Isaías 22:10 - Q'eqchi Bible

¹⁰ Toja' naq xerajla eb' li ochoch wank Jerusalén, ut naab'al li kab'l xejuk' re xkawub'resinkil li xsuttz'akil li tenamit.

Li Santil hu

¹⁰ Queqꞌue retalileb li cab li cuanqueb Jerusalén ut cuan li quejucꞌ re xyi̱banquil lix cacuub li tzꞌac li sutsu cuiꞌ le̱ tenamit.

Isaías 22:10 ပူးပေါင်းရင်းမြစ်များ

Isaías 22:9

Xek'e ajwi' reetal naq li xtenamit laj David naab'al chik xhopolal ut xk'atzal; ut xexok li ha' sa' li kumb' li wank taq'a.

Isaías 22:11

Sa' xyanqeb' li suttz'ak xeyiib' jun li kumb' re xxokb'al li ha' li wank sa' li q'eel kumb'. Ab'anan ink'a' xek'e reetal naq a' li Qaawa' kib'aanunk re chixjunil a'an, ut ink'a' xek'oxla ani kik'uub'ank re a'an chalen chaq junxilaj.

Deuteronomio 32:18

“At Israel, xsachk sa' aach'ool li Saqoonak, laj Yoob'tesinel aawe; xatz'eqtaana li Yos li kisiyank aawe.

2 Crónicas 11:11

Kixkawub'resiheb' li rochocheb' laj puub', kixxaqab'eb' xjolomileb' laj puub' ut kixkanab'eb' xtzekemq, aseeyt ut b'iin.

Isaías 7:3

Toja' naq li Qaawa' kixye re laj Isaías: “Ayu chi xk'ulb'al laj Ajás, aawochb'een laj Sehar-Yasub laawalal. Ayu toj sa' xmaril li roqha' wan wi' li tamb'aha' li wank chi tzuul, sa' xB'e laj Puch'unel,

Jeremías 33:4

Laa'in li Qaawa', xYos laj Israel, ninye a'in chirixeb' li ochoch wankeb' Jerusalén ut chirixeb' li rochocheb' li awab'ej re Judá li te'juk'e'q. Ok re li yalok chi ch'iich' rik'ineb' laj Kaldeha li yookeb' chi xyiib'ankileb' li taqleb'aal re ok sa' li tenamit. Taanujaq chi kamenaq Jerusalén ut naab'aleb' te'tiq'e'q xb'aan xnimal linjosq'il: laa'in xinmuq wib' chiruheb' xb'aan li xk'iila maa'usilaleb' xe'xb'aanu.

Ezequiel 21:20

Tento taatz'iib'a reetalil b'ar taanume'q li awab'ej rik'in li xch'iich'. A'aneb' a'in li tenamit: Rabá, sa' xteepal Amón, ut Jerusalén, li kawub'resinb'il tenamit sa' xteepal Judá.