Isaías 27:1 - Q'eqchi Bible

¹ Sa' li kutan a'an li Qaawa' tixrahob'tesi li xk'anti'il li palaw li jwal xiwajel ru ut aj eelel, rik'in li xq'esnal ch'iich' li jwal kaw ut nim roq; tixkamsi ajwi' li mama' xul wank sa' li ha'.

Li Santil hu

¹ Saꞌ eb li cutan aꞌan li Ka̱cuaꞌ tixqꞌueheb chixtoj xma̱queb laj Leviatán li nimla xul li se̱b xchꞌo̱l chixba̱nunquil li incꞌaꞌ us, ut li nimla cꞌantiꞌ li naxkꞌotkꞌoti rib, joꞌ ajcuiꞌ li dragón li cuan saꞌ li palau. Riqꞌuin lix nimla chꞌi̱chꞌ cau tixcamsiheb.

Isaías 27:1 ပူးပေါင်းရင်းမြစ်များ

Ezequiel 29:3

«Laa'in xik' chik nakatwil, a Parahón, li awab'ej re Ejiipt, at xnimal xul li jiljookat sa' xyanqeb' laanima' ut nakaye: We li nima' Nilo, laa'in kinyiib'ank re, chankat.

Isaías 51:9

Ajen, ajsi aawu, at Qaawa', ut k'ut laawankilal; waklin jo' kab'aanu chaq junxil, jo' kab'aanu chaq najter q'e kutan. Ma ink'a' tab'i' laa'at katkamsink re Rahab, ut kapaynumi chi ch'iich' li xk'anti'il li palaw?

Apocalipsis 12:3

Toja' naq kik'utunk jun chik eetalil sa' choxa: jun li nimla k'anti' kaq rix, wank wuqub' xjolom ut lajeeb' xxukub', ut sa' xb'eeneb' li xjolom wankeb' wuqub' lemtz'il koroon.

Isaías 66:16

Relik chi yaal naq li Qaawa' taaraqoq aatin rik'in xam; taaraqoq aatin rik'in q'esnal ch'iich' sa' xb'eeneb' chixjunil li poyanam, ut naab'aleb' li te'sache'q ru xb'aan li Qaawa'.

Salmos 104:26

Chiru a'an neke'b'eek li jukub', jo'wi' li Mama' Xul li xayiib' re taab'atz'unq chisa'.

Li xHu LAJ JOB 26:13

Kixyamtesi li choxa yal rik'in li xmusiq'; rik'in ruq' kixkamsi li xiwajel xk'anti' li palaw.

Apocalipsis 20:2

Kixchap li nimla xul, li najter k'anti' (a'an laj tza, li maa'us) ut kixb'ak' chi kareen chiru jun mil chihab'.

Apocalipsis 19:21

Eb' li xkomon kilaje'kamsiik xb'aan li ch'iich' na'elk chaq sa' re li k'ojk'o sa' xb'een li kawaay; ut rik'in li xtib'eleb' ke'nujak xsa'eb' chixjunileb' li xik'anel xul.

Jeremías 51:34

Jerusalén, li tenamit Sión, kixye chi jo'ka'in: “Laj Nabukodonosor, li awab'ej re Babilonia, xinxtiw ut xinxchoy; jo' junaq sek' maak'a' chik tzekemq chisa' xinxkanab'. Jo' li ranumal li palaw naq xinxnuq': xchoy chixjunil li k'aru wank we ut xkuti chi najt li ink'a' xwulak chiru. Che'xtoj ta rix eb' laj Babilonia li rahilal xe'xb'aanu we, ut eb' laj Kaldeha che'xtoj ta rix eb' linkomon xe'xkamsi”.

Li xHu LAJ JOB 40:19

A'an li nim xmetz'ew sa' xyanqeb' chixjunil linyoob'tesihom; ka'ajwi' laa'in nintuulanob'resink re.

Apocalipsis 17:15

Moqon li ánjel kixye we: “Eb' li ha' xawil b'ar k'ojk'o wi' laj yumb'eet, a'an tenamiteb', xmolameb' li winq, k'iila teep ut k'iila aatinob'aal.

Apocalipsis 17:1

Toja' naq kichalk jun reheb' li wuqub' chi ánjel li wankeb' li wuqub' chi sek' rik'in, ut ki'aatinak wik'in: “Kim -chan we-, ink'utaq chawu li tojb'amaak teneb'anb'il sa' xb'een li xnimal ru aj yumb'eet li k'ojk'o sa' xb'eeneb' li k'iila ha'.

Apocalipsis 16:13

Ut kiwil chi elk sa' re li nimla k'anti', sa' re li josq' aj xul ut sa' re li propeet aj b'alaq' oxib' tz'ajn aj musiq'ej kama'eb' li amoch.

Apocalipsis 13:11

Chirix chik a'an kiwil jun chik josq' aj xul yo chaq chi taqe'q sa' ch'och', wank wiib' xxukub' kama' xxukub' li karneer, ab'an kaw naxjap re kama' junaq mama' xul.

Apocalipsis 13:4

ut ke'xloq'oni li nimla k'anti', xb'aan naq kixk'e xwankil li josq' aj xul. Ke'xloq'oni ajwi' li josq' aj xul, yookeb' chi xyeeb'al: “Ani tawi' chanchan li josq' aj xul? Ani tawi' taaruhanq chi yalok rik'in?”.

Apocalipsis 2:16

Yot' b'i' aach'ool jal aak'a'uxl. Wi ut ink'a', tinxik chi seeb' wankat wi' ut tinyaloq rik'ineb' a'an chiru li ch'iich' na'elk chi xtz'uumal we.

Jeremías 51:13

At Babilonia li wankat chire xninqal nima' ut k'ajo' laab'ihomal, ak xwulak xkutankil laasachik; maajoq'e chik tat-elq'aq.

Jeremías 47:6

At xch'iich' li Qaawa', toj jo'q'e tatch'anaaq chi kamsink? Ch'ik wi' chik aawib' sa' laawochoch, hilan b'ayaq ut wanqat sa' xyaalal.

Isaías 65:25

Laj xojb' ut li karneer te'ichajib'q sa' wiib'al; li kaqkoj taawa'oq pim jo' li wakax, ut li k'anti' taalowoq pojtz'. Maajun chik taarahob'tesinq chi moko taasachoq sa' linsantil tzuul”, chan li Qaawa'.

Isaías 26:21

Xb'aan naq elk re li Qaawa' sa' li xmuheb'aal re eeqajunk chirix li maa'usilal li xe'xb'aanu chixjunileb' li poyanam sa' ruuchich'och'; li ch'och' taarisi chaq chi kutankil li xkik'eleb' li xe'kamsiik, ut ink'a' chik tixmuq li kamsink xb'aanuhatq.

Salmos 45:3

Q'axal xchaq'al aawu sa' xyanqeb' chixjunileb' li winq; chaab'il ut tz'aqal re ru nakat-aatinak: osob'tesinb'ilat xb'aan li Yos chi junelik.

Li xHu LAJ JOB 3:8

Chimajewaaq xb'aaneb' laj tuul, li wankeb' xwankil sa' xb'een Lebiatán.

Li xHu LAJ JOB 41:1

“Ma naru tab'i' taachap chi luchb'aq li nimla xul Lebiatán xk'ab'a'? Ink'a' naru taab'ak' chi k'aam li ru'uj raq',

Isaías 65:12

laa'in texink'e chi kamsiik chi q'esnal ch'iich' ut chejunilex tex'oso'q chi ch'otb'il leekux, xb'aan naq xexinb'oq ut ink'a' xineesume, xexwaatina, ut ink'a' xeraj wab'inkil; xeb'aanu b'an li ink'a' nawulak chiwu, a' chik li nachiq'ok injosq'il xesik' xb'aanunkil”.

Amós 9:3

Wi te'xmuq rib' sa' xjolom li tzuul Karmeel, toj toxinsik'eb' ajwi' chaq aran ut teb'inchap chaq; ut wi te'xmuq rib' chiwu sa' xchamal li palaw, tintaqla li xk'anti'il li ha' chi xtiwb'aleb'.