Isaías 24:18 - Q'eqchi Bible

¹⁸ Li ani ink'a' taakamq xb'aan li xxiw toxt'ane'q sa' li jul; ut li taa'elq chaq sa' li jul toxt'ane'q sa' li ra'al. Taateeq'uuq li choxa ut taachalq chaq li b'ut'iha', ut te'chiq'chiq'iiq eb' li roqechal li ruuchich'och'.

Li Santil hu

¹⁸ Nabal li raylal ta̱cha̱lk saꞌ e̱be̱n. Chanchan nak nachal li cacuil hab ut li ruchichꞌochꞌ ta̱ecꞌa̱nk saꞌ xnaꞌaj. Li ani nae̱lelic chiru li raꞌal ta̱chapekꞌ xban jun chic li raꞌal. Li ani tixcol rib chiru li raylal ta̱tꞌanekꞌ saꞌ jun chic li raylal.

Isaías 24:18 ပူးပေါင်းရင်းမြစ်များ

Salmos 18:7

Sa' linrahilal xinyaab'a xk'ab'a' li Qaawa', xintz'aamank, xin'elajink chiru linYos, ut A'an toj sa' li xloq'laj na'aj xinrab'i: lix yaab' inkux xwulak toj rik'in.

Génesis 7:11

Lajeek'aal xkab' o'q'ob' (600) chihab' wank re laj Noé naq kik'ulmank a'an: sa' li wuqlaju xb'e li xkab' po ke'puk'je'k chaq li ha' li wankeb' taq'a jo' ajwi' li wankeb' taqe'q.

Amós 5:19

Chiru li kutan a'an chanchanaqex li winq na'elelik chiru li kaqkoj ut nokoxch'ik rib' sa' re jalan chik josq' aj xul; malaj naq junaq yo chi ok sa' rochoch, naxk'e li ruq' chiru li tz'ak, ut natiwe'k chik xb'aan li k'anti'.

Salmos 18:15

Xkutihatq chaq li xsimaj ut xyoolesiheb'; rik'in xk'atom li raq'kaaq xsacheb' xwankil.

Li xHu LAJ JOB 20:24

Wi taakole'q chiru li ch'iich', q'anch'iich' chik taapaynumiiq wi'.

2 Reyes 7:2

Kichaq'ok laj tenq' re li awab'ej: “Us ta raj li Qaawa' tixte chaq xb'entaanil li choxa, maajaruj taak'ulmanq li yookat chi xyeeb'al”, chan re li xtaql li Yos. Ab'an laj Eliseo kixye: “Relik chi yaal naq taawil rik'ineb' xsa' laawu, ab'an ink'a' taatzeka a'an”.

Génesis 19:24

Toja' naq li Qaawa' kixtaqla chaq asuupr ut xam sa' xb'een Sodoom ut Gomoor

Eclesiastés 9:12

Jo'wi' anchal, ink'a' naqanaw jo'q'e tqak'ul junaq ch'a'ajkilal. Jo'keb' li kar chapb'ileb' sa' yooy ut eb' li xik'anel xul chapb'ileb' sa' ch'imb', jo'kan ajwi' naqak'ul laa'o: chi maak'a'aq sa' qach'ool, taachalq sa' qab'een chi junpaat li ink'a' usil honal.

Isaías 2:19

Naq tol'elq li Qaawa' ut tolxrahob'tesi li ruuchich'och', eb' li poyanam te'xch'ik rib' sa'eb' li ochoch pek ut sa'eb' li siwan, re xkolb'al rib' chiru li xjosq'il li Qaawa' jo'wi' chiru li xlemtz'unkil li xloq'al, naq tolreek'asi li ch'och' sa' xna'aj.

Isaías 2:21

Eb' li poyanam te'xch'ik rib' sa'eb' li ochoch pek ut sa' xyanqeb' li saqoonak, re naq te'kole'q chiru li xjosq'il li Qaawa' jo'wi' chiru li xlemtz'unkil li xloq'al, naq tolreek'asi li ch'och' sa' xna'aj.

Isaías 8:14

A'anaq li santil na'ajej, li pek te'tichk'oq wi' eb' li tenamit ut luktesib'aal ch'oolej cho'q reheb' laj Israel ut eb' laj Judá; kama'aq jun li kanleb' ut ra'al cho'q reheb' li wankeb' Jerusalén.

Isaías 13:13

Toja' naq li choxa taa'eek'anq sa' xna'aj ut li ruuchich'och' taahich'hich'iiq li rub'elankil xb'aan xxamlel linjosq'il sa' li kutan a'an.

Isaías 42:22

A'ut li tenamit a'in xe'elq'aak ut xe'maq'je'k li k'aru wankeb' re, ut anaqwan tz'aptz'ookeb' chixjunileb' sa' tz'alam malaj sa'eb' li ochoch pek. Neke'maq'mank li k'a'aq re ru reheb' ut maajun nakolok reheb'; neke'elq'aje'k ut maajun nayehok: «Q'ajsihomaq chaq»”.

Jeremías 48:43

Ex aj Mohab, xiwxiw wanqex xb'aan naq texchape'q sa' junaq jul malaj ra'al -chan li Qaawa'-.

Jeremías 48:44

Li ani taa'eleliq chiru laj yo, toxt'ane'q sa' li jul; ut li taa'elq chaq sa' li jul, toxt'ane'q sa' li ra'al, xb'aan naq tink'e Mohab sa' tojb'amaak naq taawulaq xkutankil li rahilal -chan li Qaawa'-.

Lamentaciones 3:47

X'ok qaxiw, nokoosiksotk, xjuk'e'k li qawankil ut xoosache'k: a'an a'in li k'aru xootz'aqk.

Ezequiel 11:8

Laa'ex nekexiwa li kamk chi ch'iich', ut a'an li tink'am chaq sa' eeb'een, chan li Qaawa'.

Ezequiel 12:13

Laa'in tinkut link'aam sa' xb'een ut tinchap; tink'e chi k'ame'k Babilonia, xtenamiteb' laj Kaldeha, ab'an moko taaril ta li na'ajej a'an, ut aran taakamq.

Ezequiel 15:7

Teb'ink'e chi xtojb'aleb' li xmaak. Xe'kole'k junsut chiru li xam, ab'anan xam ajwi' taasachoq reheb'. Ut naq yooqin chi xrahob'tesinkileb', laa'ex teenaw naq laa'in li Qaawa'.

Salmos 18:8

Toja' naq xchiq'chiq'iik li ruuchich'och' ut xwank li hiik, xlaje'eek'asiik li tzuul toj sa' xchamal xna'aj: a' li Yos x'eek'asink reheb' sa' li xjosq'il.

Amós 5:18

Ra teek'ul laa'ex li nekeroyb'eni li xKutankil li Qaawa'. Ma nekenaw xyaalal chanru li kutan a'an? A'an jun aak'ab', ut maawa' kutan.