Isaías 3:26 - Q'eqchi Bible

²⁶ Junes yaab'ak ut tz'uyink taawanq chireheb' li okeb'aal, ut aajunes aj chik laa'at tatk'ojlaaq sa' li pojtz'.

Li Santil hu

²⁶ Eb li cuanqueb saꞌ li tenamit teꞌya̱bak ut teꞌxqꞌue li kꞌes ru tꞌicr chirixeb. Li tenamit Jerusalén tzꞌekta̱nanbil ta̱cana̱k.

Isaías 3:26 ပူးပေါင်းရင်းမြစ်များ

Lamentaciones 2:10

Chunchuukeb' sa' ch'och' eb' li cheekel winq aj Sión, ch'anch'ookeb' aj chik; xe'xk'ehatq cha sa' xjolomeb' ut xe'xb'at rib' sa' saak. Ut eb' li tuq'ixq aj Jerusalén neke'xxulub' li xjolomeb' toj chiru ch'och'.

Jeremías 14:2

“Judá yo chi yaab'ak xb'aan xrahil xch'ool; yookeb' li kamk eb' li xtenamit ut neke't'anaxink li poyanam chiru ch'och'. Japjo re Jerusalén xb'aan li rahilal.

Lamentaciones 1:4

Jwal ra rilb'aleb' li b'e neke'xik aran Sión: maa'ani chik nachalk chi ninq'ehik. Maa'ani wank chiruheb' li rokeb'aal li tenamit. Neke'yaab'ak eb' laj tij, neke'huyhutk eb' li tuq'ixq, ut q'axal ra xch'ooleb' chixjunileb' laj Jerusalén.

Li xHu LAJ JOB 2:13

Chirix chik a'an ke'chunlaak chi xk'atq, ut chiru wuqub' kutan ut wuqub' q'oqyink ke'wank aran. Maajun aatin ke'xye re laj Job, xb'aan naq ke'ril naq numtajenaq li xrahilal.

San Lucas 19:44

tate'xmuch'i chiru ch'och' laa'at ut eb' laawalal aak'ajol li wanqeb' aawik'in, ut ink'a' te'xkanab' pek chi xb'een pek, xb'aan naq ink'a' xak'e reetal li honal xat-ula'aniik wi'”.

Ezequiel 26:16

Chixjunileb' li x'awab'ej eb' li tenamit wankeb' sa' sutha', te'elje'q sa' xk'ojarib'aaleb', te'risi li xb'atb'aleb' chirixeb' ut te'xkanab' li raq'eb' uutz'u'ujinb'il ru. K'ajo'aq xxiweb' naq te'xk'ojob' rib' chiru ch'och'; siksootqeb' ut sachsooqeb' xch'ool xb'aaneb' xxiw chawilb'al.

Li xHu LAJ JOB 2:8

Jo'kan naq laj Job koxk'ojlaaq sa' li cha ut kixchap xk'aj uk'al re xjochjochinkil rib'.

Isaías 47:1

“Kub'si aawib', chunlan sa' pojtz', at tuq'ixq re Babel li maak'a' chik aawankil! Chunlan sa' ch'och', at xrab'in eb' laj Kaldeha; ink'a' chik te'xye aawe: «Q'un aach'ool ut tuulanat».

San Mateo 11:17

«Xooxolb'ik cho'q eere ut ink'a' xexxajok; xqab'icha rahil b'ich ut ink'a' xexyaab'ak».

Isaías 6:11

Ut laa'in kinpatz' re: “Jo'q'e taak'ulmanq a'an, at inQaawa'?”, chankin. Ut a'an kixye we: “Toj reetal te'juk'manq eb' li tenamit ut maajun chik poyanam wanqeb' chisa'; toj te'oso'q chixjunileb' li winq sa'eb' li ochoch ut nakirirnak te'kanaaq eb' li k'aleb'aal,

Isaías 14:31

Japomaq eere chi yaab'ak, ex tenamit aj Filistea, chexxiwaq chejunilex li wankex aran, xb'aan naq sa' xjayal chaq releb'l iq' yookeb' chi chalk k'iila o'q'ob' chi aj puub' kama' li sib', ut maajun nach'inank xch'ool sa' xyanqeb'.

Isaías 29:2

toja' naq tink'e li tenamit a'in sa' rahilal, ut taawanq yaab'ak ut tz'uyink; ut laa'ataq tz'aqal jun li artal nujenaq chi kik'.

Isaías 33:9

Ra rilb'al li ruuchich'och' naq yo chi oso'k ut chi tz'uyink. Xtz'umaak li tzuul Líbano ut xchaqik chi junajwa. Jo' chaqich'och' xkanaak li xtaq'ahil Sarón; Basán ut li tzuul Karmeel xe'chaqik ru.

Jeremías 15:8

K'ajo'eb' li xmalka'an sa' xyanqeb', q'axal naab'aleb' chik chiru li samahib' chire li palaw. Chiru li kutan xe'chalk eb' laj sachonel re xkamsinkileb' li xna'eb' li saaj al. T'anaamil sa' xb'eeneb' li xiwak ut li rahilal.

Lamentaciones 1:1

Toq'ob' xaq ru li tenamit Jerusalén! Xnimal ru tenamit naq kiwank sa' xyanqeb' chixjunil li tenamit, ut k'ajo'eb' li poyanam ke'wank chisa'; ab'an anaqwan xkanaak sa' junaatalil, chanchan aj chik jun xmalka'an xkanaak. Junxil Jerusalén nataqlank sa' xb'eeneb' li tenamit, ut anaqwan a'an chik minb'il ru chi k'anjelak.

Lamentaciones 2:8

Li Qaawa' xraj xjuk'b'al li xsuttz'akil Sión, li xchaq'alil ru tenamit. Xraq aatin sa' xb'een ut xk'e xch'ool chi sachok, toj reetal xe'hame'k chixjunileb' li xtz'ak ut eb' li xkuut li tenamit, ut nakirnak xe'kanaak.

Ezequiel 12:20

Te'juk'manq chixjunileb' li tenamit, ut joxk' taakanaaq li na'ajej. Toja' naq teenaw naq laa'in li Qaawa'»”.

Miqueas 1:9

Xb'aan naq li xrahilal Samaria maak'a' xb'anol: xwulak toj Judá, ut xo'xtaw ajwi' li rokeb'aal Jerusalén b'arwi' wankeb' lintenamit.

Isaías 32:14

Pojpo taakanaaq li rochochil li awab'ej ut maajun chik wanq sa' li tenamit; eb' li kawub'resinb'il kab'l li najt xterameb' te'kanaaq chi po'lemil chi junajwa: aran te'wanq chi ichajib'k eb' li k'iche'il b'uur ut eb' li wakax chi saheb' sa' xch'ool.