Isaías 20:5 - Q'eqchi Bible

⁵ Eb' li poyanam te'sachq xch'ool ut te'xutaanaq xb'aaneb' laj Etiopía, li royb'enihomeb', ut xb'aaneb' laj Ejiipt, li xkawub' raj xch'ooleb'.

Li Santil hu

⁵ Cꞌajoꞌ nak teꞌsachk xchꞌo̱leb ut teꞌxuta̱na̱k eb li queꞌxcꞌojob xchꞌo̱leb saꞌ xbe̱neb laj Etiopía. Joꞌcan ajcuiꞌ teꞌxcꞌul eb li queꞌxqꞌue xlokꞌal laj Egipto.

Isaías 20:5 ပူးပေါင်းရင်းမြစ်များ

Isaías 30:5

chixjunileb' te'b'alaq'iiq xb'aan li tenamit a'an li maak'a' na'ok wi'; ink'a' te'tenq'aaq xb'aaneb' chi moko us te'elq, ka'aj b'an wi' li xutaan ut li rahilal te'xk'ul.

Isaías 30:3

Ab'an li xkawilal leech'ool rik'in laj Parahón taak'ehoq eere sa' xutaan ut li xtenq'aaleb' laj Ejiipt taasachoq leech'ool.

1 Corintios 3:21

Jo'kan utan, maa'ani chixnimob'resi rib' sa' xk'ab'a'eb' li winq, xb'aan naq chixjunil li k'a'aq re ru eere laa'ex:

Jeremías 17:5

Jo'ka'in kixye li Qaawa': “Majewanb'ilaq li naxkawub'resi xch'ool chirix li winq, a' li naxsik' xtenq'ankil rik'in li yal kaamel ut li Qaawa' naxtz'eq chirix li xch'ool.

2 Reyes 18:21

Nink'e reetal naq kaw aach'ool rik'ineb' laj Ejiipt chatenq'ankil. Ab'an eb' a'an moko kaweb' ta rib', chanchaneb' b'an jun kaxlan'aj jorol li naxset ut naxpaynumi li ruq' li ani naxkuutu rib' chiru. Jo'kan naxb'aanu laj Parahón, awab'ej re Ejiipt, reheb' chixjunileb' li neke'xkawu xch'ooleb' rik'in.

Isaías 36:6

Nink'e reetal naq kaw aach'ool rik'ineb' laj Ejiipt re naq tate'xtenq'a. Ab'an eb' a'an moko kaweb' ta rib', chanchaneb' b'an jun kaxlan'aj jorol li naxset ut naxpaynumi li ruq' li ani naxkuutu rib' chiru. Jo'kan naxb'aanu laj Parahón, awab'ej re Ejiipt, reheb' chixjunileb' li neke'xkawu xch'ooleb' rik'in.

Isaías 30:7

Relik chi yaal naq li xtenq'aal Ejiipt maak'a' aj e ut maak'a' na'ok wi'. Jo'kan naq xink'e cho'q xk'ab'a' Ejiipt: “Josq' aj nimla xul, ab'an maak'a' na'ok wi'”.

Isaías 2:22

Jo'kan naq meek'ojob' chik eech'ool chirix li winq li yal jun k'amok ajwi' li xmusiq': k'aru na'ok wi' a'an?

Isaías 31:1

Ra chaalel sa' xb'eeneb' li neke'xik Ejiipt chi xpatz'b'al xtenq'ankileb', eb' li neke'xk'ojob' xch'ooleb' chirix li xk'iila kawaayeb' ut b'eleb'aal ch'iich'eb', eb' li kaweb' xch'ool xb'aan naq naab'aleb' naq neke'b'eek chirix kawaay, ab'anan ink'a' neke'xsik' li Qaawa' ut maak'a' royb'enihomeb' rik'in li xSant laj Israel.

Isaías 36:9

Ab'an laa'at moko kaw ta aawib' chi raanilasinkil junaq reheb' laj puub' re linwa'chin, us ta a'an q'axal toq'ob'aal ru. K'a'ut naq yookat chi royb'eninkileb' aab'eleb'aal ch'iich' ut aakawaay aran Ejiipt?

Isaías 37:9

Aran laj Senakerib kirab'i resil naq laj Tirhaká, awab'ej re Etiopía, yo chi xik chi yalok rik'ineb' laj Asiria. Toja' naq kixtaqlaheb' wi' chik li xtaql rik'in laj Esekías ut kixye reheb':

Jeremías 46:25

Jo'ka'in kixye li Nimajwal Yos, li xYos laj Israel: “Tink'e chi xtojb'al xmaak laj Amón, li xyos li tenamit Tebas; tinrahob'tesi ajwi' eb' laj Ejiipt rochb'eeneb' li xyos ut eb' li awab'ej, jo'wi' laj Parahón ut eb' li neke'xk'ojob' xch'ooleb' chirix.

Ezequiel 29:16

Ut eb' laj Israel ink'a' chik te'xkawu xch'ool chirixeb' laj Ejiipt, te'xk'e b'an reetal naq moko us ta xe'xb'aanu naq xe'xpatz' xtenq'ankileb' rik'ineb'. Toja' naq te'xnaw naq laa'in li Qaawa'»”.

Nahum 3:9

Etiopía ut Ejiipt a'an li xkawilal xch'ool Nínive, ut q'axal kaweb' rib'; eb' laj Put ut eb' laj Libia, a'aneb' li neke'okenk chirix.

Sofonías 2:12

“Jo'kan ajwi' tinb'aanu eere laa'ex aj Etiopía: tex'oso'q xb'aan linq'esnal ch'iich'”, chan li Yos.