Isaías 27:9 - Q'eqchi Bible

⁹ Ab'anan taakuymanq taasachmanq li xmaak laj Jakob, wi a'an tixputz'i chixjunileb' li artal jo' na'uxk re li xpekul li chun, ut maajunaq chik li pek, li che' malaj tijob'aal neke'loq'oniik wi' eb' li jalanil yos.

Li Santil hu

⁹ Li Dios tixcuy xma̱queb laj Israel nak telajeꞌxjuqꞌui chixjunil li artal li nequeꞌlokꞌoni̱c cuiꞌ li jalanil dios. Tixcuy xma̱queb nak ma̱cꞌaꞌak chic li yi̱banbil dios xAsera, chi moco li naꞌajej li nacꞌatman cuiꞌ li pom.

Isaías 27:9 ပူးပေါင်းရင်းမြစ်များ

Romanos 11:27

A'anaq a'in linSumwank rik'ineb', naq tinsach li xmaakeb'”.

Isaías 48:10

K'e reetal naq xatinch'ajob'resi; ab'anan moko jo' ta na'uxk re li plaat, xinyal b'an aawix rik'in li rahilal.

Daniel 11:35

Wankeb' aj k'ehol xna'leb' li tenamit te'kamsiiq, ab'an yal re xyalb'aleb' rix li junch'ol chik, re xch'ajob'resinkil xna'leb'eb' ut xsaab'esinkileb' li xkomon, toj sa' roso'jikeb' li kutan li ak xaqxo xb'aan li Qaawa'.

Isaías 17:8

Ink'a' chik te'iloq wan wi' li xyiib'ahomeb', chi moko te'xka'ya chik li k'aru ke'xyiib' rik'in ruq'eb': a'eb' li xtoon che' ut eb' li artal nak'atmank wi' li pom chiru li xyoseb'.

Hebreos 12:6

Li Qaawa' naxtij li naxra, ut naxk'e chi tz'uum chixjunileb' li ralal li naxk'uleb' rik'in”.

1 Corintios 11:32

Ut naq naraqmank aatin sa' qab'een xb'aan li Qaawa', nokootije'k xb'aan, re naq ink'a' took'ehe'q sa' tojb'amaak qochb'een li ruuchich'och'.

Zacarías 13:2

“Sa' li kutan a'an tinsachi li xk'ab'a'eb' li jalanil yos, sa' xteepal Judá, re naq maajun chik taajultikanq reheb'. Tinsacheb' ajwi' li propeet aj b'alaq' ut eb' li maa'us aj musiq'ej -chan li Nimajwal Yos-.

Oseas 14:8

Ut laj Efraín tixye: «K'a' te'waj wi' laa'in eb' li yal k'oxlanb'il yos?». Laa'in nin'ilok ut ninkolok aawe; laa'in chanchanin jun toon chi saqichaj jwal raxrax ru. Laa'in nink'ehok aawe chi uuchink”.

Ezequiel 20:38

Twisiheb' sa' eeyanq eb' li q'etq'et ut eb' laj q'etol aatin; twisiheb' sa' li na'ajej wankeb' wi' anaqwan, ab'anan ink'a' te'ok sa' xteepal Israel. Ut aran teenaw naq laa'in li Qaawa'.

Ezequiel 11:18

Naq te'sutq'iiq chaq, tole'risi chixjunileb' li jalanil yos ut ink'a' chik te'xb'aanu li tz'i'b'eetalil b'aanuhom.

Isaías 4:4

Naq li Qaawa' taarisi li xmaa'usilaleb' laj Sión ut tixkuy xmaakeb' li ke'kamsink aran Jerusalén, naq akaq xch'ajob'resi xsa' li tenamit rik'in li xloq'laj musiq' ut li xxamlel li xjosq'il,

Isaías 1:29

Relik chi yaal naq texxutaanaq xb'aan naq xeloq'oni li ji, ut texkaqo'q chi rilb'al li xna'ajeb' li uutz'u'uj li jwal xerahi ru.

Proverbios 20:30

Li rahob'tesiik naxb'an li maa'usilal, ut li rahilal naxk'irtasi li ch'oolej toj sa' xchamal.

Salmos 119:71

Q'axal us cho'q we naq xink'ul rahilal, re naq tintzol chixjunil li nakawaj.

Salmos 119:67

Rub'elaj xk'ulb'al li rahilal, yal xinb'enihatq chaq wib'; ab'an anaqwan a' chik laawaatin ninpaab'.

2 Crónicas 36:19

Ke'xk'at ajwi' li rochoch li Qaawa', ke'xjuk' li xsuttz'akil Jerusalén, ke'xk'e xxamlel li xninqaleb' ru ochoch ut ke'xputz'i chixjunil li k'a'aq re ru jwal loq'.

2 Crónicas 34:4

Chiru ajwi' laj Josías ke'juk'mank li x'artal laj Bahal; ke'xputz'i eb' li artal namayejamank wi' li sununkil b'an, ut ke'xtoqi eb' li xjalam u lix Aserá ut eb' li jalanil yos yiib'anb'ileb' rik'in ha'lesinb'il ch'iich' ut pek, toj reetal ke'kok'puk'iik, ut li pojtz' kipajimank sa' xb'een xmuqleb'aaleb' li poyanam li ke'mayejak chiruheb'.

2 Crónicas 14:5

Kirisi sa' chixjunileb' li tenamit re Judá eb' li tijob'aal wankatqeb' chi tzuul ut eb' li artal nak'atmank wi' pom, ut li x'awab'ejihom laj Asá kiwank sa' tuqtuukilal chiru chixjunil li xyu'am.

2 Reyes 25:9

Kixk'at li rochoch li Yos, li rochoch li awab'ej ut chixjunileb' li ochoch wankeb' Jerusalén; kixk'ateb' ajwi' li rochocheb' li xninqaleb' ru winq.

Éxodo 34:13

Taajuk'i li x'artaleb', taapuk'iheb' li xxaqab'anb'il pek ut taayok'i eb' li xloq'laj toon che'.

Levítico 26:30

Laa'in tinjuk' leetijob'aal ut tinputz'iheb' li x'artalil leesununkil ensens, teb'intuub' leekamenaq sa' xb'eeneb' leekamenaqil yos ut texintz'eqtaana;

Deuteronomio 12:3

Juk'umaq li x'artaleb', puk'iiq li xxaqab'anb'il pekeb', k'atomaq li xtoon che' neke'xloq'oni ru, putz'ihomaq eb' li xjalam u li xyoseb', ut sachomaq li xk'ab'a'eb' sa'eb' li na'ajej a'an.

2 Reyes 10:26

ke'risi chaq li xjalam u laj Bahal ut ke'xk'at.

Ezequiel 6:4

Tinputz'i eb' li artal nekexmayejak wi' ut nekek'at wi' leepom, ut tink'eheb' chi kamk laj k'anjel chiruheb' li jalanil yos.

2 Reyes 23:14

Kixpuk'iheb' li pek ut kixputz'iheb' li che' loq' chiruheb', ut kixnujob'resiheb' li na'ajej rik'in xb'aqeleb' li kamenaq.

Isaías 30:22

Toja' naq teetz'eqtaana leejalanil yos yiib'anb'il rik'in plaat ut leejalam u uutz'u'ujinb'il rik'in oor. Teekuteb' chi najt jo' li mul ut teeye reheb': “Elenqex arin”, cha'qex reheb'.

Isaías 40:2

Aatinomaq Jerusalén sa' q'unil aatin ut yehomaq re chi yaal naq moko mun ta chik, ak xtoj rix chixjunil li xmaak, xb'aan naq ka'sut xrahob'tesiik xb'aan li Qaawa' chirix chixjunil li maa'usilal xb'aanu.

Miqueas 5:11

Tinsach ruheb' laatenamit sa' laateepalil ut tinjuk'eb' laakawub'resinb'il ochoch.