Isaías 26:16 - Q'eqchi Bible

¹⁶ At Qaawa', xatqasik' naq yooko chi k'uluk rahilal ut ink'a' chik naqakuy li qarahob'tesinkil aab'aan.

Li Santil hu

¹⁶ At Ka̱cuaꞌ, la̱at coa̱qꞌue chixtojbal li kama̱c ut cotijoc cha̱cuu. Nak yo̱co chixcꞌulbal li raylal, xkatzꞌa̱ma katenkꞌanquil a̱cue.

Isaías 26:16 ပူးပေါင်းရင်းမြစ်များ

Oseas 5:15

“Chirix chik a'an tinsutq'iiq wi' chik sa' linna'aj, toj reetal te'xk'e reetal li xmaakeb' ut toline'xsik'. Naq wanqeb' sa' rahilal, relik chi yaal naq toline'xsik'”.

Salmos 50:15

Chayaab'a link'ab'a' sa' xkutankil laarahilal; laa'in tatinkol ut laa'at tinaaloq'oni”.

Apocalipsis 3:19

«Laa'in chixjunileb' li nekeb'inra, nekeb'inq'us ut nekeb'intij. K'e b'i' aach'ool ut jal aak'a'uxl.

Oseas 7:14

Moko anchaleb' ta xch'ool naq neke'tz'aamank chiwu naq yookeb' chi tz'uyink chiru li xch'aateb'. Yal re xtz'aamankil li triiw ut li b'iin naq neke'xlet'exi li xtib'eleb'. Chi jo'kan xe'xq'etq'eti rib' chiwu.

Lamentaciones 2:19

Xaqlin, jap aawe chiru li q'oqyink chi kok'aq xsa'; chate laawaanm chiru li Qaawa', jo' li ha' yo chi xik. Ye' laawuq' chiru li Yos ut tijon chirixeb' laakok'al, li yookeb' chi kamk sa' b'e yalaq b'ar xb'aan li we'ej.

Jeremías 22:23

Anaqwan sa nakathilank sa' laawochoch li yiib'anb'il rik'in yaw li chalenaq Líbano; ab'anan tatyaab'aq naq tolatxtaw li rahilal, jo' naxk'ul li ixq ok re chi alank”.

Isaías 37:3

re xyeeb'al re li propeet Isaías, ralal laj Amós: “Jo'ka'in xye chaq laj Esekías: «Li kutan a'in, a'an xkutankil li rahil ch'oolejil, li rahob'tesiik ut li xutaanal! Chanchano jun li ixq wank sa' yu'am, li maak'a' xmetz'ew chi alank.

Salmos 142:2

Ninyaab'a li Qaawa' chi kaw xyaab' linkux, a' li Qaawa' nintz'aama wi' intenq'ankil.

Salmos 91:15

Naq tixyaab'a link'ab'a', laa'in tinsume. Wanqin chi xk'atq sa' xq'ehil li rahilal; laa'in tinkoloq re ut tink'e xloq'al.

1 Samuel 1:15

Ut lix Ana kixsume: “Ink'a', wa. Ink'a' xin'uk'ak b'iin chi moko k'a' chik chi ha'il li nakaltesink. Q'axal ra sa' inch'ool ut yookin chi xteeb'al li waanm chiru li Qaawa'.

Números 21:7

Toja' naq eb' li tenamit ke'wulak rik'in laj Moisés chi xyeeb'al: “Xoomaakob'k, xqawech' rix li Qaawa' ut laa'at. Tz'aaman, elajin chiqix chiru li Qaawa', re naq trisiheb' sa' qayanq eb' li k'anti'”, chankeb'. Laj Moisés kitijok chirixeb' li tenamit,

Jeremías 2:27

«At inyuwa'», chankeb' re li jun tolol chi che'; «At inna'», chankeb' re li pek. Ut laa'in ink'a' nikine'xpatz' chi moko nikine'xk'oxla. Ab'an naq nachalk junaq rahilal sa' xb'eeneb', neke'xye we: «Kim chi qakolb'al».

Jueces 10:15

Toja' naq eb' laj Israel ke'xsume li Qaawa': “At Qaawa', xoomaakob'k, b'aanu qe li k'aru taawaj. Ab'anan chakuy qamaak, choohaakol anaqwan!”, chankeb'.

Salmos 27:8

“Chasik' xnaq' ru”, chan we linch'ool. Relik chi yaal, a' li xnaq' aawu ninsik', at Qaawa'; maamuq chiwu li xnaq' aawu!

Salmos 77:3

Naq wankin sa' rahilal, ninsik' li Qaawa', ut chi q'eq ink'a' ninhilank chi xye'b'al li wuq' chi elajink; ab'an ink'a' nintaw xk'ojob'ankil li waanm.

Salmos 78:34

Naq yook xkamsinkileb', ke'xsik' li Yos, ke'sutq'iik wi' chik rik'in ut ke'xk'e xch'ooleb' chirix.

Jeremías 29:12

Toja' naq teepatz' link'ab'a', tulextijoq chiwu, ut laa'in texwab'i.