Isaías 22:11 - Q'eqchi Bible

¹¹ Sa' xyanqeb' li suttz'ak xeyiib' jun li kumb' re xxokb'al li ha' li wank sa' li q'eel kumb'. Ab'anan ink'a' xek'e reetal naq a' li Qaawa' kib'aanunk re chixjunil a'an, ut ink'a' xek'oxla ani kik'uub'ank re a'an chalen chaq junxilaj.

Li Santil hu

¹¹ Queyi̱b saꞌ xyi li cuib chi tzꞌac li naꞌajej re xxocbal li haꞌ li na-el chak saꞌ xnaꞌaj li haꞌ li yi̱banbil junxil. Abanan incꞌaꞌ quepatzꞌ le̱ naꞌleb riqꞌuin li Dios li quiyi̱ban re. Incꞌaꞌ quesicꞌ le̱ naꞌleb riqꞌuin li Dios li quicꞌu̱ban ru chixjunil li cꞌaꞌru ta̱cꞌulma̱nk.

Isaías 22:11 ပူးပေါင်းရင်းမြစ်များ

Miqueas 7:7

A'ut laa'in kaw nin'oyb'enink rik'in li Qaawa', k'ojk'o linch'ool rik'in li Yos laj kolol we: ninnaw naq A'an taa'ab'inq we.

Isaías 31:1

Ra chaalel sa' xb'eeneb' li neke'xik Ejiipt chi xpatz'b'al xtenq'ankileb', eb' li neke'xk'ojob' xch'ooleb' chirix li xk'iila kawaayeb' ut b'eleb'aal ch'iich'eb', eb' li kaweb' xch'ool xb'aan naq naab'aleb' naq neke'b'eek chirix kawaay, ab'anan ink'a' neke'xsik' li Qaawa' ut maak'a' royb'enihomeb' rik'in li xSant laj Israel.

Isaías 17:7

Sa' li kutan a'an li winq tixtaqsi li rilob'aal chiru Li kiyoob'tesink re ut taaril ru li xSant laj Israel.

2 Reyes 25:4

Toja' naq eb' laj Jerusalén ke'xhop li xsuttz'akul li tenamit ut, us ta sutsu chi us Jerusalén xb'aaneb' laj Kaldeha, ki'elelik li awab'ej chiru li q'oqyink, rochb'een chixjunileb' laj puub'. Ke'elk sa' li okeb'aal wank sa' xyanqeb' li tz'ak, koheb' sa' li xna'aj rawimq li awab'ej ut ke'xchap xb'e re xik Arabá.

Jeremías 39:4

Naq laj Sedesías, li awab'ej re Judá, ut chixjunileb' laj puub' ke'ril li yo chi k'ulmank, ke'elelik chiru q'oqyink sa' li tenamit, sa' xb'ehil li rawimq li awab'ej; ke'nume'k sa' xyanqeb' li suttz'ak ut ke'xchap xb'e re xik Arabá.

Isaías 37:26

Ma xawab'i chi us? Ak ink'uub'ahom chaq a'in chalen junxil; chalen chaq q'e kutan inkawresihom chaq, ut anaqwan yookin chi xb'aanunkil. Jo'kan naq laa'at xatsachok ruheb' li tenamit ut po'lem xakanab'eb' li kaw sutinb'ileb' chi tz'ak.

Isaías 8:17

Us ta li Qaawa' xmuq rib' chiruheb' li ralal xk'ajol laj Jakob, laa'in k'ojk'o linch'ool chirix A'an, ut xaqxo li woyb'enihom rik'in.

Nehemías 3:16

Chirix chik a'an laj Nehemías, ralal laj Astuk, xjolomil xyiijachil li teep Bet-Sur, kitz'akab'k toj chiruheb' li xmuqleb'aal laj David, toj wan wi' li kumb' ut li rochocheb' laj puub'.

2 Crónicas 6:6

Ab'an xinsik' ru Jerusalén re naq aran taawanq link'ab'a' ut xinxaqab' laj David chi xjolominkil lintenamit Israel».

2 Reyes 20:20

Chixjunil li xyehom xb'aanuhom laj Esekías, chixjunil li yalok, li tamb'aha' kixyiib' ut li roqha' kiroksi wi' ha' li tenamit, tz'iib'anb'ileb' sa' xHuhil li xyehom ut xb'aanuhomeb' li awab'ej re Judá.

Isaías 22:10

Toja' naq xerajla eb' li ochoch wank Jerusalén, ut naab'al li kab'l xejuk' re xkawub'resinkil li xsuttz'akil li tenamit.

Isaías 7:3

Toja' naq li Qaawa' kixye re laj Isaías: “Ayu chi xk'ulb'al laj Ajás, aawochb'een laj Sehar-Yasub laawalal. Ayu toj sa' xmaril li roqha' wan wi' li tamb'aha' li wank chi tzuul, sa' xB'e laj Puch'unel,