Isaías 26:8 - Q'eqchi Bible

⁸ Rik'in xpaab'ankil laachaq'rab', at Qaawa', kaw qach'ool chawoyb'eninkil; li k'aru naxrahi li qaanm a'an laaraab'al ut aajultikankil.

Li Santil hu

⁸ At Ka̱cuaꞌ, yo̱co chixba̱nunquil joꞌ nacacuaj la̱at re xqꞌuebal xlokꞌal la̱ cꞌabaꞌ. Li cꞌaꞌru nakaj, aꞌan oybeni̱nc a̱cuiqꞌuin ut li kacꞌaꞌux cua̱nk a̱cuiqꞌuin.

Isaías 26:8 ပူးပေါင်းရင်းမြစ်များ

Isaías 33:2

At Qaawa', chawuxtaana taxaq qu, aawik'in yooko chi oyb'enink. Laa'ataq xkawub' qach'ool rajlal eq'la, laa'ataq laj kolol qe sa' xq'ehil li rahilal.

Salmos 65:6

At qaYos, aj Kololat qe, laa'at nakasume li qatij rik'in sachb'ach'oolej. Aawik'in k'ojk'ookeb' xch'ool li wankeb' sa' xmaril li ruuchich'och' jo' ajwi' li wankeb' chire li palaw, toj chi najt.

Éxodo 3:15

Chirix chik a'an li Yos kixye re laj Moisés: “Jo'ka'in taaye reheb' laj Israel: «Li Qaawa' Yos, li xYos leexe'toonil yuwa', li xYos laj Abrahán, laj Isahak ut laj Jakob, xinxtaqla chaq eerik'in». A'inaq link'ab'a' chi junelik, ut a'in tine'xyaab'a wi' li tenamit junq'e junq'e kutan.

2 Ts 3:5

A' taxaq li Qaawa' chib'eresinq leech'ool sa' li xrahom li Yos ut sa' li royb'eninkil li Kriist rik'in xnimal eekuyum.

Romanos 8:25

Ab'an wi li qoyb'enihom ink'a' naqil ru, a'an q'axal naqayo'oni rik'in xnimal qakuyum.

Hechos 1:4

Ut sa' jun li kutan, naq yo chi wa'ak rochb'eeneb' sa' meex, kixchaq'rab'iheb' chi jo'ka'in: —Mex'elk Jerusalén, cheroyb'eni b'an li xyeechi'om li Yuwa'b'ej li xerab'i wik'in.

Isaías 56:1

Li Qaawa' kixye chi jo'ka'in: “Junelik wanqex sa' tiikilal ut b'aanuhomaq li us, xb'aan naq nach' chik wank linkolb'a ib' ut ok re chi k'utunk li xtiikilal linch'ool.

Isaías 25:9

Sa' li kutan a'an taayeemanq: “A'an a'in li qaYos li kaw wi' qach'ool re qakolb'al. A'an a'in li Qaawa' li xoo'oyb'enink wi': qanimaaq xloq'al ut chisaho'q li qach'ool xb'aan naq A'an xkolok qe”.

Isaías 12:4

ut teeye sa' li kutan a'an: “Yoxinqex chiru li Qaawa' ut terq'usihomaq li xk'ab'a'; puktesihomaq resil li xninqal xb'aanuhom, ch'olob'omaq reheb' li tenamit naq nim xwankil sa' xb'een chixjunil.

Cantares 5:8

Nintz'aama cheru, ex rixqilal Jerusalén, wi teetaw linrahom, k'aru teeye re? Yehomaq re naq kamk we chi rahok.

Salmos 106:3

Us xaq reheb' li neke'wank sa' tiikilal, a'eb' li neke'b'aanunk li us chi junelik.

Salmos 84:2

K'ajo' xsahil li wank sa' laawochoch, at Qaawa', at qaNimajwal Yos!

Salmos 73:25

Ani ta chik wank we sa' choxa? Naq wankin aawik'in, maak'a' chik ninrahi sa' ruuchich'och'.

Salmos 18:23

Wank sa' inch'ool chixjunil li xchaq'rab' ut ink'a' xinkanab' xpaab'ankil li raatin.

2 Samuel 23:5

Kaw xaqxo linjunkab'al chiru linYos, xb'aan naq li Qaawa' xb'aanu wik'in jun sumwank chi junelik, tustu ru ut xaqxo xwankil. A'an nak'ehok we chi q'axok u chi junelik, a'an naxk'e chi tz'aqlok ru chixjunil li wajom.

Números 36:13

A'aneb' a'in li chaq'rab' ut li aatin kixk'e li Qaawa' cho'q reheb' laj Israel, chi xtz'uumal re laj Moisés, sa' xtaq'ahil Mohab, chire li nima' Jordán, sa' xjayal Jerikó.

San Lucas 1:6

Tiikeb' xch'ool chi xkab'ichaleb' chiru li Yos, ut maak'a' xq'usb'aleb' sa' chixjunil li xchaq'rab' ut xtaqlahom li Qaawa'.

Malaquías 4:4

“Misachk sa' eech'ool li xchaq'rab' laj Moisés laj k'anjel chiwu, linchaq'rab' ut eb' li waatin li kink'e re sa' xb'een li tzuul Horeb, cho'q re chixjunileb' laj Israel.

Miqueas 7:7

A'ut laa'in kaw nin'oyb'enink rik'in li Qaawa', k'ojk'o linch'ool rik'in li Yos laj kolol we: ninnaw naq A'an taa'ab'inq we.

Isaías 30:18

Ab'an li Qaawa' yo royb'eninkil li honal re rusilankil eeru. Taawakliiq chaq chi xtoq'ob'ankil eeru, xb'aan naq tiik xch'ool li Qaawa'. Us xaq reheb' li k'ojk'o xch'ooleb' rik'in!

Salmos 130:5

K'ojk'o linch'ool rik'in li Qaawa', k'ojk'o li waanm rik'in li xloq'laj aatin.

Isaías 24:15

Jo'kan ajwi' sa' xjayal releb'l saq'e ut sa'eb' li tenamit wankeb' sa' sutha', taaterq'usiiq xk'ab'a' li Qaawa', li xYos laj Israel.

Isaías 25:1

At Qaawa', laa'at linYos; ninnima aawu ut ninterq'usi laak'ab'a' xb'aan naq xab'aanu xninqal sachb'ach'oolej, k'oxlanb'ileb' chi us chalen chaq junxil; q'axal paab'ajel laak'a'uxl ut k'ojk'o xwankil.

Isaías 26:13

At Qaawa', at qaYos, yaal naq jalaneb' chik xe'numtaak sa' qab'een, ab'an anaqwan maajun chik k'ab'a'ej wank sa' qach'ool: ka'ajwi' laa'at, at Qaawa'.

Isaías 49:23

Eb' li awab'ej a'anaqeb' laj ilol aawe, ut li xrab'ineb' a'anaqeb' ruuchil laana'. Te'xwiq'ib' rib' chawu toj chiru ch'och', ut chi ru'uj raq'eb' texmes li pojtz' chawoq. Chi jo'kan taanaw naq laa'in li Qaawa' ut maajoq'e te'xutaanaq li neke'yo'onink wik'in”.

Isaías 51:4

“Ex intenamit, ab'ihomaqin; ex inpoyanam, k'ehomaq reetal li ok we xyeeb'al, xb'aan naq wik'in taa'elq li chaq'rab' ut lintaqlahom taakutanob'resinq re eb' li tenamit.

Miqueas 4:5

Eb' li tenamit junch'ol neke'xloq'oni ut neke'xpaab' li xyoseb', a'ut laa'o junelik naqapaab' ut naqaloq'oni li Qaawa' li qaYos.