Isaías 3:10 - Q'eqchi Bible

¹⁰ Us xaq re li tiik xch'ool xb'aan naq tixyal xsahil li xchaab'il k'anjel.

Li Santil hu

¹⁰ Us xak re li ti̱c xchꞌo̱l xban nak us ta̱e̱lk. Tixtzaca ru li racui̱mk.

Isaías 3:10 ပူးပေါင်းရင်းမြစ်များ

Hebreos 6:10

Xb'aan naq tiik xch'ool li Yos, moko hoon ta nasachk sa' xch'ool leechaab'il k'anjel ut chanru xetenq'aheb' chaq laj santil paab'anel, ut toj yookex chi xtenq'ankileb' anaqwan, sa' xk'ab'a' li Qaawa'.

Eclesiastés 8:12

Mare wankeb' aj maak li neke'b'aanunk maa'usilal k'iila sut, ut yo'yooqeb' chiru naab'al chihab'. Ab'an laa'in ninnaw naq ink'a' us te'elq, chi moko najtaq roq li xyu'ameb'; kama'aq li mu li xyu'ameb', xb'aan naq ink'a' neke'roxloq'i li Yos. A'ut ch'olch'o naq eb' laj paab'anel li neke'rahok re li Yos, us te'elq.

Malaquías 3:18

Toja' naq laa'ex teenaw wi' chik b'ar wank li tiik xch'ool ut li ink'a' us xna'leb', li nak'anjelak chiru li Yos ut li ink'a' napaab'ank chiru”.

Sofonías 2:3

Sik'omaq li Qaawa' chejunilex li kub'enaq eewankil sa' li ruuchich'och' a'in, jo'k'ihalex li nekexpaab'ank re li xchaq'rab'. K'anjelahomaq li tiikilal ut li q'unil ch'oolej: mare anchal texkole'q sa' xkutankil li xjosq'il li Qaawa'.

Jeremías 15:11

At Qaawa', ye we wi ink'a' us xink'anjelak chawu, wi ink'a' xintijok chirixeb' li xik' neke'ilok we, naq yookeb' chaq chi k'uluk rahilal ut rahil ch'oolej.

Ezequiel 9:4

ut kixye re: “B'eeni li tenamit Jerusalén ut k'e reetalileb' chi xpeekem eb' li yookeb' chi yaab'ak ut tz'uyink xb'aan li k'iila maa'usilal na'uxmank aran”.

Génesis 18:25

Ink'a' naru taab'aanu a'an; ink'a' naru xk'eeb'al chi kamk li tiik xch'ool rochb'een laj maak. Ma truuq tab'i' naq tixk'ul li jun li b'arwan xk'ulum li jun chik? Ink'a' naru taab'aanu. Laj raqol aatin sa' xb'een chixjunil li ruuchich'och' ma ink'a' tab'i' taaraqoq aatin sa' tiikilal?”, chan laj Abrahán.

Éxodo 1:20

Li Yos kirusilaheb' laj xokol k'uula'al ut kixk'e naab'al li ralal xk'ajoleb', xb'aan naq ke'xxiwa ru li Qaawa'. Ut eb' laj Israel ke'naab'alo'k ut ke'xtaw xwankilaleb';

Deuteronomio 12:25

Maatzeka li kik' re naq sa wanqat chiru laayu'am, aawochb'eeneb' laawalal aak'ajol, rik'in xb'aanunkil li q'axal us chiru li Qaawa'.

Salmos 58:11

K'ajo' naq taasaho'q li tiik xch'ool chi rilb'al li eeqajunk, naq tixch'aj li roq sa' xkik'el li ink'a' us xna'leb'!

Proverbios 12:14

Li junjunq tixk'ul xq'ajkamunkil a' yaal chanru li xyehom ut xb'aanuhom.

Proverbios 13:21

Laj maak ink'a' nakanab'aak xb'aan li rahilal; a'ut li chaab'il xna'leb' naq'ajkamuuk xb'aan li usilal.

Proverbios 18:21

Li kamk ut li yu'am, a'an yaal re li junjunq chanru na'aatinak. Eb' li k'ajo' neke'xye, te'xk'ul li rahilal.

Isaías 54:17

Ab'anan maajun xyiib'ank re li ch'iich' li taasachoq aawe. Mem taakanab'eb' li te'jitoq aawe sa' raqleb'aal aatin. A'an a'in li xmaataneb' laj k'anjel chiru li Qaawa', a'an a'in li q'axok u tink'e reheb'”, chan li Qaawa' Yos.

Jeremías 7:23

Li kinchaq'rab'iheb' wi' a'an a'in: «Paab'omaq li waatin; chi jo'kan laa'inaq leeYos ut laa'exaq lintenamit. K'amomaq li b'e tink'ut cheru, re naq junelik us tex'elq», chankin reheb'.

Jeremías 21:14

Laa'in tinraqoq aatin sa' eeb'een jo' chanru leeyehom ut leeb'aanuhom; tinchoqle leek'iche' ut taak'atq chixjunil li wank chi xsutam. Laa'in, li Qaawa', xinyehok re a'in»”.

Jeremías 22:15

Ma nakak'oxla naq li reetalil li wank chi awab'ejil a'an xyiib'ankil laawochoch rik'in junes yaw? Il laayuwa': kiwa'ak, ki'uk'ak; ab'an kixb'aanu li xk'anjel rik'in tiikilal ut usilal, jo'kan naq us ki'elk rik'in chixjunil li kixb'aanu.

Ezequiel 18:20

Taakamq ka'ajwi' li ani xmaakob'k. Li alalb'ej ink'a' tixtoj rix li xmaak li xyuwa' chi moko li yuwa'b'ej tixtoj rix li xmaak li ralal. Li tiik ru xyu'am tixk'ul xq'ajkamunkil xb'aan xtiikilal li xch'ool, ut li ink'a' us xch'ool taakanaaq li xmaak sa' xb'een.

Miqueas 7:13

Ab'an nakirnak taakanaaq li xna'ajeb' li tenamit a'an xb'aan li maa'usilal xe'xb'aanu jo'k'ihaleb' li wankeb' aran.

Proverbios 10:6

Osob'tesinb'il xb'aan li Yos li ani chaab'il xch'ool; a'ut li ink'a' us xna'leb' junes maa'usilal muqmu chi xtz'uumal re.

San Lucas 19:19

A'an ajwi' kiyehe'k re: «Laa'at ajwi' chiwanq aawankil sa' xb'een oob' chi tenamit».