Isaías 24:8 - Q'eqchi Bible

⁸ Ink'a' chik neke'eek'ank eb' li wajb', ink'a' chik na'ab'iik xyaab' li aarp ut xraqe'k li xsahil xch'ooleb' li neke'ninq'ehik.

Li Santil hu

⁸ Incꞌaꞌ chic na-abi̱c xya̱b li cuajb ut li tambor. Ut incꞌaꞌ chic na-abi̱c li choki̱nc li nequeꞌxba̱nu li tenamit nak sa saꞌ xchꞌo̱leb.

Isaías 24:8 ပူးပေါင်းရင်းမြစ်များ

Oseas 2:11

Tinsach chixjunil li nasaho'k wi' xch'ool, a' li utz'uk, li xninq'ehinkil li xtiklajik li po, li hilob'aal kutan jo'wi' chixjunileb' li ninq'e.

Apocalipsis 18:22

Ut li xyaab'eb' laj aarp, laj b'ichanel, laj xolb' ut laj tronpeet ink'a' chik taa'ab'iiq aawik'in; maajun chik aj pak'ol k'a'aq re ru taatawmanq wankat wi'; li xyaab' li sursuukil ke'leb' pek ink'a' chik taa'ab'iiq aawik'in.

Ezequiel 26:13

Chi jo'kan tinraq li xsahil laach'ool ut ink'a' chik taa'ab'imanq xyaab' laa'aarp.

Jeremías 7:34

Tinsach li sahil ch'oolejil sa'eb' li tenamit re Judá ut sa'eb' li b'e re Jerusalén; ink'a' chik taa'ab'iiq li b'ichank na'uxk sa' xkutankil li sumlaak. Xb'aan naq nakirirnak taakanaaq chixjunil li na'ajej”.

Jeremías 25:10

Ink'a' chik taa'ab'imanq li ninq'ehik sa' xyanqeb', chi moko li sahil ch'oolejil ut li b'ichank re li sumlaak; ink'a' chik taa'ab'iiq xyaab' li ke'leb' ut maak'a'aq chik li xsaqenkil li xam.

Jeremías 16:9

Xb'aan naq jo'ka'in ninye laa'in, li Nimajwal Yos, li xYos laj Israel: tinsach chixjunil li sahil ch'oolejil sa' li tenamit a'in chiru leeyu'am; maak'a'aq chik ninq'ehik ut b'ichank sa' li sumlaak. Laa'ex teeril rik'in leeru.

Isaías 5:12

Junes aarp, kitaar, tzojtzoj, xolb' ut b'iin nawank junelik sa' li xninq'eheb'; ab'anan ink'a' neke'ril li xb'aanuhom li Qaawa', chi moko neke'xk'e reetal li xk'anjel li Yos.

Li xHu LAJ JOB 30:31

Lin'aarp xsutq'iik chi k'anjelob'aal re li rahil ch'oolej, ut sa' linxolb' junes xyaab' li tz'uyink na'elk chaq.

Salmos 137:2

naq t'uyt'uukeb' chaq li qa'aarp sa' ruq'eb' li che' chire li ha'.

Isaías 5:14

Jo'kan naq li xna'ajeb' li kamenaq yo chi nimank: kama' junaq josq' aj xul, teeto li re chi xnuq'b'aleb' li poyanam jo'wi' li xjolomileb', a'eb' li sa neke'ninq'ehik.

Isaías 16:10

Ink'a' chik taawanq li sahil ch'oolejil ut li b'ichank sa' xna'ajeb' li awimq; maak'a'aq chik li japok e xb'aan li ninq'ehik. Ink'a' chik taayatz'e'q li uub' re naq wanq b'iin ut maajun chik b'ich taa'ab'imanq aran.

Lamentaciones 5:14

Eb' li ak cheekeb' ink'a' chik neke'k'ojlaak sa' rokeb'aal li tenamit, ut eb' li saaj al ink'a' chik neke'b'ichank.

Ezequiel 28:13

Aran Edén, sa' li xna'aj rawimq li Yos, katwank. Uutz'u'ujinb'il laab'aatal rik'in k'iila paay chi pek, jo' li rubí, li topasio, li jaspe, li lemtz'il q'ol, li krisólito, li ónise, li safiro, li malakita ut li esmeralda. Yiib'anb'il laaka'xik ut li xsahob' ru laawaq' rik'in oor, k'uub'anb'il chalen chaq sa' xkutankil laayo'lajik.

Li xHu LAJ JOB 3:7

Maajun taxaq chik chiyo'laaq chiru li q'oqyink a'an chi moko chi'ab'iiq aran xyaab' li sahil ch'oolej!

Amós 6:7

Jo'kan naq anaqwan texchape'q ut texk'ame'q sa' najtil tenamit, k'amolb'ehaqex chiruheb' li te'xik chi preexil, ut aran taaraqe'q li ninq'ehik, ex aj q'em.