Isaías 3:24 - Q'eqchi Bible

²⁴ Sa' li kutan a'an cho'q reeqaj li sununkil b'an taawanq li chu; cho'q reeqaj li k'aamal sa', a' chik li k'aam taak'eemanq; cho'q reeqaj li te'ok ismal, job'il jolomej chik taawanq; cho'q reeqaj li chaab'il b'aatal, a' chik li q'es ruhil t'ikr taawanq; ut li ch'ina'usal taasutq'iiq cho'q xutaan.

Li Santil hu

²⁴ Chokꞌ re̱kaj li sununquil ban ta̱cua̱nk xchuhil li camenak. Chokꞌ re̱kaj lix cꞌa̱mal xsaꞌ ta̱cua̱nk li cꞌa̱m. Chokꞌ re̱kaj li rismal jolom yi̱banbil chi cha̱bil, tꞌuruꞌak saꞌ lix jolomeb. Chokꞌ re̱kaj li cha̱bil akꞌej teꞌxqꞌue li kꞌes ru tꞌicr. Chokꞌ re̱kaj lix chꞌinaꞌusaleb, cꞌatalak lix tibeleb.

Isaías 3:24 ပူးပေါင်းရင်းမြစ်များ

Ezequiel 27:31

Te'xjo li xjolomeb' sa' aak'ab'a', te'xtiqib' rib' rik'in q'eqit'ikr ut tz'uynaqeb' chi yaab'ak chi k'ajo'aq xmayeb' li raanm.

Lamentaciones 2:10

Chunchuukeb' sa' ch'och' eb' li cheekel winq aj Sión, ch'anch'ookeb' aj chik; xe'xk'ehatq cha sa' xjolomeb' ut xe'xb'at rib' sa' saak. Ut eb' li tuq'ixq aj Jerusalén neke'xxulub' li xjolomeb' toj chiru ch'och'.

Miqueas 1:16

At tenamit Jerusalén, b'es laawismal xb'aan li rahilal sa' xk'ab'a'eb' laawalal aak'ajol li nakaraheb'. Jo laajolom, kama' li xjolom li t'iw taakanaaq, xb'aan naq eb' laawalal aak'ajol te'k'ame'q sa' ab'l tenamit chi najt aawik'in”.

Isaías 22:12

Sa' li kutan a'an li Nimajwal Yos xexb'oq chi yaab'ak ut chi q'oqonk, re teejo li rismal leejolom ut xk'eeb'al cherix li q'es ruhil t'ikr.

Isaías 15:3

Xe'xk'e q'es ruhil t'ikr chirixeb'; sa'eb' li k'ayiil ut sa' xb'eeneb' li ochoch chixjunileb' jiiq' wi' xch'ooleb' chi yaab'ak.

1 Pedro 3:3

Moko cherix ta chiwanq li xsahob' eeru, jo' rik'in xt'e'b'al leerismal chi chaab'il, rik'in roksinkil li oor malaj ut rik'in leetiqib'ankil.

Amós 8:10

Tink'e naq leeninq'e taakanaaq cho'q rahil ch'oolej ut chixjunil leeb'ich cho'q tz'uyink. Tink'e naq chejunilex teeb'at eerib' sa' q'es ruhil t'ikr ut teejo leejolom xb'aan xrahil eech'ool. Texyaab'aq jo' tawi' xkamk leeralal jun chirib'il, ut chixjunil junes rahilal toxraqe'q wi'.

Ester 2:12

Chiru junq chihab' eb' li tuq'ixq neke'xyiib' rib' jo' chanru yeeb'il sa' xchaq'rab'il eb' li ixq: waqib' po neke'xyul rib' rik'in aseeyt ut miir, ut waqib' po neke'xb'on ut neke'xb'an rib' rik'in li sununkil b'an xkomon li neke'roksiheb' li ixq. Naq naraqe'k xb'aanunkil a'an, eb' li tuq'ixq neke'k'ame'k rik'in li awab'ej.

Levítico 26:16

jo'kan ajwi' tinb'aanu eere laa'in: tintaqla chaq sa' eeb'een li xiwak, li raxkamk, li tiq, li xyajel sa' uhej ut xlub'ik leetib'el; maak'a' rajb'al naq tex'awq xb'aan naq a'eb' li xik' neke'ilok eere te'yaloq xsahil ru leerawimq.

Apocalipsis 18:9

Eb' li awab'ej re li ruuchich'och' li ke'xmux rib' rik'in ut sa naq ke'wank rik'in, te'yaab'aq ut huyhutqeb' chirix, naq te'ril li xsib'el li xk'atik;

Apocalipsis 16:9

Ut eb' li winq ke'k'ate'k xb'aan xnimal tiqwal, ut ke'xmajewa li Yos li wank xwankil sa' xb'eeneb' li rahilal a'an: ink'a' ke'xjal xk'a'uxl, ink'a' ke'xk'e xloq'al li Yos.

Apocalipsis 11:3

Ut laa'in tinb'aanu naq eb' linwiib' chi testiiw tiqtooqeb' rik'in saak, te'aatinaq jo' propeet chiru oxk'aal xka o'q'ob' (1,260) kutan”.

Joel 1:8

Tz'uyinqex, ex intenamit, jo' li saaj ixq nayaab'ak xb'aan li xkamik li xsum'aatin.

Ezequiel 7:18

Te'xk'e q'es ruhil t'ikr chirixeb' chi k'ajo'aqeb' xxiw; numtajenaqaq xxutaan ut joob'ilaq chik li xjolomeb'.

Jeremías 48:37

Chixjunileb' xe'xjo li xjolomeb' ut li xmacheb'; xe'xsetatq xsa' li ruq'eb' ut xe'xk'e q'es ruhil t'ikr chirixeb'.

Jeremías 6:26

Ex intenamit, b'atomaq eerib' sa' q'es ruhil t'ikr ut tolk'osiiq eerib' sa' li cha. Japomaq eere chi yaab'ak, tz'uyinqex chi q'axal ra sa' leech'ool, jo' na'uxk tz'uyink chirix li alab'ej junaj chirib'il, xb'aan naq ak chi seeb' chaq li taasachoq qe.

Jeremías 4:8

Jo'kan naq jutub'omaq eerib' sa' q'es ruhil t'ikr, tz'uyinqex ut yaab'anqex xb'aan xrahil leech'ool, xb'aan naq toj yo xjosq'il li Qaawa' sa' qab'een”.

Isaías 57:9

“Xkohat rik'in laj Molok ut xak'am naab'al li aseeyt jo'wi' sununkil b'an. Yalaq b'ar xataqlaheb' laataql, toj sa' xb'alb'a xak'eheb' chi kub'eek!

Proverbios 31:24

Nakemok aq'ej ut k'aamal sa', ut naxk'ayi reheb' laj yakonel.

Proverbios 7:17

xink'e ajwi' sununkil b'an chiru, yiib'anb'il rik'in miir ut kaneel.

Li xHu LAJ JOB 16:15

Xink'e q'es ruhil t'ikr chiwix ut xinchunlaak sa' pojtz' xb'aan xrahil inch'ool.

Deuteronomio 32:24

Telaje'kamq xb'aan tz'okaak ut li tiq; te'sache'q ruheb' xb'aan li yib' aj raxkamk. Tintaqlaheb' sa' xb'eeneb' li josq' aj xul ut eb' li k'anti' neke'kamsink.

Deuteronomio 28:22

Li Qaawa' tatxrahob'tesi rik'in jiq', tiq, sipook, sankil xox, chaqi'eel ut rik'in jun nimla yajel sa' xb'een laatriiw: chixjunileb' li rahilal a'in tate'xtaaqi toj reetal tat-oso'q.

Jeremías 49:3

“Yaab'anqex, ex aj Jesbón, xb'aan naq xsache'k li tenamit Ar. Japomaq eere chi yaab'ak, ex aj Rabá, k'ehomaq li q'es ruhil t'ikr cherix, tz'uyinqex ut ayuqex yalaq b'ar sa' xyanqeb' li tz'ak, xb'aan naq li yos Milkón taak'ame'q chi preexil rochb'eeneb' laj tij jo'wi' eb' li xninqal ru winq.

Isaías 4:4

Naq li Qaawa' taarisi li xmaa'usilaleb' laj Sión ut tixkuy xmaakeb' li ke'kamsink aran Jerusalén, naq akaq xch'ajob'resi xsa' li tenamit rik'in li xloq'laj musiq' ut li xxamlel li xjosq'il,

Isaías 3:23

eb' li lem, li aq'ej terto xtz'aq, li xb'ak'b'al li rismal xjolomeb' ut eb' li xt'ikr.

Isaías 15:2

Eb' li wankeb' Dibón xkoheb' chi yaab'ak sa' li tijob'aal wank chi tzuul; ut eb' laj Mohab xyot'e'k xch'ooleb' xb'aan li nimla rahilal li xe'xk'ul li tenamit Nebo ut Mádaba. Chixjunileb' xe'xjo li rismal xjolomeb' ut li xmacheb'.