Isaías 26:12 - Q'eqchi Bible

¹² At Qaawa', laa'at toohaak'e chi wank sa' tuqtuukilal, xb'aan naq ka'ajwi' laa'at nakatk'ehok naq us too'elq rik'in li nalajqab'aanu.

Li Santil hu

¹² At Ka̱cuaꞌ, la̱at nacatqꞌuehoc ke chi cua̱nc saꞌ tuktu̱quil usilal. Chixjunil li nakaba̱nu, naru nakaba̱nu xban nak la̱at nacattenkꞌan ke chixba̱nunquil.

Isaías 26:12 ပူးပေါင်းရင်းမြစ်များ

Efesios 2:10

Relik chi yaal naq laa'o xb'aanuhomo li Yos, yoob'tesinb'ilo sa' xk'ab'a' li Kristo Jesus, re naq tqab'aanu li chaab'il k'anjel teneb'anb'il sa' qab'een, jo' chanru kixk'uub' li Yos chi junxilaj.

Salmos 57:2

Chawuxtaana wu, at inYos, chawuxtaana wu, xb'aan naq aawik'in namuhenk li waanm; ninkol wib' rub'el laakupuhom toj reetal taanume'q li rahilal.

Salmos 29:11

Li Qaawa' naxk'e xwankilal li xtenamit, li Qaawa' narosob'tesi li xtenamit rik'in tuqtuukilal.

Ezequiel 20:14

Ab'anan, sa' xk'ab'a' linloq'al, ink'a' kinb'aanu, re naq ink'a' taamajewaaq link'ab'a' xb'aaneb' li tenamit ke'ilok we naq kiwisiheb' chaq laj Israel.

Hebreos 13:20

Li Yos aj k'ehol tuqtuukilal, li kiwaklesink re li Jesus sa' xyanqeb' li kamenaq, a' li Qaawa', li xnimal ru aj K'aak'alenel karneer sa' xk'ab'a' xkik'elil li junelik Sumwank,

Jeremías 33:6

K'ehomaq reetal, laa'in tink'e xb'aneb' ut teb'ink'irtasi wi' chik. Tink'e naab'al xsahil xch'ooleb' re naq te'wanq sa' tuqtuukilal chi maak'a'aq chik xiwak.

Deuteronomio 30:6

Li Qaawa' laaYos tixk'e reetalil li Sumwank sa' laach'ool ut sa' xch'ooleb' laawalal aak'ajol, re naq taara li Qaawa' laaYos chi anchal aach'ool ut chi anchal aawaanm ut wanq aayu'am chi junelik.

San Juan 14:27

“Li tuqtuukil usilal ninkanab' eerik'in, lintuqtuukil usilal nink'e eere; ink'a' nink'e eere kama' naxk'e li ruuchich'och'. Misachk eech'ool chi k'oxlak, chi moko chexxiwaq.

Ezequiel 36:25

Texinkirkisi chi chaab'il ha', ut ch'ajob'resinb'il chik texkanaaq; twisi eerik'in chixjunil leemaa'usilal ut texinch'ajob'resi re naq ink'a' chik teeloq'oniheb' li jalanil yos.

Ezequiel 20:22

Ab'anan kinkuy linjosq'il ut ink'a' kinb'aanu sa' xk'ab'a' linloq'al, re naq ink'a' taamajewaaq link'ab'a' xb'aaneb' li tenamit ke'ilok we naq kiwisiheb' chaq laj Israel.

Ezequiel 20:9

Ab'anan ink'a' kinb'aanu sa' xk'ab'a' linloq'al, re naq ink'a' taamajewaaq link'ab'a' xb'aaneb' li tenamit wankeb' wi'. Ut chiruheb' laj Ejiipt kink'utb'esi linwankil rik'in risinkileb' laj Israel sa' li na'ajej a'an.

Isaías 57:10

Xb'aan laak'iila b'eenik xattawaak, ab'an maajun wa xaye: «Ink'a' chik nawaj xb'aanunkil». Nakataw li k'aru naxk'e aakawilal, jo'kan naq ink'a' nach'inank laach'ool.

Salmos 68:28

Li yookeb' chi xik chi uub'ej, a'aneb' laj Benjamín, li xteepal laj Israel jwal kach'in; yookeb' ajwi' chi xik li xjolomileb' laj Judá rochb'eeneb' li xtenamit, ut eb' laj jolominel re Sabulón ut Neftalí.

Salmos 90:17

A' taxaq li rusilal li Qaawa' li qaYos chiwanq qik'in! Chawosob'tesi li qak'anjel! Chak'e naq us too'elq rik'in li k'aru nalajqab'aanu!

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

Isaías 26:3

Kaw xaqxo li xpaab'aaleb', ut laa'at, at Qaawa', nakak'e reheb' li wank sa' tuqtuukilal xb'aan naq k'ojk'o xch'ooleb' aawik'in.

Isaías 27:5

Ab'an wi eb' li xik' neke'ilok re lintenamit te'xpatz' xtenq'ankileb' we, xk'amaqeb' wan rib' sa' usilal wik'in; wik'in tento naq te'xk'am rib' sa' usilal!”.

Isaías 29:23

naq te'ril li ninb'aanu sa' xyanqeb', te'xsantob'resi link'ab'a', te'xch'olob' li xsantilal li xYos laj Jakob ut te'xxiwa ru li xYos laj Israel.

Isaías 32:18

Lintenamit taahilanq sa' tuqtuukilal ut maak'a' taach'i'ch'i'inq reheb' sa'eb' li ochoch wanqeb' wi',

Isaías 57:19

ut tink'eheb' chi b'ichank chi saheb' sa' xch'ool: «Chiwanq tuqtuukilal rik'ineb' li wankeb' chaq chi najt ut cho'q reheb' ajwi' li wankeb' chi nach' -cha'aq li Qaawa'-. Laa'in tink'irtasiheb'».

Números 6:26

A' taxaq li Qaawa' chi'iloq aawe sa' xrahom ut chixk'e aawe li tuqtuukilal».

Salmos 57:3

Ninyaab'a xk'ab'a' li Nimajwal Yos, a' li Yos li numtajenaq usilal nab'aanunk we.