Isaías 23:9 - Q'eqchi Bible

⁹ A' li Nimajwal Yos xk'uub'ank re a'in re xsachb'al li xq'etq'etil Tiro chirix li xnimal xloq'al ut re xkub'sinkileb' xwankil li neke'xnima rib' sa' ruuchich'och'.

Li Santil hu

⁹ Li Ka̱cuaꞌ li nimajcual Dios, aꞌan li quicꞌu̱ban ru xba̱nunquil li raylal re li tenamit Tiro re nak ta̱cubsi̱k xcuanquileb li kꞌetkꞌeteb. Ta̱isi̱k xlokꞌaleb li nequeꞌqꞌueheꞌ xlokꞌal yalak bar saꞌ ruchichꞌochꞌ.

Isaías 23:9 ပူးပေါင်းရင်းမြစ်များ

Santiago 4:6

Ab'anan li Yos q'axal numtajenaq chik li usilal naxk'e qe. Jo'kan naq naxye li Santil Hu: “Li Yos ink'a' nawulak chiru li q'etq'eteb', ab'an narusilaheb' li q'uneb' xch'ool”.

Isaías 13:11

“Tinraqoq aatin sa' xb'een li ruuchich'och' xb'aan li xmaak -chan li Yos- ut tink'ajtesi ruheb' li ink'a' useb' xna'leb' xmaak li xmaa'usilaleb'. Twisi li xwankil eb' li neke'xnima rib' ut tinkub'siheb' xwankil li q'etq'et.

Isaías 2:11

Taawulaq xkutankil naq eb' li neke'xnima rib' te'xkub'si li rilob'aal ut eb' li q'etq'et te'kub'siiq xwankil. Toja' naq ka'aj chik li Qaawa' taanimaaq ru.

Daniel 4:37

“Ut anaqwan, laa'in laj Nabukodonosor ninnima, ninterq'usi ut ninloq'oni ru li Awab'ej wank sa' choxa, xb'aan naq naxb'aanu chixjunil sa' tiikilal ut tz'aqal yaal, ut naxkub'si xwankil li ani naxq'etq'eti rib'”.

Efesios 3:11

jo' chanru kixk'uub' li Yos chalen chaq q'e kutan ut kixb'aanu moqon sa' xk'ab'a' li Kristo Jesus, li Qaawa'.

Efesios 1:11

Sa' xk'ab'a' ajwi' li Kriist kooxaqab'aak chaq chi eechanink, sik'b'il chaq qu chi junxilaj jo' chanru ki'alaak sa' xch'ool li Yos li nab'aanunk re chixjunil, a' yaal chanru li xk'a'uxl ut li rajom,

Hechos 4:28

Chi jo'kan xe'xb'aanu li ak k'uub'k'u chaq aab'aan rik'in xnimal aawankil ut aana'leb'.

Malaquías 4:1

Xyehom li Nimajwal Yos: “Chalk re li xnimal ru Kutan, q'axal tiq ru, jo' li tiqwal xam. Chixjunileb' li q'etq'et ut eb' laj b'aanuhom maa'usilal te'k'atq jo' li k'im; ut te'oso'q chi junwaakaj sa' li Kutan chalk re.

Jeremías 51:62

Chirix chik a'an taaye chi jo'ka'in: «At Qaawa', laa'at xaye naq taajuk' li tenamit a'in, toj reetal naq maajun chik twanq chisa', chi moko junaq poyanam chi moko junaq xul, xb'aan naq joxk' taakanab' li na'ajej a'in chi junwaakaj».

Isaías 14:27

Wi li Nimajwal Yos xk'uub'ank re chi jo'kan, ani taaramoq chiru xb'aanunkil? Wi naxteleb' li ruq' A'an, ani taayehoq re naq tixjal li xk'a'uxl?

Isaías 14:24

Li Nimajwal Yos kixye sa' jurament: “Relik chi yaal naq taa'uxmanq li xink'oxla, ut li k'aru xinye taak'ulmanq.

Isaías 10:33

Ilomaq li Nimajwal Yos, ak yo chi sachok rik'in xnimal xwankil: yo chi xmich'b'al eb' li che' najteb' xteram, jiljookeb' chiru ch'och' eb' li che' ninq xsa'.

Isaías 9:15

Li cheekel winq ut li nim xwankil, a'an li jolomej, ut li propeet aj b'alaq', a'an li xye.

Isaías 5:13

Maak'a' xna'leb' lintenamit, jo'kan naq te'chape'q ut te'isiiq sa' xna'ajeb'. Li xninqaleb' ru winq kamkeb' re xb'aan tz'okaak ut chixjunileb' li poyanam te'chaqiq xb'aan chaqi'eel.

Isaías 2:17

Eb' li neke'xnima rib' te'xkub'si li rilob'aal ut eb' li q'etq'et te'kub'siiq xwankil; chixjunileb' li jalanil yos te'juk'manq, ut ka'aj chik li Qaawa' taanimaaq ru sa' li kutan a'an.

Salmos 107:40

Ab'an li Yos kik'ehok majewank sa' xb'eeneb' li xninqal ru winq ut kixyoolesiheb' chi xb'eeninkileb' rib' sa' chaqich'och' b'arwi' maak'a' li b'e.

Li xHu LAJ JOB 12:21

Naxk'eheb' chi tz'eqtaanaak eb' laj jolominel, ut eb' li kaweb' rib' te'kanaaq chi maak'a' chik xmetz'eweb'.

Isaías 14:26

A'an a'in li xink'uub' xb'aanunkil sa' li ruuchich'och', ut a'an li xinteneb' sa' xb'een chixjunileb' li tenamit.

Isaías 23:10

K'anjela ru laach'och', a Tarsis, xb'aan naq maak'a' chik li hilob'aal jukub'.

Isaías 32:13

Junes k'ix ut pajl aj chik taak'iiq sa' lintenamit; jo'kanaq ajwi' sa' chixjunileb' li ochoch neke'ninq'ehik wi' lintenamit chi saheb' sa' xch'ool.

Jeremías 13:9

ut kixye we: “Jo'kan ajwi' naq tinsach li xwankil laj Judá ut li xq'etq'etil laj Jerusalén.

Abdías 1:2

“Ch'ina tenamit xatinkanab' wi' sa' xyanqeb' li jalanil tenamit, ut q'axal tz'eqtaananb'ilat.

Éxodo 8:4

Talaje'pisk'o'q li amoch sa' aab'een, sa' xb'eeneb' laatenamit ut sa' xb'eeneb' laj k'anjel chawu»”.

Isaías 2:12

Sa' li kutan a'an li Nimajwal Yos taachalq re xkub'sinkileb' xwankil li neke'xnima rib', eb' li q'etq'et ut li ninqeb' xwankil;