Isaías 24:5 - Q'eqchi Bible

⁵ Xmuxe'k ru li ch'och' xb'aaneb' li poyanam, xb'aan naq ink'a' xe'xpaab' li chaq'rab', xe'xq'et b'an raatin li Qaawa' ut xe'xsach xwankil li loq'laj Sumwank.

Li Santil hu

⁵ Eb li cristian queꞌxmux ru li ruchichꞌochꞌ xban nak queꞌxkꞌet lix chakꞌrab li Dios. Queꞌxkꞌet li contrato li xakxo xcuanquil chi junelic.

Isaías 24:5 ပူးပေါင်းရင်းမြစ်များ

Hebreos 13:20

Li Yos aj k'ehol tuqtuukilal, li kiwaklesink re li Jesus sa' xyanqeb' li kamenaq, a' li Qaawa', li xnimal ru aj K'aak'alenel karneer sa' xk'ab'a' xkik'elil li junelik Sumwank,

Hebreos 9:1

Jo'kan ajwi' li xb'een Sumwank kiwank xchaq'rab'il ut naxye chanru naq naloq'imank li Yos; kiwank ajwi' jun ruuchich'och'il muheb'aal.

Daniel 7:25

tixmajewa li Nimajwal Yos ut tixrahob'tesiheb' li sik'b'ileb' ru xb'aan li Qaawa'. Tixyal xjalb'al li Chaq'rab' jo' ajwi' li xkutankileb' li ninq'e, ut li xtenamit li Yos te'wanq rub'el xwankil chiru wan xka chihab'.

San Lucas 1:6

Tiikeb' xch'ool chi xkab'ichaleb' chiru li Yos, ut maak'a' xq'usb'aleb' sa' chixjunil li xchaq'rab' ut xtaqlahom li Qaawa'.

Miqueas 2:10

Xaqlinqex ut ayuqex! Li na'ajej a'in maawa' re hilank: xb'aan li maa'usilal x'uxmank arin, taasachmanq chi junajwa.

Daniel 9:10

ut ink'a' xqaj rab'inkil laawaatin chi moko xqapaab' li chaq'rab' yeeb'il chaq qe xb'aaneb' li propeet, laj k'anjeleb' chawu.

Ezequiel 20:24

Xb'aan naq toj naxik xch'ooleb' chirixeb' li xjalanil yoseb' li xna' xyuwa'eb'; jo'kan naq ke'xtz'eqtaana linchaq'rab', ink'a' ke'xpaab' li waatin ut ke'xsach xwankil linhilob'aal kutan.

Ezequiel 20:13

Ab'anan eb' laj Israel ke'xq'etq'eti rib' chiwu sa' li chaqich'och' ut ink'a' ke'xpaab' linchaq'rab'; ke'xtz'eqtaana li waatin li nak'ehok xyu'am li ani napaab'ank re, ut ke'xsach xwankil linhilob'aal kutan. Toja' naq kink'oxla risinkil linjosq'il sa' xb'eeneb' ut xkamsinkileb' aran sa' li chaqich'och'.

Jeremías 50:5

Te'xpatz' xb'ehil li tenamit Sión ut aran te'xik: «Kimqex, qak'amaq qib' sa' usilal rik'in li Qaawa' ut qak'ojob'aq jun sumwank li maajoq'e taasachq sa' qach'ool», cha'qeb'.

Isaías 50:1

Jo'ka'in kixye li Qaawa': “Ma wank b'araq li xhuhil li jachok ib', reetalil naq xintz'eqtaana leena'? Malaj xexink'ayi ta laa'ex, re xtojb'al link'as? K'ehomaq reetal naq laa'ex xexk'ayiik xb'aan leemaak; xb'aan ajwi' leeq'etb'a aatin xtz'eqtaanaak leena'.

Isaías 10:6

Nintaqla chi xsachb'al jun tenamit yib'ru xna'leb', jun tenamit li yo wi' injosq'il, re tixmaq' ut tixxok li xb'ihomaleb', ut tixyeq'iheb' sa' roq jo'eb' li xseb'ul li b'e.

Salmos 105:10

A'an ajwi' kik'ehe'k jo' chaq'rab' re laj Jakob, kixaqab'aak jo' junelik Sumwank cho'q re laj Israel,

Salmos 55:5

Makach'in naq nayot'e'k li waanm, ninsiksotk kama' tawi' yookin chi kamk;

2 Crónicas 33:9

Laj Manasés kixk'am xb'eheb' laj Judá ut eb' laj Jerusalén chi xb'aanunkil li maa'usilal, ut q'axal yib' wi' chik ru ke'xb'aanu chiru li ke'xb'aanu eb' li tenamit ke'sache'k ru xb'aan li Qaawa' chiruheb' laj Israel.

2 Samuel 23:5

Kaw xaqxo linjunkab'al chiru linYos, xb'aan naq li Qaawa' xb'aanu wik'in jun sumwank chi junelik, tustu ru ut xaqxo xwankil. A'an nak'ehok we chi q'axok u chi junelik, a'an naxk'e chi tz'aqlok ru chixjunil li wajom.

Josué 24:25

Sa' li kutan a'an laj Josué kixk'ojob' jun li sumwank rik'in li tenamit; kixchaq'rab'iheb' ut kixk'e xtaqlankileb' aran Sikem.

Deuteronomio 32:20

ut kixye: “Tinmuq li wu chiruheb' re rilb'al k'aru te'kanaaq wi'. Relik chi yaal naq a'aneb' jun li tenamit yib'ru xna'leb'eb', walal ink'ajoleb' q'axal eeteb'.

Deuteronomio 32:15

“Ke'tzekank chi us eb' laj Israel; ke'nimank xtib'el laj Yesurún ut ke'xq'etq'eti rib'; ke'nimank li xsa'eb', ke'xb'olob' rib' ut ke'xkanab' li Yos, a' laj Yoob'tesinel reheb'. Ke'xtz'eqtaana li Saqoonak, laj Kolol reheb'.

Levítico 20:22

“Paab'omaq chixjunil linchaq'rab' ut lintaqlahom, ut k'anjelahomaq ru chixjunil. Chi jo'kan ink'a' tex'isiiq sa' li na'ajej li texink'am wi' laa'in.

Daniel 9:5

Xoomaakob'k, ink'a' us xoowank ut xqab'aanu li maa'usilal. Xqaq'etq'eti qib' chawu naq xqatz'eq chirix li qach'ool laachaq'rab' ut laataqlahom.

Ezequiel 37:26

Tink'ojob' jun li sumwank rik'ineb' re naq te'wanq sa' tuqtuukilal ut sa' sahilal chi junajwa. Tink'eheb' chi wank sa' li xna'ajeb', tink'ihob'resiheb' ut aran tink'ojob' linsantil ochoch chi junwaakaj.

Isaías 9:17

Jo'kan naq li Qaawa' ink'a' tixtoq'ob'a ruheb' li saaj al, ink'a' taaruxtaana ruheb' li neb'a'yox ut eb' li xmalka'an, xb'aan naq chixjunileb' ink'a' useb' xna'leb' ut reemaaruheb', ut junes tz'i' aj aatin neke'xye. Ab'an ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Isaías 30:9

Xb'aan naq li tenamit a'in jwal kaweb' li xjolom ut aj ka'pak'al uheb', ink'a' neke'raj rab'inkil li xchaq'rab' li Qaawa'.

Isaías 33:8

Neke'kirirnak aj chik li b'e ut maajun chik nanume'k aran. Xe'xsach xwankil li sumwank ut xe'xq'et li aatin xe'xye; maajun chik na'oxloq'ink li ras riitz'in.

Ezequiel 16:59

«Laa'in, li Qaawa', ninye chi jo'ka'in: Tinb'aanu aawe li xab'aanu laa'at: kaq'et linsumwank ut katz'eqtaana li jurament.

Levítico 26:35

Jo' najtil taawanq li ch'och' chi yamyo, tixyal xsahil li hilank cho'q reeqaj chixjunileb' li sábado li tento raj xhilank naq xexwank aran laa'ex.

Josué 23:16

“Wi teeq'et li Sumwank li kixb'aanu li Qaawa' leeYos eerik'in, wi teeloq'oni ruheb' li jalanil yos ut teehupub' eerib' chiruheb', li xjosq'il li Qaawa' taachalq sa' eeb'een ut tex'oso'q sa' junpaat sa' li xchaq'alil ru ch'och' a'in li xk'ehom eere li Qaawa'”.

2 Reyes 21:12

Jo'kan naq li Qaawa', xYos laj Israel, naxye chi jo'ka'in: «Nimla rahilal li tintaqla sa' xb'eeneb' laj Israel ut eb' laj Judá, toj reetal taaraho'q sa' xxikeb' li te'ab'inq re.

2 Reyes 21:15

xb'aan naq ke'xb'aanu li ink'a' nawulak chiwu ut ke'xchiq' injosq'il chalen naq ke'elk chaq Ejiipt eb' li xxe'toonil yuwa'eb' toj anaqwan»”.

Jeremías 11:10

Xe'ok chi xb'aanunkil li maa'usilal jo' ke'xb'aanu chaq eb' li xna' xyuwa'eb', li ink'a' ke'ab'ink chiwu ut koheb' chirixeb' li jalanil yos re k'anjelak chiruheb'. Eb' li ralal xk'ajoleb' laj Israel ut eb' laj Judá ke'xmux xwankil li Sumwank kink'ojob' rik'ineb' li xxe'toonil yuwa'eb'.

Oseas 6:7

“Ab'anan jo' kixb'aanu laj Adán, jo'kan ajwi' naq kixb'aanu lintenamit: kixq'et linsumwank ut ink'a' kinxpaab'.