Isaías 27:3 - Q'eqchi Bible

³ Laa'in, li Qaawa', nin'ilok re ut kok'aq xsa' nint'aqresi. Nink'aak'ale chi q'eq ut chi kutan re naq maajun taach'e'oq re.

Li Santil hu

³ Eb laj Israel, aꞌaneb lix naꞌaj lin uvas. La̱in li Ka̱cuaꞌ nin-iloc reheb. Chanchan nintꞌakresi nak nacuileb. Nequeꞌcuil chi kꞌek chi cutan re nak ma̱cꞌaꞌ teꞌxcꞌul.

Isaías 27:3 ပူးပေါင်းရင်းမြစ်များ

Isaías 58:11

Laa'in tatinb'eres chi junelik, tink'ojob' laach'ool chi tzekank sa' li chaqich'och', tink'e xkawilal laawoq laawuq' ut kama'aqat chik li xchaq'alil ru na'ajej t'aqresinb'il chi us, jo'kaqat chik li yu'amha' ink'a' nachaqik.

1 Samuel 2:9

A'an nab'eresink reheb' li neke'paab'ank re, a'ut li ink'a' useb' xna'leb' te'oso'q sa' li aak'ab', xb'aan naq maa'ani naq'axok u yal rik'in li xmetz'ew.

Ezequiel 34:11

“Laa'in, li Qaawa', ninye chi jo'ka'in: We'kin arin. Laa'in toxinsik'eb' chaq linkarneer ut laa'in tin'iloq reheb'.

Ezequiel 37:14

Twoksi linmusiq' eerik'in ut texyo'yooq. Texink'ojob' wi' chik sa' leena'aj ut teenaw naq laa'in, li Qaawa', xinyehok re a'in ut xinb'aanu», chan li Qaawa'”.

Ezequiel 34:24

Laa'in, li Qaawa', laa'inaq li xYoseb' ut laj David, laj k'anjel chiwu, a'an taajolominq reheb'. Laa'in, li Qaawa', xin'aatinak.

Isaías 60:16

Eb' li tenamit tate'xch'oolani chi chaab'il ut eb' li awab'ej te'xk'e aawe li xb'ihomaleb'; ut taanaw naq laa'in li Qaawa', laj Kolol aawe, li xNimajwal Yos laj Jakob, li xin'isink chaq aawe sa' laarahilal.

Isaías 46:9

Jultikaq eere li k'aru kik'ulmank chaq junxil. Laa'in li Yos, ut maak'a' chik junaq; laa'in li Qaawa', ut maajun juntaq'eetin wi'.

Isaías 46:4

Toj sa' leetiixilal laa'inaq ajwi' leeYos; naq ak saqaq aj chik leejolom, texinch'oolani ajwi'. Laa'in kinyoob'tesink eere, ut toj texwil; texinb'eresi laa'in ut texinkol.

Isaías 5:6

Nakirirnak tinkanab' li ch'och' a'an: ink'a' chik taa'aq'iiq chi moko taasaab'esiiq, chamo'qaq li pim ut chinujaq li k'ix sa' xb'een. Ut tinram chiruheb' li choql re naq ink'a' tixk'e li hab' sa' xb'een.

Salmos 46:11

Ut xye: “Kanab'omaq yalok, chenawaq naq laa'in Yos, li nim inwankil sa' xb'eeneb' li tenamit, li nim inwankil junsut junrub'el choxa!”.

Salmos 46:5

Li xkok' uq' li nima' neke'xsut ut neke'xsahob'resi ru li xtenamit li Yos, neke'xsantob'resi li xloq'laj muheb'aal li Nimajwal Yos.

Génesis 6:17

Laa'in tink'e jun nimla b'ut'iha' sa' xb'een li ruuchich'och' re xsachb'aleb' chixjunil li wankeb' xmusiq' junsut junrub'el choxa: chixjunileb' li wankeb' sa' ruuchich'och' te'oso'q.

Ezequiel 37:28

Ut naq linsantil ochoch taawanq sa' xyanqeb' chi junwaakaj, eb' li tenamit junch'ol te'xnaw naq laa'in li Qaawa', li ninsantob'resiheb' laj Israel»”.

Génesis 9:9

“Anaqwan tink'ojob' linSumwank eerik'in, ut rik'ineb' leeralal eek'ajol li te'wanq moqon,

Isaías 31:5

Tixmuheela li tenamit Jerusalén jo' naxb'aanu li xik'anel xul naq naxkupu li xsuk: tixmuheela ut tixkol, taanume'q sa' xb'een ut tixkanab' chi ach'ab'anb'il”.

Isaías 42:6

“Laa'in, li Qaawa', xatinb'oq ut xatinch'ilo chaq chawuq' re roksinkil li tiikilal; xatink'uub' ut xatinxaqab' cho'q sumwank rik'in lintenamit ut cho'q xsaqenkeb' li poyanam;

Isaías 49:8

Jo'ka'in kixye li Qaawa': “Sa' chaab'il kutan xatwab'i, sa' xq'ehil li kolb'a ib' xatintenq'a. Xatinyoob'tesi ut xatinxaqab' chi xk'ojob'ankil li sumwank rik'in li tenamit, re xwaklesinkil wi' chik li na'ajej ut xjek'inkil li ch'och' ak sachb'il xchaab'ilal;

1 Reyes 8:59

Chixjunil li xintz'aama re li Qaawa' li qaYos chiwanq taxaq chiru chi q'eq ut chi kutan, re naq tinxtenq'a taxaq laa'in aj k'anjel chiru ut tixtenq'a ajwi' Israel li xtenamit, jo' chanru aajel ru rajlal kutan.

Isaías 44:3

Tintaqla li hab' sa' li chaqich'och' ut tinyoob'tesiheb' li nima' sa' li joxk' na'ajej. Tinhoy linmusiq' sa' xb'eeneb' laawalal aak'ajol ut twosob'tesiheb' laawi aamam.