Isaías 32:5 - Q'eqchi Bible

⁵ Ink'a' chik taayehe'q “chaab'il winq” re li maak'a' xna'leb' chi moko taak'ehe'q xloq'al li eet aj winq.

Li Santil hu

⁵ Incꞌaꞌ chic ta̱yehekꞌ cha̱bil reheb li incꞌaꞌ useb xnaꞌleb, chi moco ta̱qꞌuehekꞌ chic xlokꞌaleb li nequeꞌbalakꞌic.

Isaías 32:5 ပူးပေါင်းရင်းမြစ်များ

Isaías 5:20

Ra chaalel sa' eeb'een li nekexyehok us re li ink'a' us, ut moko us ta nekeye re li chaab'ilal; li nekek'e cho'q saqenk li aak'ab', ut li q'oqyink nekek'e cho'q kutan; li nekek'e li k'a cho'q ruuchil li ki', ut li ki' nekek'e cho'q k'a.

Malaquías 3:18

Toja' naq laa'ex teenaw wi' chik b'ar wank li tiik xch'ool ut li ink'a' us xna'leb', li nak'anjelak chiru li Yos ut li ink'a' napaab'ank chiru”.

Salmos 15:4

xik' naril li tento xtz'eqtaanankil ut naroxloq'i li naxxiwa ru li Qaawa'; li ink'a' naxjal ru li xyeechi'om rik'in jurament, us ta ra tixk'ul sa' xk'ab'a' li yaal;

1 Samuel 25:25

Nintz'aama chawu naq ink'a' taak'e sa' aach'ool li xyehom laj Nabal: a'an jun li winq ink'a' us xna'leb'. Aj Nabal ke'xk'e cho'q xk'ab'a', ut relik chi yaal naq a'an mem. Chakuy inmaak, laa'in aj k'anjel chawu, ink'a' xwileb' ru li winq li xataqlaheb' qik'in.

Salmos 12:8

At Qaawa', laa'at tattenq'anq qe, laa'at tatkoloq qe chiruheb' li tenamit a'an chi junelik.

Isaías 32:7

Li ink'a' us xna'leb' junes b'alaq'ik naxk'oxla ut naxyal xq'e chi xb'aanunkil li yib'eetal ru aj na'leb'; naxlab'ale li kub'enaq xwankil rik'in tik'ti' ut ink'a' naxkol rix li neb'a' sa' li raqleb'aal aatin.