Isaías 26:14 - Q'eqchi Bible

¹⁴ Eb' li kamenaq ink'a' chik te'yo'laaq, eb' li mu ink'a' chik te'wakliiq chaq, xb'aan naq xatraqok aatin sa' xb'eeneb' ut xasacheb' ru, ut maajun chik taapatz'oq li xk'ab'a'eb'.

Li Santil hu

¹⁴ Eb aꞌan camenakeb chic anakcuan. Incꞌaꞌ chic teꞌcuacli̱k chi yoꞌyo̱queb. Incꞌaꞌ chic ta̱ru̱k teꞌtakla̱nk saꞌ kabe̱n xban nak la̱at xatqꞌuehoc reheb chixtojbal lix ma̱queb. La̱at xatsachoc ruheb ut incꞌaꞌ chic ta̱jultica̱k lix cꞌabaꞌeb.

Isaías 26:14 ပူးပေါင်းရင်းမြစ်များ

Proverbios 10:7

Junelik osob'tesinb'il li xk'ab'a' li winq chaab'il; a'ut li ink'a' us xna'leb' sa' junpaat taasache'q li xk'ab'a'.

Isaías 8:19

Ut naq taayeemanq eere: “Patz'onqex rik'ineb' li neke'aatinank kamenaq jo'wi' rik'ineb' laj q'e li neke'hashotk ut neke'choqoqnak chi aatinak xjuneseb'”, teesumeheb': “Ma ink'a' tab'i' tento naq eb' li tenamit te'patz'oq rik'in li xyoseb' chirixeb' li yo'yookeb' ut li kamenaqeb'?”.

Salmos 106:28

Chi junpaat ke'xk'e rib' rub'el xwankil laj Bahal-Pehor ut ke'xtzeka li k'aru mayejanb'il chiruheb' li kamenaqil yos.

Apocalipsis 20:5

Ab'an eb' li kamenaq junch'ol chik ink'a' ke'wakliik chi yo'yo toj sa' roso'jik li jun mil chihab'. A'an a'in li xb'een waklijik chi yo'yo.

San Mateo 2:20

ut kixye re: “Waklin, k'am li k'uula'al rochb'een li xna' ut ayu Israel, xb'aan naq kamenaqeb' chik li xe'raj raj xkamsinkil li k'uula'al”.

Isaías 10:3

K'aru teeb'aanu naq taachalq li raqb'a aatin sa' eeb'een, naq toj chi najt taachalq chaq li raaxiik'? Ani teepatz' wi' eetenq'ankil ut b'ar teekanab' leeb'ihomal?

Salmos 109:13

Che'oso'q ta chi junajwa eb' li ralal xk'ajol; che'sache'q ta li xk'ab'a'eb' sa'eb' li kutan chalkeb' re.

Salmos 9:6

Xaq'useb' li tenamit ut xasach ru li ink'a' useb' xch'ool; xasacheb' xk'ab'a' chi junajwa.

Deuteronomio 4:28

Aran teeloq'oni ruheb' li yos xyiib'ahomeb' li winq rik'in che' ut pek, li ink'a' neke'ilok chi moko neke'ab'ink, ink'a' neke'tzekank ut maak'a' neke'reek'a.

Éxodo 14:30

Sa' li kutan a'an li Qaawa' kixkoleb' laj Israel sa' ruq'eb' laj Ejiipt, ut eb' laj Israel ke'rileb' laj Ejiipt chi kamenaqeb' chik chire li palaw.

Isaías 26:19

Eb' laakamenaq te'wanq xyu'am, te'yo'laaq wi' chik li xb'aqel rismaleb'; te'ajq ruheb' ut te'b'ichanq xb'aan xsahil xch'ooleb' jo'k'ihaleb' li wankeb' sa' pojtz'. Xb'aan naq laak'ajob' a'an jun k'ajob' nalemtz'unk ru, ut li xna'ajeb' li kamenaq taa'alanq.

Salmos 36:12

Ink'a' taxaq tinxyeq'i sa' roq li q'etq'et, chi moko chinrisi sa' linna'aj li ink'a' us xna'leb'.

Salmos 59:5

us ta maak'a' xinmaakob'k wi', ab'anan neke'xseeb'a rib' chi chalk sa' inb'een. Ajsi aawu, waklin chintenq'ankil ut chak'eheb' reetal,

Salmos 135:17

wankeb' xxik, ut ink'a' neke'ab'ink, chi moko na'elk b'ayaq musiq' sa' reheb'.

Eclesiastés 9:5

Li yo'yookeb' neke'xnaw naq te'kamq, a'ut li kamenaqeb' maak'a' neke'xnaw ut maak'a' neke'royb'eni; moko paatz'ajeleb' ta chik.

Isaías 37:19

ke'xk'ati li xyoseb' ut ke'xjuk'i, xb'aan naq moko yoseb' ta ajwi', yal yiib'anb'ileb' b'an rik'in ruq'eb' li winq, a'aneb' che' ut pek.

Li xHu LAJ JOB 7:9

Eb' li neke'kub'eek sa' li muqleb'aal kamenaq chanchaneb' li choql nanume'k ut naha'o'k:

Li xHu LAJ JOB 18:17

Maak'a' chik xpatz'b'al sa' ruuchich'och', maa'ani chik taapatz'oq re li xk'ab'a'.

Li xHu LAJ JOB 24:20

Ink'a' chik taak'oxlaaq xb'aan li xna' chi moko taapatz'manq li xk'ab'a'. Li ink'a' us xna'leb' taamotzo'inq ut taa'oso'q jo' naq nayok'mank jun toon li che'.