseeb'a rib' chi xb'aanunkil li maa'usilal, jo'wi' chi xkamsinkileb' li ras riitz'in li maak'a'eb' xmaak. Ka'ajwi' li kamsink poyanam wank sa' xch'ooleb', sachok ut rahilal neke'xkanab' b'arwi' neke'nume'k.

Isaías 59:13

Xqamajewa ut xqatz'eqtaana li Qaawa', ink'a' xqaj xtaaqenkil li qaYos; ka'ajwi' li maa'usilal ut li raaxiik' xqak'oxla xb'aanunkil, ut junes b'alaq'ik x'alaak sa' qach'ool.

Daniel 12:10

Naab'aleb' li te'yale'q rix ut te'ch'ajob'resiiq xb'aan li Yos. Eb' li yib'ru xna'leb'eb' toj yooqeb' chi xb'aanunkil li maa'usilal, chi maajun taatawoq xyaalal; ab'anan li wankeb' xchoxahil na'leb' te'xtaw ru.

Ezequiel 34:18

Ma ink'a' tz'aqal cho'q eere ichajib'k sa' li chaab'il pim naq xeyeq'i sa' leeroq li na'ela'ank? Nekeruk' li ha' saq ru, ut neketz'ajni ru li rela' rik'in leeroq.