Isaías 26:1 - Q'eqchi Bible

¹ Sa' li kutan a'an taab'ichamanq li b'ich a'in sa' xteepal Judá: “Kaw rib' li qatenamit; li Qaawa' xk'ehok re wiib' xtzol li xsuttz'akil re naq tookole'q.

Li Santil hu

¹ Saꞌ eb li cutan aꞌan eb li cristian teꞌxbicha li bich aꞌin saꞌ li naꞌajej Judá: Kꞌaxal cau rib li katenamit. Li Ka̱cuaꞌ, aꞌan li quixakaban re li tzꞌac li sutsu cuiꞌ li tenamit re kacolbal.

Isaías 26:1 ပူးပေါင်းရင်းမြစ်များ

Isaías 60:18

Ink'a' chik taa'ab'iiq resil li rahilal sa' laatenamit chi moko taawanq chik raaxiik' malaj sachok sa' laana'aj, taaye b'an reheb' laasuttz'ak: «Laa'ex linkolb'a ib'», ut laawokeb'aal «Nimaal u» chik tixk'ab'a'in.

Isaías 62:11

K'ehomaq reetal naq li Qaawa' kixpuktesi resil a'in toj sa' xmaril li ruuchich'och': “Yehomaq re li tenamit Sión: Il, we' chaq laj Kolol aawe rochb'een chaq li xkolom, k'amolb'e chaq chiru li xq'ajkamunkileb' li ak xkoleb'”.

Zacarías 2:5

Ab'anan naxye li Qaawa': Laa'in chik li xsuttz'akil; chanchanaqin xam chi xsutam lintenamit, ut linloq'al wanq aran sa' xyanqeb'»”.

Jeremías 33:11

li b'ichank ut li sahil ch'oolejil, li ninq'ehik, li xb'ich li b'eelomej ut li ixaqilb'ej; taa'ab'imanq xyaab' xkuxeb' chixjunileb' li te'chalq chi mayejak re b'anyoxink sa' rochoch li Qaawa', yooqeb' chi xyeeb'al: «Chexyoxinq chiru li Nimajwal Yos xb'aan naq chaab'il li Qaawa', ut li xnimal xrahom wank chi junelik!». Relik chi yaal naq tink'ameb' chaq wi' chik sa' li xna'ajeb' li wankeb' chaq chi preexil, re naq te'wanq wi' chik jo' naq ke'wank chaq xb'enwa”, chan li Qaawa'.

Isaías 25:9

Sa' li kutan a'an taayeemanq: “A'an a'in li qaYos li kaw wi' qach'ool re qakolb'al. A'an a'in li Qaawa' li xoo'oyb'enink wi': qanimaaq xloq'al ut chisaho'q li qach'ool xb'aan naq A'an xkolok qe”.

Salmos 48:12

Sa' li tzuul Sión chiwanq sahil ch'oolejil, che'pisk'oq li tenamit re Judá xb'aan xsahilaleb' xch'ool: k'ajo' naq nakatraqok aatin sa' tiikilal!

Salmos 31:21

Nakamuheelaheb' rub'el laawoq rub'el laawuq', re xjek'b'aleb' rik'ineb' li neke'yoob'ank ch'a'ajkilal; nakamuqeb' sa' laaloq'laj muheb'aal chiruheb' li neke'sachok rik'in ru'uj raq'eb'.

San Mateo 16:18

Ut laa'in ninye aawe: Laa'at aj Pedro ut sa' xb'een li pek a'in tink'ojob' linIklees, ut li xwankil li xb'alb'a ink'a' taanumtaaq sa' xb'een.

Isaías 12:1

Sa' li kutan a'an taaye: “Ninb'anyoxink chawu, at Qaawa', xb'aan naq xatjosq'o'k chiwu, ab'anan xch'anaak laajosq'il ut xak'ojob' wi' chik linch'ool.

Isaías 5:1

Ok we chi b'ichank cho'q re li wamiiw; tinb'icha jun li b'ich sa' xk'ab'a' li rawimq uub'. Li wamiiw wank jun xna'aj li x'uub' sa' jun siir chi chaab'il ch'och'.

Isaías 2:20

Sa' li kutan a'an te'xrumi eb' li jalanil yos chiruheb' li ch'o ut chiruheb' laj tz'uum xik', a'eb' li yos xe'xyiib' rik'in oor ut plaat re xloq'oninkileb' ru.

Isaías 2:11

Taawulaq xkutankil naq eb' li neke'xnima rib' te'xkub'si li rilob'aal ut eb' li q'etq'et te'kub'siiq xwankil. Toja' naq ka'aj chik li Qaawa' taanimaaq ru.

Esdras 3:11

Ke'xterq'usi xk'ab'a' li Qaawa' ut ke'yoxink chiru; wankeb' ke'b'ichank ut wankeb' ke'xsume chi kama'in: “Xb'aan naq A'an jwal chaab'il, li xrahom wank chi junelik rik'ineb' laj Israel”. Ut chixjunil li tenamit chajchookeb' re chi xnimankil ru li Qaawa', xb'aan naq li Loq'laj Ochoch ak wank chik li rub'elankil.

Números 21:17

Toja' naq eb' laj Israel ke'xb'icha li b'ich a'in: “Yo'lan, at ha'. B'ichahomaq ru li xjulel li ha'.

Isaías 4:2

Sa' li kutan a'an li xTuxm li Qaawa' a'anaq li xloq'al ut li xsahil ruheb' laj Israel li te'kole'q; ut li Ru li ch'och' a'anaq li xwankilal ut li xnimal xloq'aleb'.

Isaías 14:31

Japomaq eere chi yaab'ak, ex tenamit aj Filistea, chexxiwaq chejunilex li wankex aran, xb'aan naq sa' xjayal chaq releb'l iq' yookeb' chi chalk k'iila o'q'ob' chi aj puub' kama' li sib', ut maajun nach'inank xch'ool sa' xyanqeb'.

Isaías 31:5

Tixmuheela li tenamit Jerusalén jo' naxb'aanu li xik'anel xul naq naxkupu li xsuk: tixmuheela ut tixkol, taanume'q sa' xb'een ut tixkanab' chi ach'ab'anb'il”.

Isaías 31:9

Taa'eleliq ajwi' li xyoseb' chi k'ajo'aq xxiw, ut eb' laj jolominel te'sachq xch'ool ut te'xkanab' li yalok. A'an a'in raatin li Qaawa' li wank xxam ak kawresinb'il aran Jerusalén re xrahob'tesinkileb' li xik' neke'ilok re.

Isaías 33:5

Li Qaawa' q'axal nim xwankil xb'aan naq sa' choxa wank; xnujob'resi Sión rik'in li tiikilal ut li k'ulub'ej,

Isaías 33:6

ut junelik nak'ehok chi wank sa' sahilal. Li choxahil na'leb' ut li chaab'il k'a'uxl a'an tz'aqal li sahil eechej nakolok; li roxloq'inkil ru li Qaawa' a'anaq laab'ihomal.

Isaías 56:5

laa'in wank k'aru jwal loq' tink'e reheb' jo' ruuchil li ralal xk'ajoleb': sa' li wochoch, chiruheb' lintz'ak, tink'e naq tz'iib'anb'ilaq li xk'ab'a'eb'; patz'b'ilaqeb' chi junelik ut maajoq'e chik te'sache'q xloq'al.

Isaías 62:10

Ex aj Jerusalén, elenqex, numenqex sa' li okeb'aal! Tehomaq li b'e chiru lintenamit. Tuqub'omaq, tuqub'omaq chi chaab'il li nimb'e ut isihomaqeb' li pek. Taqsihomaq leereetalil re naq taa'ile'q xb'aaneb' li tenamit.

Ezequiel 40:5

Li rochoch li Yos sutsu chi tz'ak. Li b'isleb' li wank sa' ruq' li winq, a'an wiib' moqoj li roq. Ut naq kixb'is li suttz'ak, a'an wiib' moqoj li xnimal ru ut wiib' moqoj li xteram.

Salmos 48:4

Li Yos nak'aak'alenk sa'eb' li rochoch ut xk'utb'esi rib' tz'aqal cho'q saqoonak.

Zacarías 2:9

Jo'kan naq ok we chi xtaqsinkil li wuq' sa' xb'eeneb', ut te'sache'q ru xb'aaneb' li xe'wank rub'el xwankileb'. Aran teenaw naq li Nimajwal Yos xtaqlank chaq we.