Isaías 24:10 - Q'eqchi Bible

¹⁰ Xjuk'mank li tenamit ut xkanaak chi po'lemil, saq tz'apink aj chik eb' li ochoch ut maajun chik naru chi ok chisa'.

Li Santil hu

¹⁰ Poꞌbil chic chixjunil li tenamit. Ut tzꞌaptzꞌo li rochocheb. Ma̱ ani chic naru nequeꞌoc riqꞌuineb.

Isaías 24:10 ပူးပေါင်းရင်းမြစ်များ

Apocalipsis 18:2

Kixjap re chi kaw xyaab' xkux: “Xt'ane'k, ak xt'ane'k li nimla tenamit Babilonia. Xkanaak cho'q xna'ajeb' li maa'us, cho'q xtz'alam chixjunileb' li tz'ajn aj musiq'ej, xtz'alameb' chixjunil li xik'anel xul tz'ajeb' ru ut tz'eqb'eetaleb'.

San Lucas 21:24

Te'kamsiiq rik'in q'esnal ch'iich', te'k'ame'q chi preexil sa'atqeb' li tenamit, ut Jerusalén taayeq'imanq xb'aaneb' li maawa'eb' aj Judiiy toj reetal taatz'aqloq ru li xq'ehil eb' a'an.

San Lucas 19:43

Xb'aan naq chalkeb' re li kutan sa' aab'een naq tate'xtz'ap eb' li xik' neke'ilok aawe, tate'xsut ut tate'xpitz'i yalaq b'ar aacha'al;

Miqueas 3:12

Jo'kan utan, eemaak laa'ex naq Sión kama'aq chik li k'aleb'aal re awk, ut Jerusalén taakanaaq cho'q po'lem, ut taak'iche'o'q li xna'aj li rochoch li Yos.

Miqueas 2:13

K'amolb'ehaq li Qaawa' chiruheb', ut eb' a'an te'xik chirix ut te'nume'q sa' rokeb'aal li tenamit. Li Qaawa' a'an li x'awab'ejeb' ut taaxik chi uub'ej: aj k'amolb'ehaq chiruheb' chixjunil.

Jeremías 52:7

Toja' naq ke'xhop li suttz'ak ut, us ta sutsu chi us li tenamit xb'aaneb' laj Kaldeha, ki'elelik li awab'ej chiru li q'oqyink rochb'een chixjunileb' laj puub'. Ke'elk sa' xyanqeb' li xsuttz'akil li tenamit, koheb' sa' li xna'aj rawimq li awab'ej ut ke'xchap xb'e re xik Arabá.

Jeremías 39:8

Eb' laj Kaldeha ke'xk'at li rochoch li awab'ej jo' ajwi' li rochocheb' li poyanam, ut ke'xjuk' li xsuttz'akil Jerusalén;

Jeremías 39:4

Naq laj Sedesías, li awab'ej re Judá, ut chixjunileb' laj puub' ke'ril li yo chi k'ulmank, ke'elelik chiru q'oqyink sa' li tenamit, sa' xb'ehil li rawimq li awab'ej; ke'nume'k sa' xyanqeb' li suttz'ak ut ke'xchap xb'e re xik Arabá.

Isaías 34:11

Aran te'xyiib' xna'ajeb' li warom ut li k'uch, laj tak' ra' ut li tuntz'oq. Li Qaawa' tixsutq'isi Edom cho'q chaqich'och' ut junesal na'ajej.

Isaías 32:14

Pojpo taakanaaq li rochochil li awab'ej ut maajun chik wanq sa' li tenamit; eb' li kawub'resinb'il kab'l li najt xterameb' te'kanaaq chi po'lemil chi junajwa: aran te'wanq chi ichajib'k eb' li k'iche'il b'uur ut eb' li wakax chi saheb' sa' xch'ool.

Isaías 27:10

Li kawub'resinb'il tenamit xkanaak chi po'lemil, ut nakirirnak aj chik kama' li chaqich'och' b'arwi' eb' li wakax neke'ichajib'k ut neke'hilank chi xwa'b'al li xxaq li che'.

Isaías 25:2

Xakok'putz'i li tenamit, ut eb' li kawub'resinb'il na'ajej po'lem xakanab'. Xajuk' li rochocheb' li xik' neke'ilok qe ut maahoon wulaj chik taakab'laaq.

Isaías 24:12

Junaatal xkanaak li tenamit, ut kok' taq much' xkanaak li okeb'aal.

Isaías 23:1

Resilal li rahilal tixk'ul li tenamit Tiro: Yaab'anqex, ex jukub' re Tarsis, xb'aan naq xjuk'e'k li na'ajej nekexhilank wi'. Naq yookeb' chaq chi sutq'iik Kitim, xe'rab'i resil a'in.

2 Reyes 25:4

Toja' naq eb' laj Jerusalén ke'xhop li xsuttz'akul li tenamit ut, us ta sutsu chi us Jerusalén xb'aaneb' laj Kaldeha, ki'elelik li awab'ej chiru li q'oqyink, rochb'een chixjunileb' laj puub'. Ke'elk sa' li okeb'aal wank sa' xyanqeb' li tz'ak, koheb' sa' li xna'aj rawimq li awab'ej ut ke'xchap xb'e re xik Arabá.

Génesis 11:9

Aran li Qaawa' kixpo' li raatinob'aal chixjunileb' li tenamit ut kixcha'cha'iheb' sa' chixjunil li ruuchich'och'. Xb'aan a'an Babel kixk'ab'a'in li tenamit.

Isaías 32:19

us ta sajb'ilaqeb' li k'iche' ut juk'b'ilaq li tenamit.

Isaías 26:5

Li Qaawa' xkub'si xwankileb' li q'etq'et; xt'an li tenamit q'axal kaw rib', xjuk' ut xkub'si chaq chi ch'och'el,