Isaías 23:4 - Q'eqchi Bible

⁴ Chatxutaanaq, a Sidón, li kawub'resinb'il tenamit chire li palaw, xb'aan naq taawulaq xq'ehil naq taaye chi jo'ka'in: “Ink'a' chik wankin sa' yu'am, maajun chik ink'uula'al xwank; ink'a' chik ninch'oolanink teelom al chi moko nink'iiresink ixqa'al”.

Li Santil hu

⁴ Xuta̱nal xex-el la̱ex aj Sidón, li nimla tenamit li cuan chire li palau. Ta̱cuulak xkꞌehil nak te̱ye: —Chanchan ma̱ jun sut xcuecꞌa li raylal li nequeꞌxcꞌul li ixk li oqueb re chi qꞌuira̱c. Chanchan nak ma̱ jun li cualal incꞌajol xinqꞌuiresi, chi moco te̱lom chi moco xkaꞌal.—

Isaías 23:4 ပူးပေါင်းရင်းမြစ်များ

Apocalipsis 18:23

Li xxamlel li saqenk ink'a' chik taasaqeno'q wankat wi', ut li xyaab' xkuxeb' li b'eelomej ut li ixaqilb'ej ink'a' chik taa'ab'iiq aawik'in. Xb'aan naq eb' laj yakonel ke'wank aawik'in a'aneb' li xninqaleb' ru winq sa' ruuchich'och', ut rik'in li tuulak xab'aanu xab'alaq'i chixjunileb' li tenamit”.

Génesis 10:19

Li xch'och'eb' laj Kanahán naxnub'ajli rib' rik'in Sidón, sa' xjayal Kerar, toj Gasa; ut, sa' xjayal Sodoom, Gomoor, Admá ut Seboín, naxnub'ajli rib' toj rik'in Lesa.

Génesis 10:15

Laj Kanahán a'an chaq xyuwa' laj Sidón, li xb'een ralal; ut xyuwa' ajwi' laj Het.

Josué 11:8

Li Qaawa' kiq'axtesink reheb' sa' ruq'eb' laj Israel. Ke'xq'ax ruheb' ut ke'raanilasiheb' toj wan wi' li Nimla Sidón ut Misrepot ut, sa' xjayal releb'l saq'e, toj sa' xtaq'ahil Mispá. Ke'xsach ruheb': maajun chik kikanaak chi yo'yo.

Jueces 10:6

Ab'anan eb' laj Israel ke'ok wi' chik chi xb'aanunkil li ink'a' nawulak chiru li Qaawa': ke'xloq'oniheb' laj Bahal ut eb' lix Astarté, jo' ajwi' li xyoseb' laj Aram ut Sidón, li xyoseb' laj Mohab, li reheb' laj Amón ut reheb' laj Filistea. Ke'xtz'eqtaana li Qaawa' ut ink'a' chik ke'k'anjelak chiru.

Jeremías 25:22

chixjunileb' li awab'ej re Tiro ut Sidón; eb' li awab'ej li wankatqeb' chaq chire li palaw;

Jeremías 27:3

Chirix chik a'an taqla li esil a'in rik'ineb' li awab'ej re Edom, re Mohab, re Amón, jo' ajwi' re Tiro ut Sidón. Taqla xyeeb'al reheb' chirixeb' li taql li xe'k'ulunk Jerusalén chi rula'aninkil laj Sedesías, li awab'ej re Judá,

Ezequiel 28:21

“At kaamel winq, ilon sa' xjayal Sidón ut aatinan sa' ink'ab'a':

Ezequiel 28:22

Ye re chi jo'ka'in: «Li Qaawa' xye chi jo'ka'in: Laa'in xik' chik nakatwil, a Sidón; ut rik'in li tinb'aanu sa' eeyanq, taak'ehe'q inloq'al. Naq tinraqoq aatin sa' aab'een ut tink'ut linsantilal chawu, taanawmanq naq laa'in li Qaawa'.