Isaías 30:7 - Q'eqchi Bible

⁷ Relik chi yaal naq li xtenq'aal Ejiipt maak'a' aj e ut maak'a' na'ok wi'. Jo'kan naq xink'e cho'q xk'ab'a' Ejiipt: “Josq' aj nimla xul, ab'an maak'a' na'ok wi'”.

Li Santil hu

⁷ Relic chi ya̱l nak ma̱cꞌaꞌ na-oc cuiꞌ li teꞌxba̱nu eb laj Egipto. Moco naru ta teꞌxtenkꞌaheb laj Israel. Joꞌcan nak ninye: —Eb laj Egipto nequeꞌxnimobresi ribeb, abanan ma̱cꞌaꞌ naru nequeꞌxba̱nu.—

Isaías 30:7 ပူးပေါင်းရင်းမြစ်များ

Isaías 2:22

Jo'kan naq meek'ojob' chik eech'ool chirix li winq li yal jun k'amok ajwi' li xmusiq': k'aru na'ok wi' a'an?

Oseas 5:13

“Naq laj Efraín tixk'e reetal li xyajel ut laj Judá taaril li xtiq'ilal, toja' naq laj Efraín taaxik Asiria ut laj Judá tixpatz' xtenq'ankil re li nimajwal awab'ej; ab'an a'an ink'a' taaruhanq chi xk'irtasinkileb' chi moko xb'anb'aleb'.

Lamentaciones 3:26

Q'axal us royb'eninkil naq li Yos tooxtenq'a, chi k'ojk'ooq li qach'ool rik'in.

Isaías 7:4

ut toxaaye re: «K'e reetal ut kawaq aach'ool. Matxiwak ut mich'inank laawaanm xb'aaneb' li wiib' kok' ru'uj si' a'an, a' laj Rasín rochb'eeneb' laj Siria ut li ralal laj Romelías.

Éxodo 14:13

Kichaq'ok laj Moisés ut kixye reheb' li tenamit: “Mexxiwak, kawaq eech'ool ut teeril li kolb'a ib' tixk'e eere li Qaawa' sa' li kutan a'in. Xb'aan naq eb' laj Ejiipt li yookex chi rilb'al anaqwan, maajun wa chik teerileb' ru.

Jeremías 37:7

“Jo'ka'in xye li Qaawa', xYos laj Israel: Yehomaq re li awab'ej re Judá, li xtaqlank chaq eere chi patz'ok wik'in, naq eb' li xsoldaad laj Parahón, li xe'chalk raj chetenq'ankil, xe'sutq'iik wi' chik Ejiipt.

Isaías 51:9

Ajen, ajsi aawu, at Qaawa', ut k'ut laawankilal; waklin jo' kab'aanu chaq junxil, jo' kab'aanu chaq najter q'e kutan. Ma ink'a' tab'i' laa'at katkamsink re Rahab, ut kapaynumi chi ch'iich' li xk'anti'il li palaw?

Isaías 30:15

Jo'ka'in kixye li Qaawa', li xSant laj Israel: “Sutq'inqex chaq, xaqxooq leeroyb'enihom wik'in, ut texkole'q. Wi texwanq sa' xyaalal chi k'ojk'ooq leeraanm, teetaw xkawub' leech'ool”. A'ut laa'ex xetz'eqtaana li waatin

Isaías 28:12

Li Qaawa' ak xyehom reheb': “Arin wank li na'ajej re hilank, arin naru wank sa' xyaalal. K'ehomaqeb' b'i' chi hilank li tawajenaqeb'”. Ab'anan ink'a' xe'raj xpaab'ankil a'an.

Li xHu LAJ JOB 9:13

Ink'a' nach'anaak chi junpaat li xjosq'il li Yos; rub'el roq neke'kanaak li palaw ut eb' li neke'okenk chirix li Mama' Xul.

Salmos 87:4

“Tink'eheb' sa' ajl Ejiipt ut Babilonia sa' xyanqeb' li neke'nawok wu; Tiro, Filistea ut Etiopía xe'yo'laak aawik'in”.

Salmos 89:10

Laa'at nakattuulanob'resink re li xjosq'il li palaw; naq neke'waklije'k li xkaw oq, laa'at nakattuqub'ank reheb'.

Isaías 10:3

K'aru teeb'aanu naq taachalq li raqb'a aatin sa' eeb'een, naq toj chi najt taachalq chaq li raaxiik'? Ani teepatz' wi' eetenq'ankil ut b'ar teekanab' leeb'ihomal?

Isaías 20:6

Chiruheb' li kutan a'an, eb' li poyanam li wankeb' chire li palaw sa' xteepal Filistea, te'xye: «Ilomaq chanru xkanaak li tenamit li kaw wi' li qach'ool, li xqapatz' wi' qatenq'ankil re raj tooxkol chiru li awab'ej re Asiria. Ut anaqwan chanru tookole'q laa'o?», cha'qeb'”.

Isaías 30:5

chixjunileb' te'b'alaq'iiq xb'aan li tenamit a'an li maak'a' na'ok wi'; ink'a' te'tenq'aaq xb'aaneb' chi moko us te'elq, ka'aj b'an wi' li xutaan ut li rahilal te'xk'ul.

Isaías 36:9

Ab'an laa'at moko kaw ta aawib' chi raanilasinkil junaq reheb' laj puub' re linwa'chin, us ta a'an q'axal toq'ob'aal ru. K'a'ut naq yookat chi royb'eninkileb' aab'eleb'aal ch'iich' ut aakawaay aran Ejiipt?

Proverbios 25:19

Wi nakak'ojob' aach'ool chirix junaq aj b'alaq' sa' xhonalil li ch'a'ajkilal, a'an jo' tzekank naq wank li xul e malaj jo' b'eek naq toqol junaq oqej.