Isaías 30:1 - Q'eqchi Bible

¹ Ra chaalel sa' xb'eeneb' li q'etq'et aj aleb', chan li Qaawa', li neke'xk'uub' li k'aru neke'raj, chi ink'a' neke'xpatz' we, ut neke'xk'ojob' sumwank li ink'a' inyehom reheb'. Jo'kan naq yo chi tamk li xmaakeb'.

Li Santil hu

¹ Li nimajcual Dios quixye: —Raylal ta̱cha̱lk saꞌ xbe̱neb li nequeꞌtaklan saꞌ xbe̱neb laj Judá xban nak xjuneseb nequeꞌxcꞌu̱b ru cꞌaꞌru teꞌxba̱nu ut incꞌaꞌ nequeꞌxpatzꞌ xnaꞌlebeb cue la̱in. Joꞌcan nak yo̱ chi numta̱c lix ma̱queb.

Isaías 30:1 ပူးပေါင်းရင်းမြစ်များ

Isaías 65:2

Maak'a' rajb'al naq junelik xink'e inch'ool chi xk'ulb'al jun q'etq'et aj tenamit li junes maa'usilal naxik wi' xch'ool;

Isaías 1:2

Ab'ihomaq, ex choxach'och', a' li Qaawa' yo chi aatinak: “Xink'iiresiheb' li walal ink'ajol, toj reetal xe'winqo'k; ab'an eb' a'an xe'xq'etq'eti rib' chiwu.

Oseas 7:13

“Ra chaalel sa' xb'eeneb' li xe'kanab'ank we. Tz'eqtaananb'ilaqeb' xb'aan naq xe'xjipi rib' chiwu. Laa'in teb'inkol raj, a'ut eb' a'an tik'ti' chik neke'xye chiwix.

Romanos 2:5

Laa'at kaw laajolom ut ink'a' nakawaj xjalb'al laak'a'uxl; jo'kan naq yookat chi xtamresinkil xjosq'il li Yos sa' aab'een cho'q re xkutankil li Josq'il naq taak'utb'esiiq li raqb'a aatin tixb'aanu li Yos sa' tiikilal.

Isaías 63:10

A'ut eb' a'an ke'xq'etq'eti rib' chiru ut ke'xmajewa li xsantil musiq'; jo'kan naq li Qaawa' xik' chik kirileb' ut ki'ok chi yalok rik'ineb'.

Isaías 29:15

Ra chaalel sa' xb'eeneb' li neke'xmuq rib' chiru li Qaawa' yal re xmuqb'al li xk'a'uxeb'! Neke'b'aanunk maa'usilal sa' li aak'ab' ut neke'xye: “Maajun na'ilok qe, maajun nanawok qu”, chankeb'.

2 Timoteo 3:13

A'ut eb' laj maak ut eb' laj b'alaq' taanumtaaq li xmaa'usilaleb', yooqeb' chi b'alaq'ink ut yooqeb' ajwi' chi b'alaq'iik.

Ezequiel 3:9

Jwal kawaq aawib' jo' li raxpek, ut q'axal kawaq chik laawilob'aal chiru li saqoonak. Matxiwak ut maaxiwa ruheb', xb'aan naq q'etq'etil tenamiteb'”.

Ezequiel 2:3

naq kixye we: “At kaamel winq, laa'in tatintaqla rik'ineb' li ralal xk'ajol laj Israel, a'aneb' jun tenamit ink'a' neke'ab'ink ut xe'xq'etq'eti rib' chiwu. Eb' a'an ut eb' li xxe'toonil yuwa'eb' xe'jipo'k chiwu chalen toj anaqwan.

Jeremías 5:23

Ab'an li tenamit a'in a'an aj b'alaq', jip li xch'ool ut q'etq'et; xine'xtz'eqtaana ut xkoheb'.

Isaías 30:9

Xb'aan naq li tenamit a'in jwal kaweb' li xjolom ut aj ka'pak'al uheb', ink'a' neke'raj rab'inkil li xchaq'rab' li Qaawa'.

Salmos 61:4

xb'aan naq laa'at nakatmuheelank we; kama'at junaq kab'l li q'axal kaw rib' chiru li xik' na'ilok we.

Deuteronomio 29:19

“Wi ani sa' eeyanq taarab'i li teneb'anb'il sa' qab'een sa' xk'ab'a' li jurament a'in ut ink'a' tixk'e xwankil, tixye b'an sa' xch'ool xjunes rib': «Laa'in us tin'elq sa' chixjunil, us ta tinb'aanu jo' naxye linjipilal», xmaak li winq a'an te'sache'q chixjunileb'.

Deuteronomio 9:24

Chalen naq kinnaw eeru, laa'ex q'etq'etex chiru li Qaawa' leeYos!

Jeremías 4:17

Jo'keb' laj k'aak'alenel ch'och' naq te'xsut Jerusalén xb'aan naq xq'etq'eti rib' chiwu -chan li Qaawa'-.

Isaías 32:2

Li junjunq sa' xyanqeb' jo'kaq li na'ajej nakolok chiru li kawil iq' ut li hab'; kama'aq li roq nima' sa' li chaqich'och', chanchanaq jun nimla saqoonak chi muheelank sa' tiqwal ch'och'.

Isaías 8:12

“Meeye po'ok na'leb' re li neke'xk'e cho'q po'ok na'leb' li tenamit a'in -chan we- chi moko teexiwa ru li neke'xxiwa eb' a'an.

Isaías 4:5

tixk'e jun li choql jwal q'oqyink ru chiru li kutan sa' xb'een li tzuul Sión ut sa' xb'een li xLoq'laj Ch'utam; ut chiru q'oqyink taalemtz'uno'q jun lochlookil xam. Ut sa' xb'een chixjunil a'an wanq li xloq'al li Qaawa',

Isaías 1:5

K'a'ut naq toj yookex chi xq'etq'etinkil eerib'? Ma toj teeraj naq texinrahob'tesi? Tiq'b'il chik leejolom ut tawajenaqex chi junwaakaj.

Oseas 13:2

Ut toj yookeb' ajwi' chi maakob'k anaqwan! Neke'xha'lesi li plaat re xyiib'ankileb' li jalanil yos; neke'xyiib' li xjalam uheb' jo' chanru neke'raj: chixjunil a'an yal xk'uub'ahom junaq aj tenol ch'iich' ut neke'xye naq yos, neke'mayejak chiru ut neke'xtz'ub' li xjalam u jun li wakax!

Isaías 5:18

Ra chaalel sa' xb'eeneb' li neke'yoob'ank rahilal rik'in li b'alaq'ik ut neke'k'amok chaq li maak jo' tawi' yookeb' chi kelonk kareet.

Isaías 28:20

Kama'aq li wark chiru junaq ch'aat kach'in roq ut jun ch'ina isb' li ink'a' textz'ap chi us.

Isaías 28:15

Laa'ex nekeye: “Xqak'e qib' sa' aatin rik'in li kamk, xqab'aanu jun sumwank rik'in li xna'ajeb' li kamenaq. Jo'kan naq sa' li kutan taachalq wi' li nimla rahilal, ink'a' tooxsach, xb'aan naq xootik'ti'ik re xkolb'al qib' ut xqamuq qib' sa' li b'alaq'il na'leb'”.

Isaías 8:19

Ut naq taayeemanq eere: “Patz'onqex rik'ineb' li neke'aatinank kamenaq jo'wi' rik'ineb' laj q'e li neke'hashotk ut neke'choqoqnak chi aatinak xjuneseb'”, teesumeheb': “Ma ink'a' tab'i' tento naq eb' li tenamit te'patz'oq rik'in li xyoseb' chirixeb' li yo'yookeb' ut li kamenaqeb'?”.

Deuteronomio 9:7

“Chijultiko'q eere ut misachk sa' leech'ool naq kechiq' xjosq'il li Qaawa' leeYos sa' li chaqich'och': chalen naq kex'elk chaq Ejiipt toj reetal kexk'ulunk sa' li na'ajej a'in, junelik keq'etq'eti eerib' chiru li Qaawa'.

Números 32:14

Ut anaqwan laa'ex chik xek'amchi'i xna'leb'eb' leena' leeyuwa' jo' ralal xk'ajoleb' laj maak: teeraj wi' chik xchiq'b'al xjosq'il li Qaawa' sa' xb'eeneb' laj Israel!

Isaías 1:23

Q'axal q'etq'eteb' laj k'amol eeb'e ut wankeb' sa' amiiwil rik'ineb' laj elq'. Sa neke'ril li tuminaak li junjunq ut jwal neke'wulak chiru li k'uluk maatan. Ink'a' neke'xb'aanu usilal reheb' li neb'a'yox ut maak'a' neke'raj wi' li xch'a'ajkilal li xmalka'an.

Isaías 8:11

Li Qaawa' kixye we, rik'in xnimal xwankil, naq ink'a' tink'am we jo' li xyu'ameb' li tenamit a'in:

Jeremías 17:5

Jo'ka'in kixye li Qaawa': “Majewanb'ilaq li naxkawub'resi xch'ool chirix li winq, a' li naxsik' xtenq'ankil rik'in li yal kaamel ut li Qaawa' naxtz'eq chirix li xch'ool.

Jeremías 37:7

“Jo'ka'in xye li Qaawa', xYos laj Israel: Yehomaq re li awab'ej re Judá, li xtaqlank chaq eere chi patz'ok wik'in, naq eb' li xsoldaad laj Parahón, li xe'chalk raj chetenq'ankil, xe'sutq'iik wi' chik Ejiipt.

Jeremías 42:19

Laa'ex li toj wankex Judá, li Qaawa' naxye eere naq mexxik Ejiipt. K'ehomaq reetal, laa'in yookin chi xyeeb'al xyaalal eere anaqwan.

Ezequiel 11:2

Li Qaawa' kixye we: “At kaamel winq, a'aneb' a'in li winq neke'k'uub'ank re li maa'usilal ut neke'xpo' xna'leb' li tenamit.

Ezequiel 24:3

Ut ye junaq jaljookil ru aatin chirix a q'etq'et aj tenamit a'in; ye reheb' sa' ink'ab'a': «K'e jun uk'alaq chi ha' sa' xam.

Ezequiel 29:16

Ut eb' laj Israel ink'a' chik te'xkawu xch'ool chirixeb' laj Ejiipt, te'xk'e b'an reetal naq moko us ta xe'xb'aanu naq xe'xpatz' xtenq'ankileb' rik'ineb'. Toja' naq te'xnaw naq laa'in li Qaawa'»”.

Zacarías 4:6

Jo'kan naq kixye wi' chik we: “A'an a'in li raatin li Qaawa' cho'q re laj Sorobabel: «Moko rik'in ta metz'ew chi moko rik'in kawil ch'oolej tatk'anjelaq, ka'aj b'an wi' rik'in linMusiq' -chan li Nimajwal Yos-.

Josué 9:14

Toja' naq eb' laj jolominel ke'xyal xtzekemqeb' laj Gabahón, ab'an ink'a' ke'patz'ok re li Qaawa'.

2 Reyes 18:21

Nink'e reetal naq kaw aach'ool rik'ineb' laj Ejiipt chatenq'ankil. Ab'an eb' a'an moko kaweb' ta rib', chanchaneb' b'an jun kaxlan'aj jorol li naxset ut naxpaynumi li ruq' li ani naxkuutu rib' chiru. Jo'kan naxb'aanu laj Parahón, awab'ej re Ejiipt, reheb' chixjunileb' li neke'xkawu xch'ooleb' rik'in.

2 Reyes 18:24

Ab'anan laa'at moko kaw ta aawib' chi raanilasinkil junaq reheb' laj puub' re linwa'chin, us ta a'an q'axal toq'ob'aal ru. K'a'ut naq yookat royb'eninkileb' aab'eleb'aal ch'iich' ut aakawaay aran Ejiipt?

Isaías 1:4

Toq'ob' eeru, ex aj maak, ex tenamit nujenaqex chi maa'usilal, ex aj yoob'anel ink'a' us; k'ajo' xyib'al ru leena'leb'! Xexnajto'k rik'in li Qaawa', xetz'eqtaana li xSantil Yos laj Israel ut xekanab' chi junajwa.

Isaías 31:1

Ra chaalel sa' xb'eeneb' li neke'xik Ejiipt chi xpatz'b'al xtenq'ankileb', eb' li neke'xk'ojob' xch'ooleb' chirix li xk'iila kawaayeb' ut b'eleb'aal ch'iich'eb', eb' li kaweb' xch'ool xb'aan naq naab'aleb' naq neke'b'eek chirix kawaay, ab'anan ink'a' neke'xsik' li Qaawa' ut maak'a' royb'enihomeb' rik'in li xSant laj Israel.

Jeremías 2:18

Ut anaqwan, k'aru teetaw chirix naq texxik Ejiipt re ruk'b'al li xha'il li nima' Nilo? K'aru aj e naq texxik Asiria chi uk'uk ha' sa' li nima' Éwfrates?

Oseas 11:6

Sa' li xtenamiteb' taawanq li yalok: te'sache'q eb' li kawub'resinb'il ochoch ut taajuk'iiq chixjunil xb'aan li maa'usilal neke'xk'uub'.