Isaías 3:16 - Q'eqchi Bible

¹⁶ Li Qaawa' kixye ajwi' chi jo'ka'in: “Eb' li ixq aj Sión q'axal neke'xk'e xwankil, neke'xja'ab' rib' naq neke'b'eek; jwal josq' josq' neke'ilok ut neke'xk'osatq li xyokb' yal re xk'eeb'al chi eek'ank li xsahob' ru li roqeb'.

Li Santil hu

¹⁶ Li Ka̱cuaꞌ quixye ajcuiꞌ reheb: —Eb li ixk li cuanqueb Sión nequeꞌxnimobresi ribeb ut nequeꞌxtaksi li riloba̱l nak nequeꞌbe̱c. Kꞌetkꞌet nequeꞌiloc. Chanchan yo̱queb chi xajoc nak nequeꞌbe̱c. Ut nequeꞌrecꞌasi lix sahob ru li nequeꞌxqꞌue saꞌ xcux rokeb.

Isaías 3:16 ပူးပေါင်းရင်းမြစ်များ

Isaías 4:4

Naq li Qaawa' taarisi li xmaa'usilaleb' laj Sión ut tixkuy xmaakeb' li ke'kamsink aran Jerusalén, naq akaq xch'ajob'resi xsa' li tenamit rik'in li xloq'laj musiq' ut li xxamlel li xjosq'il,

San Mateo 21:5

“Yehomaq re li xrab'in Sión: «We' chaq aawik'in laaRey, tuulan ut k'ojk'o chaq chirix jun li b'uur ut chirix ral jun li xul aj iiqonel»”.

Cantares 3:11

Ex rixqilal Sión, elenqex chaq chi rilb'al laj Salomón li awab'ej: wank sa' xjolom li koroon li kik'ehe'k re xb'aan li xna' sa' xkutankil li xsumlajik, sa' li kutan li q'axal kisaho'k wi' xch'ool.

Proverbios 30:13

Wankeb' neke'xnimob'resi rib' ut yal sa' rix ruheb' neke'ril chixjunileb'.

San Lucas 23:28

Ab'an li Jesus kixsutq'isi rib' chi rilb'aleb' ut kixye: —Ex rixqilal Jerusalén, mexyaab'ak chiwix, yaab'anqex b'an cherix laa'ex ut chirix leeralal eek'ajol.

Sofonías 3:11

“Sa' li kutan a'an ink'a' chik tatxutaanaq chirix li ink'a' us xab'aanu we, at intenamit, naq xaq'etq'eti aawib' chiwu, xb'aan naq twisiheb' aawik'in li q'etq'eteb' jo'wi' li neke'xnimob'resi rib', ut ink'a' chik taanima aawib' sa' linsantil na'aj.

Isaías 24:4

Ra rilb'al li ch'och' naq yo chi chaqik ru, li ruuchich'och' yo chi oso'k ut chi sachk; k'ajo' naq ra sa' xch'ool chixjunil li choxach'och'.

Isaías 3:18

Sa' li kutan a'an li Qaawa' trisi chixjunileb' li xsahob' ru eb' li ixq: li xsahob' ru li oqej, li kemb'il t'ikr,

Isaías 1:8

Sión xkanaak xjunes jo' li kuukil ochoch sa' li awimq, jo' junaq tenamit sutsu xb'aaneb' li xik' neke'ilok re.

Proverbios 16:18

Li naxk'e xwankil xjunes rib', taa'oso'q; li naxq'etq'eti rib', taat'ane'q.

Isaías 3:1

K'ehomaq reetal naq li Qaawa', li Nimajwal Yos, tixkanab' Judá ut Jerusalén chi maak'a' chik wanq re, ut taarisi chixjunil li xwaheb' ut ruk'a'eb'.

Isaías 3:4

Texink'e chi jolomiik xb'aaneb' li saaj al, ut eb' a'an te'taqlanq sa' eeb'een.

Isaías 3:17

Ab'an laa'in tinjo li rismal li xjolomeb' li rixqilaleb' Sión ut xutaanal te'kanaaq”, chan li Qaawa'.

Proverbios 21:4

Li q'etq'etil ut li nimob'resink ib' a'an maak. Jo'kan ajwi' li xk'a'uxeb' li ink'a' useb' xch'ool.