Isaías 31:3 - Q'eqchi Bible

³ Eb' laj Ejiipt a'an yal winqeb' ut moko yoseb' ta; ut li xkawaayeb' a'an yal tib'elejeb', moko musiq'ejeb' ta. Naq li Qaawa' tixye' li ruq', taatichk'oq laj tenq'anel ut taat'ane'q li natenq'aak; wotz te'oso'q chi junajwa.

Li Santil hu

³ Eb laj Egipto yal cui̱nkeb. Moco dioseb ta. Ut lix cacua̱yeb yal xuleb. Moco musikꞌejeb ta. Nak li Ka̱cuaꞌ tixyeꞌ li rukꞌ chixqꞌuebaleb chixtojbal lix ma̱c, jun xxiquic nak teꞌosokꞌ. Ta̱osokꞌ laj tenkꞌanel ut ta̱osokꞌ ajcuiꞌ li natenkꞌa̱c.

Isaías 31:3 ပူးပေါင်းရင်းမြစ်များ

Isaías 9:17

Jo'kan naq li Qaawa' ink'a' tixtoq'ob'a ruheb' li saaj al, ink'a' taaruxtaana ruheb' li neb'a'yox ut eb' li xmalka'an, xb'aan naq chixjunileb' ink'a' useb' xna'leb' ut reemaaruheb', ut junes tz'i' aj aatin neke'xye. Ab'an ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Ezequiel 28:9

Ma toj yooqat chi xk'oxlankil naq laa'at yos naq wanqat chiruheb' laj rahob'tesinel? Ab'anan naq wanqat sa' ruq'eb' li te'kamsinq aawe, taak'e reetal naq yal winqat ut moko yosat ta.

Jeremías 15:6

Laa'at xattz'eqtaanank we ut xkohat -chan li Qaawa'-. Jo'kan naq laa'in xintitz'k chi xkuyb'al laamaak: xintaqsi li wuq' sa' aab'een charahob'tesinkil ut xinsach aawu.

Isaías 30:7

Relik chi yaal naq li xtenq'aal Ejiipt maak'a' aj e ut maak'a' na'ok wi'. Jo'kan naq xink'e cho'q xk'ab'a' Ejiipt: “Josq' aj nimla xul, ab'an maak'a' na'ok wi'”.

Salmos 33:17

Maak'a' na'ok wi' li kawaay re li kolb'a ib'; us ta q'axal nim li xkawilal, ink'a' truuq taakoloq.

Salmos 9:20

Waklin, at Qaawa', ut minumtaak li winq sa' aab'een, chiraqmanq aatin sa' xb'eeneb' li tenamit chawu laa'at.

Isaías 36:9

Ab'an laa'at moko kaw ta aawib' chi raanilasinkil junaq reheb' laj puub' re linwa'chin, us ta a'an q'axal toq'ob'aal ru. K'a'ut naq yookat chi royb'eninkileb' aab'eleb'aal ch'iich' ut aakawaay aran Ejiipt?

Isaías 36:6

Nink'e reetal naq kaw aach'ool rik'ineb' laj Ejiipt re naq tate'xtenq'a. Ab'an eb' a'an moko kaweb' ta rib', chanchaneb' b'an jun kaxlan'aj jorol li naxset ut naxpaynumi li ruq' li ani naxkuutu rib' chiru. Jo'kan naxb'aanu laj Parahón, awab'ej re Ejiipt, reheb' chixjunileb' li neke'xkawu xch'ooleb' rik'in.

Isaías 30:5

chixjunileb' te'b'alaq'iiq xb'aan li tenamit a'an li maak'a' na'ok wi'; ink'a' te'tenq'aaq xb'aaneb' chi moko us te'elq, ka'aj b'an wi' li xutaan ut li rahilal te'xk'ul.

San Mateo 15:14

Kanab'omaqeb' xb'aan naq mutz'eb' ut aj b'eresihom mutz'eb'. Ut wi junaq mutz' naxb'eresi junaq rech mutz'il, chi xkab'ichaleb' te't'ane'q sa' jul.

Salmos 118:8

Jwal us toomuhenq rik'in li Qaawa' chiru naq k'ojk'ooq li qach'ool rik'ineb' li winq;

Isaías 10:3

K'aru teeb'aanu naq taachalq li raqb'a aatin sa' eeb'een, naq toj chi najt taachalq chaq li raaxiik'? Ani teepatz' wi' eetenq'ankil ut b'ar teekanab' leeb'ihomal?

Isaías 20:6

Chiruheb' li kutan a'an, eb' li poyanam li wankeb' chire li palaw sa' xteepal Filistea, te'xye: «Ilomaq chanru xkanaak li tenamit li kaw wi' li qach'ool, li xqapatz' wi' qatenq'ankil re raj tooxkol chiru li awab'ej re Asiria. Ut anaqwan chanru tookole'q laa'o?», cha'qeb'”.

Isaías 30:16

ut xeye chi jo'kan: “Ink'a', jwal us too'eleliq chirix kawaay”. Us b'i', elelinqex! Xeye ajwi': “Too'eleliq sa' b'eleb'aal ch'iich' li kaw neke'xik”. Us a'an, jo'kanaqeb' ajwi' li te'aanilasinq eere!

Jeremías 17:5

Jo'ka'in kixye li Qaawa': “Majewanb'ilaq li naxkawub'resi xch'ool chirix li winq, a' li naxsik' xtenq'ankil rik'in li yal kaamel ut li Qaawa' naxtz'eq chirix li xch'ool.

Ezequiel 28:2

“At kaamel winq, ye a'in re li x'awab'ej Tiro: «Jo'ka'in xye li Qaawa': Xaq'etq'eti aawib' ut xaye naq yosat. K'ojk'ookin sa' xk'ojarib'aaleb' li yos ut sutsuukin xb'aan li palaw, chankat. Ab'anan yal winqat ut maawa'at yos, us ta nakak'oxla naq wank aana'leb' jo' yos.

Amós 2:15

Ink'a' chik tixkuy yalok li nakutuk chi simaj; li seeb' chi aanilak ink'a' truuq tixkol li xyu'am chi moko tixkol rib' li naxik chirix kawaay.

2 Crónicas 32:8

Yal winqeb' li rochb'een chaq, a'ut li qochb'een laa'o a'an li Qaawa' li qaYos, re qatenq'ankil chi yalok”, chan laj Esekías. Q'axal ke'ajk xch'ooleb' li tenamit naq ke'rab'i li aatin kixye laj Esekías, awab'ej re Judá.

Isaías 20:4

Jo'kan ajwi' li awab'ej re Asiria tixchapeb' laj Ejiipt ut eb' laj Etiopía, a' yaal ma cheek malaj saajil poyanam, ut tixk'ameb' sa' jalanil tenamit chi maak'a'aq raq'eb' chi moko xxaab'eb', tik t'ust'uuqeb' chi junajwa, re xk'utb'al xxutaaneb'.