Isaías 2:9 - Q'eqchi Bible

⁹ Xe'xkub'si li xwankileb' ut xe'wiq'laak chiruheb' li jalanil yos. Jo'kan naq maakuyeb' xmaak, at Qaawa'.

Li Santil hu

⁹ Eb li cristian queꞌxcuikꞌib ribeb chixlokꞌoninquileb li jalanil dios. Joꞌcan nak ta̱cubsiheb xcuanquil ut incꞌaꞌ ta̱cuyeb xma̱queb at Ka̱cuaꞌ.

Isaías 2:9 ပူးပေါင်းရင်းမြစ်များ

Isaías 5:15

Li junjunq taakub'siiq xwankil chi junajwa ut eb' li q'etq'et te'xkub'si rib'eb'.

Romanos 3:23

chixjunileb' xe'maakob'k ut maak'a' xloq'al li Yos rik'ineb'.

San Marcos 3:29

ab'an li taamajewanq re li Santil Musiq'ej, maajoq'e taakuymanq taasachmanq xmaak, taariiqani b'an li xmaak chi junelik”.

Isaías 27:11

Naq eb' li ruq' che' neke'chaqik, neke'toqiik; toja' naq neke'chalk eb' li ixq ut neke'xtz'ab' xxameb' chiru. Li tenamit a'an maak'a' xna'leb', jo'kan naq Li kiyoob'tesink re, laj Winqob'resihom re, ink'a' taaril xtoq'ob'aal ru.

Nehemías 4:5

Ink'a' taxaq taakuy xmaa'usilaleb' chi moko chisachq sa' aach'ool li xmaakeb', xb'aan naq xe'xhob' li yookeb' chi xwaklesinkil li xtz'akil laatenamit”.

Josué 24:19

Ab'an laj Josué kixye reheb' li tenamit: “Laa'ex ink'a' texruuq chi k'anjelak chiru li Qaawa', xb'aan naq a'an santil Yos, a'an jun Yos aj sowen li ink'a' texkuy rik'in leeq'etq'etil chi moko tixkuy leemaak.

Colosenses 2:23

Chanchan wi' chaab'il na'leb' li neke'xye, ut xb'aan a'an eb' li tenamit neke'xb'aanu rib' cho'q aj paab'aneleb', neke'xkub'si rib'eb' ut neke'xrahob'tesi li tz'ejwalej. Ab'an chixjunil a'in maak'a' na'ok wi', ka'ajwi' nak'anjelak re xnimob'resinkil li q'etq'etil.

Jeremías 18:23

At Qaawa', laa'at nakanaw chixjunil li yookeb' xk'uub'ankil re inkamsinkil. Maakuy li xmaakeb' chi moko chisachq sa' laach'ool li ink'a' us xe'xb'aanu. Kamqeb' chawu ut isi laajosq'il sa' xb'eeneb'!”.

Isaías 57:9

“Xkohat rik'in laj Molok ut xak'am naab'al li aseeyt jo'wi' sununkil b'an. Yalaq b'ar xataqlaheb' laataql, toj sa' xb'alb'a xak'eheb' chi kub'eek!

Salmos 62:9

Kawaq eech'ool rik'in chi junelik, laa'ex li xloq'laj tenamit; tehomaq leech'ool chiru: li Yos a'an li nokoomuhenk wi'.

Salmos 49:2

Chejunilex laa'ex li tenamit, ab'ihomaq a'in; chex'ab'inq laa'ex li wankex junsut junrub'el choxa,

Colosenses 2:18

Maa'ani chimaq'oq cheru leemaatan rik'in xpak'b'al xkub'sinkileb' rib', jo'wi' rik'in xloq'oninkileb' li ánjel. Yal neke'xye naq neke'ilok moy u ut neke'xnimob'resi rib' chi maak'a' xyaalal xb'aan li ruuchich'och'il na'leb'.

Salmos 59:5

us ta maak'a' xinmaakob'k wi', ab'anan neke'xseeb'a rib' chi chalk sa' inb'een. Ajsi aawu, waklin chintenq'ankil ut chak'eheb' reetal,

Isaías 5:16

Taaterq'usiiq xloq'al li Nimajwal Yos sa' li raqb'a aatin, ut li Qaawa' tixk'ut li xsantilal rik'in xb'aanunkil li tiikilal.