Isaías 21:8 - Q'eqchi Bible

⁸ Ut laj k'aak'alenel kixjap re chi xyeeb'al: “Sa' linna'aj wankin rajlal kutan, at Qaawa', ut ninjor li q'oqyink chi k'aak'alenk arin.

Li Santil hu

⁸ Ut laj qꞌuehol etal quixjap re joꞌ nak naxjap re li cakcoj ut quixye: —At Ka̱cuaꞌ, chi kꞌek chi cutan yo̱quin chi cꞌacꞌale̱nc arin, chan.

Isaías 21:8 ပူးပေါင်းရင်းမြစ်များ

1 Pedro 5:8

Aj'ajaq ru leek'a'uxl ut chexyo'leq! Li xik' na'ilok eere, a' laj tza, yo chi sutink re xsik'b'al ani tixnuq', jo' jun kaqkoj japjo re.

Jeremías 50:44

“Relik chi yaal naq tinchalq chi junpaat: jo' junaq kaqkoj li na'elk chaq sa' li k'iche' chire li nima' Jordán ut naxik sa' li raxal pim chiru taq'a, jo'kan naq tink'eheb' chi elelik eb' laj Babilonia ut aran tinxaqab' cho'q aj k'amol b'e li ani tixk'ul linch'ool. Xb'aan naq ani chik junaq kama' laa'in? Ani junaq awab'ej taawanq chi xaqxo chiwu?

Jeremías 49:19

“Laa'in tinchalq jo' li kaqkoj naq na'elk chaq sa' li k'iche' chire li nima' Jordán ut naxik sa' li raxalpim chiru taq'a; jo'kan ajwi' naq twaanilasiheb' chi junpaat eb' laj Edom, ut sa' li xna'ajeb' tink'e chi k'anjelak li ani nawulak chiwu. Xb'aan naq ani tixjuntaq'eeta rib' wik'in ut taanumtaaq chiwu? Ma wank tab'i' junaq aj k'aak'alenel li truuq tixkuy wank chiwu laa'in?

Jeremías 25:38

Jo' junaq kaqkoj li x'elk sa' li xna'aj, jo'kan ajwi' naq li Qaawa' x'elk chi xsachb'al ru li xtenamit, ut li na'ajej xkanaak chi po'lemil, xb'aan naq xlochk xxamlel xjosq'il li Qaawa', ut jun nimla raaxiik' xtaqlaak chaq sa' xb'eeneb'.

Jeremías 4:7

Ak xwakliik chaq laj sachonel tenamit, jo' jun li kaqkoj x'elk chaq sa' li xsok; chalk re sa' aab'een re xsachb'al laana'aj: nakirirnak te'kanab'aaq eb' laatenamit chi maajunaq chik li poyanam chisa'.

Isaías 62:6

At Jerusalén, sa' xb'eeneb' laasuttz'akil xink'eheb' aj k'aak'alenel li ink'a' te'kanaaq chi ch'anch'o chi q'eq ut chi kutan. Laa'ex li nekepatz' xk'ab'a' li Qaawa', meekanab' aatinak,

Isaías 56:10

Xb'aan naq mutz'eb' li neke'k'aak'alenk re lintenamit, ut maak'a' neke'xk'e reetal. Chixjunileb' chanchaneb' li tz'i' ink'a' nawoob'ak; neke'xnumsi li kutan chi hilank ut chi matk'ek, q'axal nawulak chiruheb' li wark.

Isaías 5:29

Chanchan li kaqkoj li xyaab'eb', jo' nayaab'ak li ral li kaqkoj; naxjap re naq naxtaw li xtzak, ut naxk'am chi maajun namaq'ok chiru.

Salmos 127:1

B'ich re li taqsink. Xsaalm laj Salomón. Wi li Qaawa' ink'a' naxyiib' li kab'l, maak'a' aj e naq neke'xtawasi rib' laj kab'lanel. Wi li Qaawa' ink'a' naxk'aak'ale li tenamit, maak'a' aj e naq nayo'lek laj k'aak'alehom re.

Salmos 63:6

Taak'ojlaaq li waanm jo' junaq li xtzekank chi chaab'il. Chi sa sa' inch'ool tinterq'usi laak'ab'a' rik'in xtz'uumal we.

2 Crónicas 20:24

Naq eb' laj Judá ke'wulak sa' xb'een li b'ool nak'utunk wi' li chaqich'och' ut ke'ilok sa' xjayal eb' li xik' neke'ilok reheb', junes kamenaq chik ke'ril, jiljookeb' chiru ch'och', xb'aan naq maajun kiruhank chi elelik.