Isaías 21:1 - Q'eqchi Bible

¹ Resilal li rahilal tixk'ul li chaqich'och' wank chire li palaw: Jo' li kaqsut-iq' nanume'k Nejeb, jo'kan ajwi' yo chaq chi chalk li nimla rahilal sa' li chaqich'och', sa' li tenamit xiwajel ru.

Li Santil hu

¹ Aꞌan aꞌin resil li raylal li ta̱cha̱lk saꞌ xbe̱neb laj Babilonia, li cuanqueb saꞌ li chaki chꞌochꞌ li cuan chire li palau. Eb li xicꞌ nequeꞌiloc reheb chanchanakeb li ca̱k-sut-ikꞌ nak teꞌcha̱lk saꞌ li chaki chꞌochꞌ, li naꞌajej li kꞌaxal yibru.

Isaías 21:1 ပူးပေါင်းရင်းမြစ်များ

Isaías 14:23

Tinsutq'isi li tenamit a'an cho'q xna'ajeb' li warom ut saab' ha'. Ut chanchan mesunb'il tinkanab' li na'ajej naq tinsach ru”, chan li Nimajwal Yos.

Jeremías 51:42

Xtaqe'k li palaw sa' xb'een Babilonia ut tik xmuqunk xb'aaneb' li xkaw oq.

Isaías 13:1

A'an a'in li kik'utb'esiik chiru laj Isaías, ralal laj Amós, chirix li rahilal tixk'ul li tenamit Babilonia:

Zacarías 9:14

Li Qaawa' tixtenq'a li xtenamit ut jo'kaq li raq'kaaq naq tixkuti li ral xsimaj; A' li Yos taayaab'asinq li pur ut taaxik chi yalok sa' xyanq li kaqsut-iq' nachalk sa' li chaqich'och'.

Isaías 17:1

Xyehom li Qaawa' chirix Damaask: “Damaask moko tenamitaq ta chik, xb'aan naq tkanaaq chi tub'tuukil pek.

Daniel 11:40

«Sa' roso'jikeb' li kutan li awab'ej re Ejiipt taayaloq rik'in li awab'ej re Siria, ut a'in taaxik chi xsumenkil rik'in k'iila b'eleb'aal ch'iich', k'iila aj puub' ut naab'aleb' li jukub'; te'ok aran Ejiipt ut te'nume'q jo' li b'ut'iha'.

Ezequiel 31:12

Eb' laj ab'l tenamit, eb' li tz'aqal ch'ol winq, te't'anoq re ut te'xjilib' chiru ch'och'; kok'toq te'kanaaq eb' li ruq' sa' li k'iche' ut chiru li tzuultaq'a, ut chixjunileb' li tenamit ke'wank sa' xmu, te'eleliq ut te'xkanab' xjunes.

Ezequiel 30:11

Tink'am chaq a'an rochb'eeneb' li xsoldaad, li q'axal josq'eb' chiruheb' chixjunil li wankeb' sa' ruuchich'och', chi xsachb'al Ejiipt. Te'yaloq rik'in ch'iich' ut k'ajo' naq taanujaq li tenamit chi kamenaq.

Li xHu LAJ JOB 37:9

Nawakliik chaq li kaqsut-iq' sa' xjayal rokeb'l iq', ut nachalk chaq li ke sa' xjayal releb'l iq'.

Isaías 5:28

Q'es q'es ru'ujeb' li xsimaj ut chixjunil li xna' simaj kaw kaw rixeb'. Chanchan raxjohinkil pek li rixi'ijeb' li kawaay ut li roqeb' li xkaar kama'eb' li kaqsut-iq'.

Ezequiel 1:4

Toja' naq kiwil jun kaqsut-iq' kichalk chaq sa' xjayal releb'l iq'. Kiwil ajwi' jun nimla choql yo wi' chi elk li xam ut nareplotk li raq'kaaq sa' xyi a'an.

Ezequiel 38:9

Ut laa'at tatwulaq sa' xb'eeneb', jo' junaq kaqsut-iq', jo' junaq q'oqyinkil choql li tixmoy li na'ajej, aawochb'eenaqeb' laasoldaad ut chixjunileb' li neke'okenk chawix.

Isaías 13:13

Toja' naq li choxa taa'eek'anq sa' xna'aj ut li ruuchich'och' taahich'hich'iiq li rub'elankil xb'aan xxamlel linjosq'il sa' li kutan a'an.

Isaías 14:1

Naq li Qaawa' tixtoq'ob'a ru laj Jakob ut tixsik' wi' chik ru laj Israel, tixk'ojob'eb' wi' chik laj Israel sa' li xtenamiteb' ut eb' laj jalanil tenamit te'xjunaji rib' rik'ineb' li ralal xk'ajol laj Jakob.

Isaías 14:14

Tintaqe'q toj sa' xb'eeneb' li choql ut kama'aqin li Nimajwal Yos», chankat sa' laach'ool.

Isaías 47:1

“Kub'si aawib', chunlan sa' pojtz', at tuq'ixq re Babel li maak'a' chik aawankil! Chunlan sa' ch'och', at xrab'in eb' laj Kaldeha; ink'a' chik te'xye aawe: «Q'un aach'ool ut tuulanat».

Jeremías 51:1

Jo'ka'in kixye li Qaawa': “Tintaqla jun kawil kaqsut-iq' chi xsachb'al ru Babilonia jo'wi' eb' laj Kaldeha.

Jeremías 51:51

Laa'ex nekeye: “Xutaanal xookanaak, xb'aan naq naqab'i li qahob'b'al; xookaqo'k xb'aan qaxutaan rik'in rilb'al naq eb' laj ab'l tenamit xe'ok chaq sa' qayanq ut xe'xmux li xsantil ochoch li Yos”, chankex.