Isaías 26:11 - Q'eqchi Bible

¹¹ At Qaawa', ak teneb'anb'il li tojb'amaak sa' xb'eeneb', ab'anan ink'a' neke'raj xk'eeb'al reetal; ut naq te'ril li xnimal aarahom rik'in laatenamit, te'kanaaq sa' xutaan. A' taxaq li xxamlel laajosq'il chisachoq reheb' li xik' neke'ilok aawe.

Li Santil hu

¹¹ At Ka̱cuaꞌ, nequeꞌxnau nak ta̱qꞌueheb chixtojbal xma̱queb. Abanan incꞌaꞌ nequeꞌraj xqꞌuebal retal. Chicꞌutekꞌ taxak xxuta̱neb nak teꞌxqꞌue retal nak nacaraheb la̱ tenamit. Chanchan cꞌatbil nak teꞌosokꞌ li xicꞌ nequeꞌiloc a̱cue.

Isaías 26:11 ပူးပေါင်းရင်းမြစ်များ

Hebreos 10:27

ka'aj b'an chik li raqb'a aatin xiwajel royb'eninkil ut li xam k'ajo' xtiqwal, yo'oon wank re xsachb'aleb' li ink'a' neke'raj paab'ank.

Miqueas 5:9

At Qaawa', taqsi laawuq' sa' xb'eeneb' li xik' neke'ilok aawe ut sach ruheb' chixjunileb'.

Isaías 5:24

Jo' naq li xam naxk'at li k'im ut na'oso'k li k'ix xb'aan li raq'xam, jo'kan ajwi' naq tex'oso'q laa'ex, jo' li che' xq'aak li xxe' ut li ratz'um xhame'k kama' li pojtz'. Xb'aan naq xetz'eqtaana li xchaq'rab' li Qaawa' ut li raatin li Nimajwal Yos, li xSant laj Israel.

Apocalipsis 19:20

Ab'an li josq' aj xul kichape'k rochb'een li propeet aj b'alaq', a' li kib'aanunk chaq re sachb'ach'oolej chiru li josq' aj xul, ut sa' xk'ab'a' a'an kixb'alaq'iheb' li xk'ulumeb' reetalil li josq' aj xul ut ke'xloq'oni li xjalam u. Eb' li wiib' a'in ke'kute'k chi xkab'ichaleb' chi yo'yo sa' xxamlel li palaw li yo chi k'atk rik'in asuupr.

Apocalipsis 3:9

K'e reetal, wank xkomoneb' li xch'utleb'aal ochoch laj tza li ok we chi xq'axtesinkileb' sa' laawuq', eb' li neke'xye rib' naq a'aneb' aj Judiiy ut maawa'eb', tik'ti' b'an li neke'xye. Laa'in teb'ink'e chi xik chi wiq'laak rub'el laawoq, re naq te'xnaw naq laa'in nakatinra.

1 Pedro 3:16

Ab'anan chex'aatinaq sa' tuulanil ut sa' xyaalal; chaab'ilaq leek'a'uxl re naq li k'aru nekexhob'e'k wi', chik'utuq xxutaaneb' li neke'wech'ok re li xchaab'ilal leeyu'am li wank sa' xk'ab'a' li Kriist.

2 Ts 1:8

rik'in raq'xam, ut taa'eeqajunq sa' xb'eeneb' li ink'a' neke'xnaw ru li Yos, eb' li ink'a' neke'xpaab' li xChaab'il Esil li Qaawa' Jesus.

Hechos 28:27

Xb'aan naq kawujenaq chik xch'ooleb' li tenamit a'in, xe'jipo'k sa' xxikeb' ut xe'xtz'ap xsa' ruheb': mare anchal te'iloq rik'ineb' li ru, te'ab'inq rik'ineb' li xxik, te'xtaw xyaalal sa' xch'ooleb' ut te'xjal xk'a'uxeb', ut laa'in teb'ink'irtasi».

San Mateo 25:41

“Toja' naq tixye ajwi' reheb' li wanqeb' sa' xtz'e uq': «Elenqex chiwu, maa'usilanb'ilex. Ayuqex sa' li xam li ink'a' nachup, kawresinb'il cho'q re laj tza ut eb' laj k'anjel chiru.

Malaquías 4:1

Xyehom li Nimajwal Yos: “Chalk re li xnimal ru Kutan, q'axal tiq ru, jo' li tiqwal xam. Chixjunileb' li q'etq'et ut eb' laj b'aanuhom maa'usilal te'k'atq jo' li k'im; ut te'oso'q chi junwaakaj sa' li Kutan chalk re.

Jeremías 44:28

Ka'ajeb' wi' wiib' oxib' li te'kole'q sa' li raaxiik'; te'elq Ejiipt ut te'sutq'iiq wi' chik Judá. Toja' naq chixjunileb' laj Judá li ke'chalk chi na'ajunk Ejiipt, te'xnaw ani aj aatin xtz'aqlok ru, ma a' li waatin laa'in, malaj li raatineb' a'an.

Jeremías 5:3

At Qaawa', ma ink'a' tab'i' a' li yaal nakasik'? Xarahob'tesiheb', ab'an maak'a' xe'reek'a; xasacheb' ru, ab'an ink'a' xe'raj xtawb'al xyaalal. Xe'xkawub'resi b'an li xch'ooleb' jo' li pek ut ink'a' xe'raj xjalb'al xna'leb'eb'.

Isaías 60:14

Eb' li ralal xk'ajoleb' li xe'rahob'tesink aawe te'chalq chi k'utzk'uuqeb', ut chixjunileb' li xe'majewank aawe tole'xwiq'ib' rib' chawoq ut te'xye aawe: «Xtenamit li Qaawa'», «Sión, xtenamit li xSant laj Israel».

Isaías 44:18

Eb' li poyanam a'an, maak'a' neke'xnaw chi moko neke'xtaw ru. Tz'aptz'o xsa' ruheb' ut maak'a' neke'ril; maak'a' xna'leb'eb' ut ink'a' neke'xtaw ru.

Isaías 44:9

Chixjunileb' laj yiib'ahom xjalam u jalanil yos maak'a' neke'ok wi'; maak'a' rajb'al li xb'aanuhomeb' us ta jwal raaro xb'aaneb'. Eb' li neke'loq'onink reheb' maak'a' neke'ril ut maak'a' neke'xnaw; jo'kan naq te'kanaaq sa' xutaan.

Isaías 18:3

Chejunilex li wankex junsut junrub'el choxa, chex'iloq naq taataqsiiq li eetalil sa' xb'eeneb' li tzuul, chex'ab'inq naq taayaab'asimanq li pur.

Isaías 11:13

Toja' naq eb' laj Efraín ink'a' chik te'xkaqali eb' laj Judá ut eb' laj Judá ink'a' chik te'xrahob'tesi eb' laj Efraín; ink'a' chik xik' te'ril rib' li wiib' chi tenamit a'an.

Salmos 86:17

Chak'e we junaq reetalil laawusilal, re naq eb' li xik' neke'ilok we te'ril ut te'kanaaq sa' xutaan, xb'aan naq laa'at laj tenq'ahom we ut laj k'ojob'anel linch'ool.

Salmos 21:8

Kaw xch'ool li awab'ej aawik'in; xb'aan xnimal rusilal li Nimajwal Yos ink'a' taa'isiiq sa' li xk'anjel.

Salmos 10:12

Waklin, at Qaawa', taqsi laawuq', at inYos! Misachk sa' aach'ool chixjunileb' li neb'a'!

Li xHu LAJ JOB 34:27

xb'aan naq ink'a' xe'raj xpaab'ankil li Qaawa' chi moko xe'xtaaqe li xb'e.

1 Samuel 6:9

K'ehomaq reetal: wi li kareet taaxik sa' xb'ehil Bet-Semes, xna'ajeb' laj Israel, naraj naxye naq li xYos laj Israel xb'aanunk eere li nimla rahilal a'in. Wi ut ink'a', aran tqanaw naq maawa' A'an xrahob'tesink qe, yal xqak'ul b'an sa' iq'”, chankeb'.

Éxodo 9:14

Xb'aan naq anaqwan tintaqla chaq chixjunileb' li rahilal chi junk'eeb'al sa' aab'een, sa' xb'eeneb' laj k'anjel chawu ut laatenamit, re naq taanaw naq maajun wank sa' ruuchich'och' kama' laa'in.

San Lucas 16:23

“Ut sa' li xb'alb'a, naq yo chi xk'ulb'al xnimal li rahilal, kixtaqsi li rilob'aal ut kiril ru laj Abrahán chi najt, ut laj Lázaro wank chi xk'atq.

Salmos 78:63

Li xam kichoyok reheb' li saaj al ut ink'a' chik kiwank sahil ch'oolejil chirixeb' li tuq'ixq.

Isaías 1:31

Li winq jwal kaw rib' kama'aq aj chik li k'im, ut li k'anjel naxb'aanu chanchanaq aj chik li chik'che': chi xkab'ichaleb' te'oso'q sa' xam ut maajun taaruhanq chi chupuk re li xam a'an”.

Isaías 9:7

K'ajo'aq li xwankilal, ut li tuqtuukilal maak'a'aq roso'jik sa' li xk'ojarib'aal laj David ut li x'awab'ejihom: a'an taak'ojob'anq re li xwankil sa' xb'een li tiikilal ut li k'ulub'ej chalen anaqwan ut toj chiruheb' li kutan chaalel. Ut a'in taa'uxmanq sa' xk'ab'a' li xnimal xrahom li Nimajwal Yos!

Isaías 9:18

Xb'aan naq xnumtaak li maa'usilal, jo' li xam naxk'at li k'ix ut li chaqipim; nachoqleek li k'iche' xb'aan ut nab'utz'utz'nak li xsib'el chi elk.

Isaías 9:19

Xb'aan xnimal xjosq'il li Nimajwal Yos x'ok xxamlel li ruuchich'och' ut eb' li poyanam yookeb' chi k'atk jo'eb' li k'im; maajun chik naril xtoq'ob'aal ru li ras riitz'in.

Isaías 10:17

Li Yos, li xsaqenk laj Israel, taachalq jo' li xam ut li Qaawa', li q'axal Sant, taasutq'iiq cho'q raq'xam; yal chiru jun kutan tolxsacheb' li k'ix ut li pim sa' li tenamit.

Isaías 37:32

Xb'aan naq sa' li tenamit Jerusalén wankeb' te'kole'q; toj wankeb' li te'kanaaq sa' li tzuul Sión. Li xnimal xrahom li Nimajwal Yos taab'aanunq re a'an.

Isaías 42:13

Li Qaawa' taa'elq chaq jo' li q'axal kaw rib', tixjap chaq re jo' junaq aj puub'; chi k'ajo' xjosq'il taa'ok chi yalok ut tixq'ax ruheb' li xik' neke'ilok re.

Isaías 59:17

Xk'e li tiikil ch'oolej cho'q koleb' ch'iich', ut li kolb'a ib' cho'q xpunit ch'iich'; xtiqib' rib' rik'in li eeqajunk jo' junaq xjut-aq', ut xk'e li xjosq'il chirix jo' xb'aatal.

Isaías 63:15

At Qaawa', ilon chaq toj sa' choxa ut k'e reetal toj sa' chaq laasantil na'aj nakathilank wi'. B'ar xkoho li xnimal laarahom ut laakawilal? K'a'ut naq ink'a' namayok b'ayaq laawaanm? Ma x'oso'k tab'i' laawuxtaan cho'q qe?

Isaías 66:15

Xb'aan naq li Qaawa' taak'ulunq chaq sa' li xam; jo' li kaqsut-iq' naq te'chalq eb' li xb'eleb'aal ch'iich'. Ut sa' junpaat trisi li xnimal xjosq'il ut taarahob'tesinq jo' naq nasachok li xam.

Isaías 66:24

Ut sa' li relikeb' te'ril naq kamenaqaqeb' chik li winq li xe'xq'etq'eti rib' chiwu. Li xmotzo'ileb' ink'a' te'kamq, chi moko taachupq li xam li nak'atok reheb'. Ut xa'b'eetalaq cho'q reheb' chixjunil li poyanam naq te'ril a'an”.

Miqueas 7:16

Eb' li tenamit junch'ol te'ril a'an, ut us ta q'axal kaweb' rib', te'kanaaq sa' xutaan. Te'memo'q ut te'tz'apxiko'q.

Salmos 28:5

Xb'aan naq ink'a' neke'xk'e sa' xch'ool jo'nimal li kixb'aanu li Qaawa', a'eb' li xninqal ru xb'aanuhom: mikuye'k xmaakeb' ut che'sache'q chi junajwa.

Isaías 10:16

Jo'kan naq li Nimajwal Yos tixkanab'eb' li kaweb' rib' chi maak'a'eb' chik xmetz'ew, ut tixk'e xxamlel li neke'xnimob'resi rib' jo' naq nak'ate'k li chaqi si'.

Isaías 66:5

Ab'ihomaq li naxye li Qaawa', laa'ex li nekexsiksotk ut nekexpaab'ank chiru: “Wankeb' eerech tenamitul xik' nekexrileb' ut nekextz'eqtaanaheb' xb'aan link'ab'a', ut neke'xye: «Xk'utaq xloq'al li Qaawa'; naqaj naq sahaq sa' leech'ool», chankeb'. A'ut eb' a'an xutaanal te'kanaaq.

Miqueas 7:10

Li xik' na'ilok we taaril a'an; taaril ut taakanaaq sa' xutaan. Ut li xyehok we junxil: “B'ar wank li Qaawa' laaYos?”, anaqwan taasaho'q linch'ool chi rilb'al naq taayeq'iiq sa' oqej jo' xsululel li b'e.