Isaías 22:4 - Q'eqchi Bible

⁴ Jo'kan naq xinye: “Elenqex chiwu ut kanab'omaqin injunes chi yaab'ak xb'aan xrahil linch'ool; meech'i'ch'i'i eerib' chi xk'ojob'ankil li waanm xb'aan li roso'jik lintenamit”, chankin.

Li Santil hu

⁴ Joꞌcan nak la̱in ninye: —Canabomakin injunes. Oc cue chi ya̱bac xban xrahil inchꞌo̱l. Ut ma̱ ani tixbay rib chixcꞌojobanquil inchꞌo̱l xban nak lin tenamit teꞌsachekꞌ ru.—

Isaías 22:4 ပူးပေါင်းရင်းမြစ်များ

Jeremías 9:1

Kama' taxaq jun yu'amha' linjolom, ut li xya'al wu kama' taxaq li roq nima' re yaab'ak chi q'eq ut chi kutan chirix lintenamit li xe'kamsiik!

San Mateo 2:18

“Ki'ab'iik jun xyaab' kuxej aran Ramá, yaab'ak ut tz'uyink chi numtajenaq: a' lix Rakel li yo chi yaab'ak chirixeb' li xkok'al, ut ink'a' naraj q'unb'esiik xb'aan naq maak'a'eb' chik”.

Miqueas 1:8

Xb'aan a'an tinyaab'aq chi q'axal ra sa' inch'ool; tinb'eeq chi maak'a' inxaab' ut chi t'ust'u, tintz'uyinq jo' nawo'te'ek laj xojb' ut tinyaab'aq jo' ral li warom.

Jeremías 31:15

Li Qaawa' kixye chi jo'ka'in: “Ki'ab'iik jun xyaab' kuxej aran Ramá, yaab'ak ut tz'uyink chi numtajenaq: a' lix Rakel li yo chi yaab'ak chirixeb' li xkok'al, ut ink'a' naraj q'unb'esiik xb'aan naq maak'a'eb' chik li xkok'al”.

Jeremías 13:17

Wi ink'a' nekexpaab'ank chiru, laa'in tinyaab'aq injunes xb'aan leeq'etq'etil; taayot'e'q linch'ool ut xiikil li xya'al wu tinhoy, xb'aan naq li xtenamit li Qaawa' xe'isiik sa' li xna'ajeb'.

Salmos 77:2

Nataqe'k xyaab' linkux toj rik'in li Qaawa' naq ninjap we chi tz'aamank; nataqe'k xyaab' linkux toj rik'in li Yos, ut a'an taasumenq we.

San Lucas 19:41

Naq kinach'ok li Jesus rik'in Jerusalén ut kiril li tenamit, kiyaab'ak chirix ut kixye:

San Lucas 1:2

jo' chanru xe'xk'e chiqanaw eb' li xe'ilok re chalen chaq sa' xtiklajik ut chirix a'an xe'xk'ul xk'anjeleb' chi xpuktesinkil li Aatin.

San Mateo 26:75

Ut laj Pedro kinaqk sa' xch'ool li kiyehe'k re xb'aan li Jesus: “Toj maji'aq nayaab'ak li tzo' kaxlan, akaq ox sut xaye naq ink'a' nakanaw wu”. Ki'elk chirix kab'l ut k'ajo' naq kiyot'e'k chi yaab'ak.

Jeremías 8:18

Q'axal ra sa' inch'ool, ka'aj chik maa ninkamk.

Jeremías 6:26

Ex intenamit, b'atomaq eerib' sa' q'es ruhil t'ikr ut tolk'osiiq eerib' sa' li cha. Japomaq eere chi yaab'ak, tz'uyinqex chi q'axal ra sa' leech'ool, jo' na'uxk tz'uyink chirix li alab'ej junaj chirib'il, xb'aan naq ak chi seeb' chaq li taasachoq qe.

Jeremías 4:19

Jwal nayot'e'k linch'ool ut q'axal namayok li waanm, ka'aj chik maa na'elk linch'ool sa' li xna'aj. Ink'a' ninkanab' xjapb'al we chi aatinak xb'aan naq yookin chi rab'inkil xyaab'eb' li pur li yo chi b'oqok re xik chi yalok.

Isaías 33:7

Ab'ihomaq! Eb' li kaweb' rib' yookeb' chi yaab'ak sa'atqeb' li b'e, ut eb' laj yehol resil li tuqtuukilal namayok li xch'ooleb' chi yaab'ak.

Isaías 15:3

Xe'xk'e q'es ruhil t'ikr chirixeb'; sa'eb' li k'ayiil ut sa' xb'eeneb' li ochoch chixjunileb' jiiq' wi' xch'ooleb' chi yaab'ak.

Jeremías 9:18

Xseeb'aaqeb' rib' chi chalk re te'yaab'aq chiqix, re naq tootz'uyinq ajwi' laa'o ut taat'ule'q xya'al li qu chi yaab'ak.

Lamentaciones 2:11

Ink'a' chik nin'ilok xb'aan li yaab'ak, ink'a' chik ninkuy ut kamk we, xb'aan naq xsache'k lintenamit; eb' li kok'al ut eb' li toj yookeb' chi tu'uk neke'kamk sa' xyi li tenamit xb'aan li tz'okaak.

Ezequiel 27:31

Te'xjo li xjolomeb' sa' aak'ab'a', te'xtiqib' rib' rik'in q'eqit'ikr ut tz'uynaqeb' chi yaab'ak chi k'ajo'aq xmayeb' li raanm.

Ester 4:1

Naq laj Mardokeo kixnaw chixjunil li kik'ulmank, kixq'ich li raq', reetalil li xrahil xch'ool, kixk'e q'es ruhil t'ikr chirix ut kixk'e cha sa' xjolom. Ut kixb'eeni chixjunil li tenamit chi japjo re xb'aan li rahilal xchalk sa' xb'eeneb';

Ezequiel 21:11

Xji'e'k ru, re naq taa'oksimanq; ak q'esnanb'il li ch'iich' ut nalemtz'unk li ru re xq'axtesinkil sa' ruq' li taakamsinq.