Isaías 22:12 - Q'eqchi Bible

¹² Sa' li kutan a'an li Nimajwal Yos xexb'oq chi yaab'ak ut chi q'oqonk, re teejo li rismal leejolom ut xk'eeb'al cherix li q'es ruhil t'ikr.

Li Santil hu

¹² Saꞌ li cutan aꞌan li Ka̱cuaꞌ li nimajcual Dios quixye e̱re nak texya̱bak ut te̱yotꞌ e̱chꞌo̱l. Te̱qꞌue li kꞌes ru tꞌicr che̱rix ut te̱bes le̱ jolom.

Isaías 22:12 ပူးပေါင်းရင်းမြစ်များ

Joel 2:17

Sa' xyanq li neb'aal rik'in li artal yaab'aqeb' laj tij li neke'k'anjelak chiru li Yos, ut te'xye: “Kuy xmaakeb' laatenamit, at Qaawa', ut maakanab'eb' chi se'eek xb'aaneb' li xik' neke'ilok re. Ink'a' taxaq te'xye eb' li junch'ol chik: «B'ar wank li xYoseb'?»”.

Joel 1:13

Ex aj tij, sotob'amaq eerib' chiru q'es ruhil t'ikr ut yaab'anqex! Tz'uyinqex laa'ex li nekexk'anjelak chiru li artal. Kimqex ut yo'lenqex rik'in rahil ch'oolej laa'ex li nekexk'anjelak chiru linYos, xb'aan naq maak'a' chik li mayejak triiw ut b'iin sa' rochoch leeYos.

Miqueas 1:16

At tenamit Jerusalén, b'es laawismal xb'aan li rahilal sa' xk'ab'a'eb' laawalal aak'ajol li nakaraheb'. Jo laajolom, kama' li xjolom li t'iw taakanaaq, xb'aan naq eb' laawalal aak'ajol te'k'ame'q sa' ab'l tenamit chi najt aawik'in”.

Santiago 5:1

A'ut anaqwan, ex b'ihom, yaab'anqex ut tz'uyinqex xb'aan li rahilal chalk re sa' eeb'een.

Amós 8:10

Tink'e naq leeninq'e taakanaaq cho'q rahil ch'oolej ut chixjunil leeb'ich cho'q tz'uyink. Tink'e naq chejunilex teeb'at eerib' sa' q'es ruhil t'ikr ut teejo leejolom xb'aan xrahil eech'ool. Texyaab'aq jo' tawi' xkamk leeralal jun chirib'il, ut chixjunil junes rahilal toxraqe'q wi'.

Jonás 3:6

Naq li awab'ej re Nínive kirab'i resil a'an, ki'elk sa' li xk'ojarib'aal, kirisi li xchaab'il aq' chirix ut kixk'e xq'esnal ru t'ikr chirix; toja' naq kixchunub' rib' sa' cha.

Isaías 15:2

Eb' li wankeb' Dibón xkoheb' chi yaab'ak sa' li tijob'aal wank chi tzuul; ut eb' laj Mohab xyot'e'k xch'ooleb' xb'aan li nimla rahilal li xe'xk'ul li tenamit Nebo ut Mádaba. Chixjunileb' xe'xjo li rismal xjolomeb' ut li xmacheb'.

Eclesiastés 3:11

Naq li Yos kixyoob'tesi li ruuchich'och', kixyiib' chixjunil chi chaab'il, ut kixk'uub' tz'aqal sa' xq'ehil. Xk'e ajwi' sa' qach'ool xrahinkil li xtawb'al ru k'aru xk'ulmank ut taak'ulmanq. Ab'anan laa'o ink'a' nokooruuk xtawb'al ru chixjunil li xb'aanuhom li Yos.

Eclesiastés 3:4

Wank xq'ehil li yaab'ak, ut wank xq'ehil li se'ek. Wank xq'ehil li rahil ch'oolej, ut wank xq'ehil li xajok.

Li xHu LAJ JOB 1:20

Toja' naq kixaqliik laj Job, kixq'ich li raq' ut kixjo li xjolom. Chirix chik a'an kiwiq'laak, kixchunub' rib' chiru ch'och'

Nehemías 9:9

Laa'at kak'e reetal li xtoq'ob'aal ruheb' li qana' qayuwa' aran Ejiipt ut kawab'i li xyaab' xkuxeb' chire li Kaqi Palaw.

Esdras 9:3

Naq kiwab'i a'in, kinq'ich li waq' ut linb'aatal, kinmich' rismal linjolom ut linmach, ut kink'ojlaak chi q'axal ra sa' inch'ool.

2 Crónicas 35:25

Laj Jeremías kixk'uub' jun li b'ich re rahil ch'oolej sa' xk'ab'a' laj Josías. Chalen toj anaqwan chixjunileb' laj b'ichanel winq ut ixq neke'aatinak chirix laj Josías sa' li xb'icheb', ut k'aynaqeb' laj Israel chi xb'aanunkil a'an. Natawmank li b'ich a'in sa' xHuhil li rahil ch'oolej.

Isaías 3:24

Sa' li kutan a'an cho'q reeqaj li sununkil b'an taawanq li chu; cho'q reeqaj li k'aamal sa', a' chik li k'aam taak'eemanq; cho'q reeqaj li te'ok ismal, job'il jolomej chik taawanq; cho'q reeqaj li chaab'il b'aatal, a' chik li q'es ruhil t'ikr taawanq; ut li ch'ina'usal taasutq'iiq cho'q xutaan.

Isaías 26:10

Us ta taakuymanq xmaak li ink'a' us xna'leb', ab'an ink'a' tixtzol wank sa' tiikilal; toj yooq xb'aanunkil li maa'usilal sa' xyanqeb' li tiikeb' ru xyu'am ut ink'a' tixk'e reetal li xwankilal li Qaawa'.

Isaías 29:1

Rahilal chaalel sa' xb'een Ariel, li tenamit kiwank wi' laj David! Ninq'ehinqex wan, wiib' oxib'aq chihab' chik,

Isaías 32:11

Laa'ex li maak'a' nekek'oxla, okaq b'ayaq eexiw, t'urub'omaq eerib', isihomaq leeraq' cherix ut tiqib'omaq eerib' rik'in q'es ruhil t'ikr, reetalil li xrahil leech'ool;

Isaías 58:3

Ut neke'xye we: «K'a' aj e naq nokoo'ayuunik? Chi moko yookat rilb'al. Maak'a' na'ok wi' naq naqakub'si qawankil, wi ink'a' nakak'e sa' laach'ool», chankeb'. K'ehomaq reetal: naq nekex'ayuunik, laa'ex nekeb'aanu li k'aru nekeraj ut nekerahob'tesi chixjunileb' laj to' k'anjel.

Jeremías 4:8

Jo'kan naq jutub'omaq eerib' sa' q'es ruhil t'ikr, tz'uyinqex ut yaab'anqex xb'aan xrahil leech'ool, xb'aan naq toj yo xjosq'il li Qaawa' sa' qab'een”.

Jeremías 7:29

At Jerusalén, set li rismal laajolom ut kut chi najt. Ayu chi yaab'ak sa' xb'eeneb' li t'ojoch aj b'ool. Xb'aan naq li Qaawa' yo xjosq'il rik'ineb' laakomonil; xtz'eqtaanaheb' ut xkanab'eb' xjunes chi junajwa.

Jeremías 16:6

Sa' li tenamit a'in te'kamq eb' li kok' ut ninqi poyanam, ut maajun reheb' taamuqe'q. Ink'a' taawanq rahil ch'oolejil; maajun taayaab'aq chirixeb' chi moko te'xjo li xjolomeb'.

Jeremías 16:8

“Mat-ok sa' junaq ochoch b'arwi' yo li ninq'ehik, maak'ojob' aawib' chi tzekank ut chi uk'ak sa' xyanqeb'.

Ezequiel 27:31

Te'xjo li xjolomeb' sa' aak'ab'a', te'xtiqib' rib' rik'in q'eqit'ikr ut tz'uynaqeb' chi yaab'ak chi k'ajo'aq xmayeb' li raanm.

Daniel 5:1

Laj Baltasar, li awab'ej, kixkawresi jun nimla ninq'e cho'q reheb' jun mil chi winq ninqeb' xwankil, ut chiruheb' ajwi' a'an ki'ok chi uk'ak b'iin.

Oseas 9:1

Misaho'k aach'ool, a Israel; matpisk'ok xb'aan xsahilal aawaanm jo'eb' li tenamit junch'ol, xb'aan naq xab'alaq'i laaYos ut q'axal chik xarahi ru li xtuminal li maakob'k sa'atqeb' li na'ajej na'isiik wi' li rix li triiw.

Joel 1:8

Tz'uyinqex, ex intenamit, jo' li saaj ixq nayaab'ak xb'aan li xkamik li xsum'aatin.

Isaías 37:1

Naq laj Esekías li awab'ej kirab'i eb' li aatin a'in, kixq'ich li raq', kixtiqib' rib' rik'in q'es ruhil t'ikr ut koho sa' rochoch li Qaawa'.

Isaías 37:2

Tikto kixtaqla laj Eliakín, laj ilol re li rochoch, jo'wi' laj Sebná laj tz'iib' ut eb' li xtiixilaleb' laj tij, chi wank q'es ruhil t'ikr chirixeb',

Joel 2:12

“Ut anaqwan sutq'inqex chaq wik'in chi anchal leech'ool, rik'in ayuunik, yaab'ak ut rik'in tz'uyink”, chan li Qaawa' Yos.