Isaías 2:8 - Q'eqchi Bible

⁸ Xnujak ajwi' li xna'ajeb' chi jalanil yos, ut eb' li poyanam neke'xloq'oni ru li jalam u xe'xpak' rik'in ruq'eb'.

Li Santil hu

⁸ Lix tenamit laj Israel numtajenak chi yi̱banbil dios. Li cuanqueb aran nequeꞌxlokꞌoni li jalanil dios, li yal yi̱banbil riqꞌuin ukꞌej. Nequeꞌxcuikꞌib ribeb chiruheb li dios li nequeꞌxyi̱b riqꞌuin rukꞌeb.

Isaías 2:8 ပူးပေါင်းရင်းမြစ်များ

Apocalipsis 9:20

Ab'an li junch'ol chik, eb' li winq li ink'a' ke'kamsiik xb'aaneb' li rahilal a'an, ink'a' ke'yot'e'k xch'ool ink'a' ke'xjal xk'a'uxl chirixeb' li xb'aanuhom; ink'a' ke'xkanab' xloq'oninkileb' ru laj tza chi moko li xyoseb' yiib'anb'ileb' rik'in oor, plaat, q'anch'iich', pek ut che'. Ink'a' ke'xkanab' xloq'oninkil eb' li yos li ink'a' neke'ruhank chi ilok, chi moko ab'ink ut b'eek.

Jeremías 2:28

B'ar wankeb' laayos li xayiib' rik'ineb' laawuq', a Judá? K'ajo'eb' laayos, chanchan xk'ihaleb' laatenamit! Chalqeb' b'i' a'an re rilb'al ma te'ruuq chakolb'al naq wanqat sa' rahilal.

Isaías 37:19

ke'xk'ati li xyoseb' ut ke'xjuk'i, xb'aan naq moko yoseb' ta ajwi', yal yiib'anb'ileb' b'an rik'in ruq'eb' li winq, a'aneb' che' ut pek.

Hechos 17:16

Naq laj Pablo yo chi royb'eninkileb' laj Timoteo ut laj Silas aran Atenas, nak'atnak sa' xch'ool chi rilb'al li tenamit nujenaq chi jalanil yos.

Oseas 14:3

Eb' laj Asiria ink'a' naru nokoohe'xkol, chi moko too'eleliq chirixeb' li kawaay; ink'a' chik tqaye «At qaYos» re li xqak'uub' rik'in quq', xb'aan naq ka'ajwi' aawik'in, at Qaawa', naxtaw ruxtaanankil ru li neb'a'yox”.

Oseas 13:2

Ut toj yookeb' ajwi' chi maakob'k anaqwan! Neke'xha'lesi li plaat re xyiib'ankileb' li jalanil yos; neke'xyiib' li xjalam uheb' jo' chanru neke'raj: chixjunil a'an yal xk'uub'ahom junaq aj tenol ch'iich' ut neke'xye naq yos, neke'mayejak chiru ut neke'xtz'ub' li xjalam u jun li wakax!

Oseas 12:11

Eb' laj Galahad wankeb' xmaak; jo'kan naq teb'insach. Aran Kilkal neke'mayejak wakax; jo'kan naq li x'artaleb' chanchanaqeb' li pek li neke'kanaak chi tub'tu sa' li awimq”.

Jeremías 11:13

K'ajo' xyoseb' laj Judá jo' xk'ihaleb' li xtenamit; ut li xk'ihal li x'artaleb' laj Jerusalén re k'atok k'ajpom chiruheb' laj Bahal, kama' li xk'ihaleb' li b'e wank aran.

Isaías 57:5

li nekexxik chi xb'aanunkil leemaa'usilal rub'eleb' li ji malaj rub'elatq k'a'aq chik chi ninqal che'; nekekamsi leekok'al chireheb' li nima' ut sa'atqeb' li ochoch pek.

Isaías 17:8

Ink'a' chik te'iloq wan wi' li xyiib'ahomeb', chi moko te'xka'ya chik li k'aru ke'xyiib' rik'in ruq'eb': a'eb' li xtoon che' ut eb' li artal nak'atmank wi' li pom chiru li xyoseb'.

2 Crónicas 27:2

Laj Jotán kixb'aanu li nawulak chiru li Qaawa', jo' tz'aqal kixb'aanu laj Osías li xyuwa', ab'an ink'a' ki'ok sa' rochoch li Qaawa'. Ut eb' li tenamit ink'a' ke'xkanab' xb'aanunkil li ink'a' us.

Deuteronomio 4:28

Aran teeloq'oni ruheb' li yos xyiib'ahomeb' li winq rik'in che' ut pek, li ink'a' neke'ilok chi moko neke'ab'ink, ink'a' neke'tzekank ut maak'a' neke'reek'a.

Oseas 8:6

Li wakax xeyiib' laa'ex aj Samaria, moko Yos ta; a'an yal xyiib'ahom laj tenol ch'iich', ut taaputz'iiq chi junwaakaj.

1 Reyes 16:7

Li raatin li Qaawa' kiwulak chi raqok aatin sa' xb'een laj Basá ut sa' xb'eeneb' li ralal xk'ajol, chi xtz'uumal re li propeet Jehú, ralal laj Jananí, xb'aan chixjunil li maa'usilal kixb'aanu chiru li Qaawa'. Laj Basá kixchiq' xjosq'il li Yos naq kixyiib'atq jalanil yos rik'in ruq', jo' kixb'aanu laj Jerobohán, ut naq kixsach ajwi' li xjunkab'al chi junajwa.

Isaías 26:13

At Qaawa', at qaYos, yaal naq jalaneb' chik xe'numtaak sa' qab'een, ab'an anaqwan maajun chik k'ab'a'ej wank sa' qach'ool: ka'ajwi' laa'at, at Qaawa'.

Isaías 40:19

Ink'a' naru xjuntaq'eetankil rik'in li jalam u naxyiib' junaq aj tenol ch'iich', ut laj pak'onel naruutz'u'uji rik'in oor ut naxyiib'atq xkareen plaat re xk'eeb'al chi xkux.

Isaías 41:29

Relik chi yaal naq maak'a' neke'ok wi'; maak'a' neke'ruuk chi xb'aanunkil, yal pojpookeb' xsa' li jalanil yoseb'.

Jeremías 1:16

Xb'aan li xk'iila maa'usilal tinraqoq aatin sa' xb'een lintenamit xb'aan naq xine'xtz'eqtaana ut a'eb' chik li jalanil yos xe'xloq'oni ru: xe'k'atok pom chiruheb' li xyiib'ahomeb' rik'in ruq'eb'.

2 Reyes 17:10

Ke'xyiib'atq xjalam u pek che' sa' xjolomeb' li tzuul ut rub'elatqeb' li xninqal che'.

2 Reyes 17:16

Ke'xkanab' xpaab'ankil chixjunil li xchaq'rab' li Qaawa' li xYoseb' ut ke'xha'lesi li q'anch'iich' re xyiib'ankil li xyoseb', eb' li wiib' xjalam uheb' li wakax jo' ajwi' li xjalam u lix Aserá. Ke'xwiq'ib' rib' chi xloq'oninkil ru eb' li chahim chiru choxa ut ke'mayejak chiru laj Bahal.

Miqueas 5:12

Twisi li tuulak nakab'aanu, ut maajun chik aj q'e tinkanab' aawik'in.