Isaías 27:8 - Q'eqchi Bible

⁸ Kixrahob'tesi li xtenamit naq kirisi sa' li xna'ajeb' ut kixtaqlaheb' sa' jalanil tenamit; kiraanilasiheb' chi najt xb'aan li xxiwajel josq'il, jo' naq na'apunk li kawil iq' nachalk sa' xjayal releb'l saq'e.

Li Santil hu

⁸ Li Ka̱cuaꞌ quixqꞌueheb laj Israel chixtojbal lix ma̱queb nak quixcanabeb saꞌ rukꞌeb li jalaneb xtenamit. Queꞌchapeꞌ ut queꞌcꞌameꞌ chi pre̱xil saꞌ jalan tenamit. Chanchan nak queꞌcꞌameꞌ xban li cacuil ikꞌ li nachal saꞌ releb sakꞌe.

Isaías 27:8 ပူးပေါင်းရင်းမြစ်များ

Oseas 4:1

Ab'ihomaq li raatin li Qaawa', ex aj Israel. Ok re sa' raqb'a aatin rik'ineb' li wankeb' sa' li tenamit a'in, xb'aan naq maak'a' chik arin li tiikil ch'oolej ut li rahok, maajun chik nanawok ru li Qaawa'.

Ezequiel 19:12

Ab'anan kimich'e'k sa' josq'il, ut t'ant'o kikanaak chiru ch'och'. Kichaqik xb'aan xtiqwal li iq', ut ke't'ane'k eb' li ru; ke'chaqik li xkawil uq' ut ke'kutmank sa' xam.

Jeremías 10:24

Choohaaq'us, at Qaawa', jo' chanru li xtiikilal laach'ool ut ink'a' xb'aan laajosq'il: mare anchal toohaasach chi junwaakaj.

Jeremías 4:11

Chiruheb' li kutan a'an taayeemanq reheb' li poyanam a'in ut reheb' laj Jerusalén: “Chalk chaq re sa' li chaqich'och' jun tiqwal iq' sa' xb'een lintenamit. A'an maawa' iq' re xpuuxinkil ru li triiw,

1 Pedro 1:6

Sa' xk'ab'a' a'an k'ajo' xsahil eech'ool, us ta toj texrahob'tesiiq chiru jarub'aq kutan rik'in k'iila paay xyalb'al rix leepaab'aal.

Oseas 13:15

Us ta laj Efraín taa'atz'umaq jo' li pim, taachalq li tiqwal iq' sa' xjayal releb'l saq'e; taawakliiq chaq sa' li chaqich'och' ut tixchaqihob'resi chixjunileb' li yu'amha' jo'wi' eb' li releb'aal li ha'. Ut taamaq'e'q chixjunil li xb'ihomal jo' ajwi' jo'nimal jwal chaab'il li wank re.

Jeremías 46:28

At Jakob, aj k'anjelat chiwu, matxiwak -chan li Qaawa'-, xb'aan naq wankin aawik'in chakolb'al ut tinsach ruheb' chixjunil li tenamit katincha'cha'i wi'. Ab'an ink'a' tinsach aawu laa'at chi junajwa, us ta tatinq'us ut tatintij jo' chanru aak'ulub': ka'ajwi' nawaj naq taatoj rix laamaak sa' xyaalal”.

Jeremías 30:11

Laa'in, li Qaawa', ninye li waatin naq wankin aawik'in chakolb'al ut tinsach ruheb' chixjunil li tenamit katincha'cha'i wi'. Ab'an ink'a' tinsach aawu laa'at chi junajwa, us ta tatinq'us ut tatintij jo' chanru aak'ulub': ka'ajwi' nawaj naq taatoj rix laamaak sa' xyaalal”.

Jeremías 4:27

Jo'ka'in kixye li Qaawa': “Chixjunil li ruuchich'och' taasachmanq, ab'an moko taa'oso'q ta chixjunil.

1 Corintios 10:13

Maji' nachalk sa' eeb'een junaq aaleek q'axal nim chiru li neke'xk'ul chixjunileb'. Li Yos naxb'aanu li xyeechi'i, ut ink'a' texxkanab' chi aaleek jo' ink'a' truuq teekuy. Rik'in li aaleek, li Yos tixk'e ajwi' eere chanru teekuy re naq us tex'elq.

Isaías 57:16

Ink'a' tinjit lintenamit chi junelik chi moko toj yooq linjosq'il chi junajwa, xb'aan naq laa'in kinyoob'tesink re li winq ut li ixq, ut ink'a' nawaj naq te'ch'inanq ut te'raho'q xch'ool chiwu.

Isaías 54:7

Jun k'amok xatinkanab', ab'an rik'in xnimal xchaab'ilal linch'ool tatink'am wi' chik wik'in, -chan laaYos-.

Isaías 50:1

Jo'ka'in kixye li Qaawa': “Ma wank b'araq li xhuhil li jachok ib', reetalil naq xintz'eqtaana leena'? Malaj xexink'ayi ta laa'ex, re xtojb'al link'as? K'ehomaq reetal naq laa'ex xexk'ayiik xb'aan leemaak; xb'aan ajwi' leeq'etb'a aatin xtz'eqtaanaak leena'.

Isaías 10:12

Naq akaq xraqe'k li Qaawa' chi xb'aanunkil li xk'anjel sa' li tzuul Sión ut Jerusalén, tixrahob'tesi li awab'ej re Asiria xb'aan li xq'etq'etil ut li xnimob'resinkil rib'.

Isaías 1:5

K'a'ut naq toj yookex chi xq'etq'etinkil eerib'? Ma toj teeraj naq texinrahob'tesi? Tiq'b'il chik leejolom ut tawajenaqex chi junwaakaj.

Salmos 103:14

Xb'aan naq naxnaw k'aru okenaqo wi' ut wank sa' xch'ool naq yal pojtz' okenaqo.

Salmos 78:38

A'ut li Yos junelik naxtoq'ob'a ruheb': kixkuyeb' xmaak ut ink'a' kixsacheb', k'iila sut kixkuy rib' ut ink'a' kipo'k sa' xb'eeneb'.

Salmos 76:10

naq laa'at xatxaqliik chi raqok aatin re xkolb'al chixjunileb' li toq'ob'aal ru sa' ruuchich'och'!

Salmos 38:1

Xsaalm laj David. Re xjultikankil.

Salmos 6:1

Re li xjolomileb' laj b'ichanel. Rik'ineb' li wajb' waqxaqitq li ru. Xsaalm laj David.

Li xHu LAJ JOB 23:6

Ma taapleetiq raj wik'in? Nink'oxla naq ink'a'; taarab'i b'an li k'aru tintz'aama chiru.

Salmos 103:9

Ink'a' nokooxq'us chi junelik, chi moko najosq'o'k chi junajwa.

Isaías 64:5

Nakat-elk chi xk'ulb'al chi sa laach'ool li nab'aanunk li tiikilal chi anchal li raanm jo'wi' najultiko'k re li xtaaqenkil laab'e. Yaal ajwi' naq xatjosq'o'k, ab'an a'an xk'ulmank xb'aan naq xoomaakob'k chawu; chalen chaq junxil jwal aj q'etol aatino.

Lamentaciones 3:31

Xb'aan naq li Qaawa' ink'a' nokooxtz'eqtaana chi junajwa.

Lamentaciones 3:32

Us ta naxk'e xrahil qach'ool, ab'an naruxtaana wi' chik qu sa' xk'ab'a' li xnimal xrahom.