Isaías 20:2 - Q'eqchi Bible

² Toja' naq li Qaawa' ki'aatinak chi xtz'uumal re laj Isaías, ralal laj Amós, ut kixye re chi jo'ka'in: “Isi li q'es ruhil t'ikr li wank chawix ut isi ajwi' laaxaab'”, chan. Laj Isaías kixb'aanu chi jo'kan, ut kiwank chi maak'a' raq' ut chi maak'a' xxaab'.

Li Santil hu

² Saꞌ eb li cutan aꞌan li Ka̱cuaꞌ quia̱tinac riqꞌuin laj Isaías li ralal laj Amoz ut quixye re: —Isi li kꞌes ru tꞌicr li cuan cha̱cuix ut li xa̱b li cuan cha̱cuok, chan. Ut joꞌcan quixba̱nu laj Isaías. Quibe̱c chi ma̱cꞌaꞌ xa̱b ut chi ma̱cꞌaꞌ li kꞌes ru tꞌicr chirix.

Isaías 20:2 ပူးပေါင်းရင်းမြစ်များ

San Mateo 3:4

Li raq' laj Jwan yiib'anb'il rik'in rix kameey, jun tz'uum-k'aam naxb'ak' wi' li xsa'; aj saak' naxtzeka rik'in xya'al saqk'aw.

Miqueas 1:8

Xb'aan a'an tinyaab'aq chi q'axal ra sa' inch'ool; tinb'eeq chi maak'a' inxaab' ut chi t'ust'u, tintz'uyinq jo' nawo'te'ek laj xojb' ut tinyaab'aq jo' ral li warom.

1 Samuel 19:24

Aran kirisi li raq' ut kixk'ut rib' chiru laj Samuel chi eechaninb'il xb'aan xmusiq' propeet. Ut kikanaak chi t'ust'u chiru ch'och' chiru chixjunil li kutan ut q'oqyink a'an. Jo'kan naq chalen sa' li kutan a'an nayeemank: “Ma xkomoneb' li propeet laj Saúl?”.

Zacarías 13:4

“Sa' li kutan a'an eb' li propeet te'xutaanaq chik chirix li te'ril sa' moy u, ut ink'a' chik te'b'alaq'inq rik'in xk'eeb'al li mutzuk ru aq'ej chirixeb'.

Ezequiel 24:23

b'atb'ooq leejolom sa' t'ikr ut wanq leexaab' cheroq. Miraho'k leech'ool chi moko texyaab'aq; tex'oso'q b'an sa' leemaak ut teeq'oqo aj chik eerib' chejunjunqal.

Ezequiel 24:17

Maak'ut xrahil laawaanm, yalaq kuy li rahilal chirix li kamenaq: b'at laajolom sa' t'ikr, k'e laaxaab' chawoq; maatz'ap li xnaq' aawu, chi moko taawa' li xwahil li rahil ch'oolej”.

Miqueas 1:11

Eb' laj Safir yookeb' chi k'ame'k sa' ab'l tenamit, chi t'ust'u ut chi k'ajo'eb' xxutaan. Eb' laj Sahanán ink'a' neke'elk sa' li xtenamiteb'. Wankeb' sa rahil ch'oolejil eb' laj Bet-Hesel ut laa'ex xexkanaak chi maajun chik natenq'ank eere.

Isaías 13:1

A'an a'in li kik'utb'esiik chiru laj Isaías, ralal laj Amós, chirix li rahilal tixk'ul li tenamit Babilonia:

Apocalipsis 11:3

Ut laa'in tinb'aanu naq eb' linwiib' chi testiiw tiqtooqeb' rik'in saak, te'aatinaq jo' propeet chiru oxk'aal xka o'q'ob' (1,260) kutan”.

Hechos 19:16

Li winq eechaninb'il xb'aan li maa'us aj musiq'ej kixkut rib' sa' xb'eeneb', kixq'ax ruheb' chixjunil ut k'ajo' xmetz'ew naq kinumtaak sa' xb'eeneb': jo'kan naq ke'elelik sa' li kab'l a'an chi t'ust'u ut xiikil xtiq'ilaleb'.

San Juan 21:7

Toja' naq li xtzolom li Jesus, li q'axal raaro xb'aan, kixye re laj Pedro: —A'an li Qaawa'! Naq kirab'i naq a'an li Qaawa', laj Simón Pedro kixk'e li raq' chirix, xb'aan naq t'ust'u, ut kixkut rib' sa' li palaw.

San Mateo 16:24

Toja' naq li Jesus kixye reheb' li xtzolom: —Wi ani naraj intaaqenkil, mixra rib', chixchapaq li xkrus ut chinxtaaqehaq.

Ezequiel 4:5

chiru lajeeb' ro'q'ob' kutan (390), naraj naxye naq junq kutan rix li junq chihab'.

2 Reyes 1:8

Ke'xsume: “Jun li winq tiqto rik'in rixixul ut wank xk'aamal xsa', rix ajwi' xul”. Kixye li awab'ej: “A'an laj Elías aj Tisbé”, chan.

2 Samuel 6:20

Laj David ajwi' koho sa' rochoch chi rosob'tesinkil li xjunkab'al, ab'an lix Mikal, xrab'in laj Saúl, ki'elk chaq chi xk'ulb'al ut kixye re: “K'ajo' naq xnujak chi loq'al li awab'ej re Israel sa' li kutan a'in, rik'in xt'usub'ankil rib' chiruheb' li xmoos ixq eb' laj k'anjel chiru, jo' naxb'aanu junaq li maak'a' xxutaan”.

Josué 5:15

Ut li najolomink reheb' li xk'iila ánjel li Qaawa' kixsume laj Josué: “Isi laaperxaab' chawoq xb'aan naq li na'ajej wankat wi' a'an loq'”, chan. Ut laj Josué kixb'aanu jo' kiyehe'k re.

Éxodo 3:5

Toja' naq li Qaawa' kixye: “Matjilok chaq. Isi laaperxaab' chawoq, xb'aan naq li na'ajej wankat wi' a'an santil ch'och'”.

Hechos 21:11

A'an kijilok chi qak'atq, kixchap li xk'aamal xsa' laj Pablo ut kixb'ak' rib' jo' li roq ut li ruq'; toja' naq kixye: —A'in naxye li Santil Musiq'ej: Jo'ka'in naq taab'ak'iiq li winq aj eechal re li k'aamalsa' a'in xb'aaneb' laj Judiiy aran Jerusalén, ut taaq'axtesiiq sa' ruq'eb' li junch'ol chik.

2 Samuel 15:30

Laj David kitaqe'k sa' xb'een li tzuul Oliiw, ut tz'aptz'o li xjolom ut maak'a' xxaab' chi roq naq yo chi xik. Jo'kan ajwi' chixjunileb' li poyanam li rochb'een ke'xtz'ap xjolomeb' ut k'ajo' xyaab'eb' naq yookeb' chi taqe'k.

Salmos 30:11

Chinaawab'i, at Qaawa', chawuxtaana wu! Laa'at taxaq, at Qaawa', laj tenq'ahom we!

Isaías 1:1

Chiru chaq li xyu'ameb' laj Osías, laj Jotán, laj Ajás ut laj Esekiel, awab'ejeb' re Judá, laj Isaías, ralal laj Amós, kiril li moy u a'in chirix li tixk'ul Judá ut Jerusalén.

Isaías 37:2

Tikto kixtaqla laj Eliakín, laj ilol re li rochoch, jo'wi' laj Sebná laj tz'iib' ut eb' li xtiixilaleb' laj tij, chi wank q'es ruhil t'ikr chirixeb',

Jeremías 48:37

Chixjunileb' xe'xjo li xjolomeb' ut li xmacheb'; xe'xsetatq xsa' li ruq'eb' ut xe'xk'e q'es ruhil t'ikr chirixeb'.

Ezequiel 4:1

“At kaamel winq, xok jun perelaq li xan, ut tz'iib'a chiru li reetalil li tenamit Jerusalén.