Isaías 25:2 - Q'eqchi Bible

² Xakok'putz'i li tenamit, ut eb' li kawub'resinb'il na'ajej po'lem xakanab'. Xajuk' li rochocheb' li xik' neke'ilok qe ut maahoon wulaj chik taakab'laaq.

Li Santil hu

² Xasacheb ru li xni̱nkal tenamit ut xajuqꞌueb li tzꞌac li sutsu cuiꞌ li nequeꞌxcol cuiꞌ rib li cuanqueb aran. Xapoꞌ chi junaj cua eb li palacio li queꞌxyi̱b li xicꞌ nequeꞌiloc ke. Ut ma̱ jokꞌe chic ta̱ru̱k xyi̱banquileb.

Isaías 25:2 ပူးပေါင်းရင်းမြစ်များ

Isaías 17:1

Xyehom li Qaawa' chirix Damaask: “Damaask moko tenamitaq ta chik, xb'aan naq tkanaaq chi tub'tuukil pek.

Isaías 13:22

Eb' li sakol jaapaq reheb' sa'eb' li ochoch najteb' xteram, ut eb' li ch'ina'usil kab'l wanqeb' laj xojb' chisa'. Li xhonalil li xsachik Babilonia ak xnach'ok chaq, yal ajlanb'il kutan aj chik taa'oso'q wi' li tenamit”.

Isaías 25:12

Tixjuk'eb' li kawub'resinb'il ochoch ut eb' li tz'ak najt xteram; tixt'aneb' ut t'ant'o te'kanaaq chiru ch'och'.

Apocalipsis 18:19

Ke'xk'e pojtz' sa' xjolomeb', te'yaab'aq ut te'xten re xch'ooleb' naq ke'xjap re chi xyeeb'al: “Toq'ob' ru, toq'ob' ru li Nimla Tenamit! Chixjunileb' li wankeb' xjukub' sa' li palaw xe'b'ihomo'k rik'in li xnimal b'ihomal, ut anaqwan, yal chiru jun k'amok, xkanaak chi nakirnak!”.

Jeremías 51:26

Maajun xpekul laapo'lemil taaxokmanq re xk'ojob'ankil rub'elankil junaq ochoch chi moko re kab'lak, xb'aan naq nakirirnak tatkanaaq chi junwaakaj -chan li Qaawa'-.

Isaías 23:13

Ilomaq chanru xkanaak Kaldeha: moko tenamit ta chik; eb' laj Asiria xe'q'axtesink re li na'ajej a'an reheb' li josq' aj xul. Xe'yiib'ank ochoch najteb' xteram re ok sa' li tenamit; xe'xjuk'i eb' li kawub'resinb'il ochoch ut po'lem chik xkanaak chixjunil.

Isaías 21:9

We' chaq jun li b'eleb'aal ch'iich' kelonb'il chaq xb'aan jun sumal chi kawaay”, chan. Toja' naq jun chik li winq kixye: “X'oso'k, x'oso'k li tenamit Babilonia. Ut chixjunileb' li xjalam u li xyoseb' xlaje'puk'iik chiru ch'och'”, chan.

Isaías 14:23

Tinsutq'isi li tenamit a'an cho'q xna'ajeb' li warom ut saab' ha'. Ut chanchan mesunb'il tinkanab' li na'ajej naq tinsach ru”, chan li Nimajwal Yos.

Deuteronomio 13:16

Taatuub' chixjunil li k'aru xawisi aran sa' xyi li k'ayib'aal ut taak'e xxamlel li tenamit rochb'een jo'ch'inal jo'nimal x'isiik aran. Ut taab'aanu chixjunil a'in sa' xk'ab'a' li Qaawa' laaYos. Li tenamit a'an taakanaaq chi junelik cho'q po'lem ut moko taakab'lamanq ta chik.

Isaías 17:3

Taajuk'manq xwankil laj Efraín, ut li x'awab'ejihom Damaask taa'oso'q; eb' laj Siria li te'kole'q, maak'a'aqeb' chik xloq'al jo'keb' laj Israel -chan li Nimajwal Yos-.

Li xHu LAJ JOB 12:14

Wi A'an najuk'uk, ink'a' chik naru xkab'lankil; wi junaq nachape'k xb'aan li Yos, maa'ani chik naru taa'ach'ab'anq re.

Isaías 23:11

Li Qaawa' xye' li ruq' sa' xb'een li palaw, xjuk' xwankileb' li awab'ej ut xk'e chi sache'k eb' li kawub'resinb'il ochoch re Kanahán.

Isaías 26:5

Li Qaawa' xkub'si xwankileb' li q'etq'et; xt'an li tenamit q'axal kaw rib', xjuk' ut xkub'si chaq chi ch'och'el,

Isaías 27:10

Li kawub'resinb'il tenamit xkanaak chi po'lemil, ut nakirirnak aj chik kama' li chaqich'och' b'arwi' eb' li wakax neke'ichajib'k ut neke'hilank chi xwa'b'al li xxaq li che'.

Isaías 32:14

Pojpo taakanaaq li rochochil li awab'ej ut maajun chik wanq sa' li tenamit; eb' li kawub'resinb'il kab'l li najt xterameb' te'kanaaq chi po'lemil chi junajwa: aran te'wanq chi ichajib'k eb' li k'iche'il b'uur ut eb' li wakax chi saheb' sa' xch'ool.

Isaías 32:19

us ta sajb'ilaqeb' li k'iche' ut juk'b'ilaq li tenamit.

Isaías 34:13

Pajl taak'iiq sa'eb' li xchaq'alil ru ochoch re Edom; warak'ix ut k'aamla te'yo'laaq sa'eb' li kawub'resinb'il ochoch. A'anaq chik xna'ajeb' laj xojb' ut rochocheb' laj tak' ra'.

Isaías 37:26

Ma xawab'i chi us? Ak ink'uub'ahom chaq a'in chalen junxil; chalen chaq q'e kutan inkawresihom chaq, ut anaqwan yookin chi xb'aanunkil. Jo'kan naq laa'at xatsachok ruheb' li tenamit ut po'lem xakanab'eb' li kaw sutinb'ileb' chi tz'ak.

Jeremías 9:11

“Jun tuub' chi pek tinsutq'isi wi' Jerusalén, cho'q xna'ajeb' laj xojb'; nakirirnak tinkanab' chixjunileb' li tenamit sa' xteepal Judá ut maajun chik taakanaaq chisa'”.

Isaías 13:20

Maajoq'e chik toxtenamito'q a'an, maajun chik tixtaw xch'ool kanaak aran. Ink'a' chik toxe'hilanq eb' laj Arabia sa' li na'ajej a'an, chi moko eb' laj ilol ketomq te'xk'eheb' li xkarneer chi ichajib'k aran.

Isaías 13:21

A'eb' chik li josq' aj xul te'wanq aran, ut eb' li warom te'xch'ik rib' sa'eb' li ochoch; aran ajwi' wanqeb' laj tak' ra' ut te'pisk'oqje'q eb' li yuk.

Isaías 24:10

Xjuk'mank li tenamit ut xkanaak chi po'lemil, saq tz'apink aj chik eb' li ochoch ut maajun chik naru chi ok chisa'.