Isaías 3:11 - Q'eqchi Bible

¹¹ Ab'an toq'ob' ru li ink'a' us xna'leb', xb'aan naq taaq'ajkamuuq jo' chanru li xyehom xb'aanuhom.

Li Santil hu

¹¹ Abanan eb li incꞌaꞌ useb xnaꞌleb ra teꞌxcꞌul xban nak eb aꞌan teꞌxcꞌul lix kꞌajca̱munquil aꞌ yal chanru lix yehom xba̱nuhomeb.

Isaías 3:11 ပူးပေါင်းရင်းမြစ်များ

Santiago 2:13

Xb'aan naq maak'a'aq uxtaanal sa' li raqb'a aatin cho'q re li ink'a' ki'uxtaanank u; a'ut li na'uxtaanank u naxq'ax ru li raqb'a aatin.

Salmos 62:12

Li Qaawa' x'aatinak, ut k'iila wa xwab'i a'in: naq re li Yos chixjunil li wankilej.

Salmos 28:4

At Qaawa', chak'e reheb' li xk'ulub' li xb'aanuhomeb', a' yaal chanru li maa'usilal xe'xb'aanu; chaq'ajkamuheb' jo' chanru li xb'aanuhomeb', chak'e reheb' li xk'ulub'eb'.

Isaías 65:20

Ink'a' chik te'kamq aran eb' li k'uula'al toja' xe'yo'laak, chi moko te'q'ajq te'sutq'iiq eb' li cheekel poyanam chi ink'a' ta te'xtz'aqob'resi li xchihab'eb'. Li taakamq sa' o'k'aal chihab', chanchan naq taakamq chi toj saaj; ut li ink'a' tixkooloni li o'k'aal chihab', a'an li majewanb'il.

Isaías 48:22

Ab'an maak'a' tuqtuukilal cho'q reheb' li ink'a' useb' xna'leb' -chan li Qaawa'-.

Proverbios 1:31

Jo'kan naq teek'ul reeqaj leeb'aanuhom ut texnujaq rik'in leeyib' aj na'leb'.

2 Corintios 5:10

Xb'aan naq chiqajunilo tento toxqak'ut qib' sa' xraqleb'aal aatin li Kriist re naq li junjunq tixk'ul xq'ajkamunkil, a' yaal chanru li xb'aanuhom, ma us malaj ink'a' us xb'aanu naq xwank sa' ruuchich'och'.

Génesis 18:25

Ink'a' naru taab'aanu a'an; ink'a' naru xk'eeb'al chi kamk li tiik xch'ool rochb'een laj maak. Ma truuq tab'i' naq tixk'ul li jun li b'arwan xk'ulum li jun chik? Ink'a' naru taab'aanu. Laj raqol aatin sa' xb'een chixjunil li ruuchich'och' ma ink'a' tab'i' taaraqoq aatin sa' tiikilal?”, chan laj Abrahán.

2 Crónicas 6:23

chawab'i laa'at toj sa' choxa. Oken ut raqon aatin sa' xb'eeneb' laj k'anjel chawu. Chach'olob' xmaak li ink'a' us xna'leb', re naq tixtoj rix li xmaakob'k wi', ut taakoleb' rix li tiikeb' xch'ool.

Li xHu LAJ JOB 10:15

Wi wank inmaak, toq'ob' xaq wu; ut wi maak'a' inmaak, ink'a' ajwi' nasaho'k linch'ool, xb'aan naq xutaanal tin'elq ut chi q'axal ra sa' li waanm.

Proverbios 12:14

Li junjunq tixk'ul xq'ajkamunkil a' yaal chanru li xyehom ut xb'aanuhom.

Isaías 13:11

“Tinraqoq aatin sa' xb'een li ruuchich'och' xb'aan li xmaak -chan li Yos- ut tink'ajtesi ruheb' li ink'a' useb' xna'leb' xmaak li xmaa'usilaleb'. Twisi li xwankil eb' li neke'xnima rib' ut tinkub'siheb' xwankil li q'etq'et.

Isaías 65:6

“K'ehomaq reetal, chixjunil a'an tz'iib'anb'il chiwu ut ink'a' tinkanab' aatinak toj reetal tink'e leeq'ajkamunkil,

Isaías 65:7

chirix leemaa'usilal laa'ex jo'wi' chirix li xmaakeb' leena' leeyuwa'. Eb' a'an xe'k'atok k'ajpom sa'eb' li tzuul ut xine'xmajewa sa' xb'eeneb' li b'ool; jo'kan naq tink'e li xq'ajkamunkileb' chi tz'aqal re ru”, chan li Qaawa'.

Jeremías 21:14

Laa'in tinraqoq aatin sa' eeb'een jo' chanru leeyehom ut leeb'aanuhom; tinchoqle leek'iche' ut taak'atq chixjunil li wank chi xsutam. Laa'in, li Qaawa', xinyehok re a'in»”.

Jeremías 31:30

li junjunq b'an taakamq xb'aan li maak xb'aanu. A' yaal ani xk'uxuk uub' rayre, a'an ajwi' taaxulumo'q wi' li ruuch re”.

Ezequiel 18:20

Taakamq ka'ajwi' li ani xmaakob'k. Li alalb'ej ink'a' tixtoj rix li xmaak li xyuwa' chi moko li yuwa'b'ej tixtoj rix li xmaak li ralal. Li tiik ru xyu'am tixk'ul xq'ajkamunkil xb'aan xtiikilal li xch'ool, ut li ink'a' us xch'ool taakanaaq li xmaak sa' xb'een.

Ezequiel 24:14

Laa'in, li Qaawa', xinye li waatin ut jo'kan taa'uxmanq. Ink'a' tinjal ru li waatin; ink'a' twil xtoq'ob'aal aawu chi moko taaraho'q linch'ool chawix. Jo' chanru laayehom ut laab'aanuhom, jo'kan ajwi' tinraqoq aatin sa' aab'een»”, chan li Qaawa'.

Ezequiel 33:8

Naq tinteneb' kamk sa' xb'een li ink'a' us xna'leb', wi laa'at ink'a' taaye re naq tixkanab' xb'aanunkil li maa'usilal, li winq a'an taakamq sa' li xmaak, ab'an sa' aab'een laa'at taakanaaq li xkamik.

Miqueas 3:4

Jo'kan wi teeyaab'a xk'ab'a' li Qaawa', A'an ink'a' texxsume chaq. Chiruheb' li kutan a'an tixmuq rib' cheru xb'aan li maa'usilal xeb'aanu”.

Miqueas 7:13

Ab'an nakirnak taakanaaq li xna'ajeb' li tenamit a'an xb'aan li maa'usilal xe'xb'aanu jo'k'ihaleb' li wankeb' aran.

Números 32:23

Ab'anan wi ink'a' teeb'aanu chi jo'kan, chenawaq naq xexmaakob'k chiru li Qaawa' ut li maak a'an nakanaak sa' eeb'een chi junajwa.

Jueces 9:57

Ut li Yos kixk'eheb' ajwi' chi xtojb'al rix li xmaakeb' chixjunileb' laj Sikem. Chi jo'kan kitz'aqlok ru rik'ineb' li xmajewahom laj Jotán, ralal laj Yerubahal.

2 Samuel 3:39

Jo'kan naq, us ta laa'in li awab'ej sik'b'il ru xb'aan li Yos, ab'anan naweek'a naq maak'a' inmetz'ew: q'axal kaweb' rib' chiwu eb' li xyum lix Sarbia. Li Qaawa' chik'ehoq reeqaj re li ani xb'aanunk re li maa'usilal a'in!”, chan.

1 Reyes 21:21

jo'kan naq laa'in tink'amoq chaq rahilal sa' aab'een. Tinsach ruheb' chi junajwa eb' laawalal aak'ajol, ut tinkamsiheb' chixjunileb' li winq li wankeb' sa' laawochoch, a' yaal ma muneb' malaj ink'a', jo'k'ihaleb' li wanqeb' sa' xsutam Israel.

Proverbios 11:31

Wi li tiik xch'ool naxk'ul li xq'ajkamunkil arin sa' ruuchich'och', ma toja' ta chik laj maak ut li ink'a' us xna'leb'.

Proverbios 26:27

Li naxb'ek junaq jul, a'an ajwi' taat'ane'q chisa'; ut li natolk'osink pek, tixtaw li kamk rub'el a'an.

Ezequiel 16:59

«Laa'in, li Qaawa', ninye chi jo'ka'in: Tinb'aanu aawe li xab'aanu laa'at: kaq'et linsumwank ut katz'eqtaana li jurament.