Isaías 2:6 - Q'eqchi Bible

⁶ At Qaawa', xatz'eqtaana laatenamit, a'aneb' li ralal xk'ajol laj Jakob, xb'aan naq k'ajo'eb' laj q'e ut eb' laj nawal sa' xyanqeb'; neke'xb'aanu jo'eb' laj Filistea ut neke'xk'am rib' sa' usilal rik'ineb' laj ab'l tenamit.

Li Santil hu

⁶ At Ka̱cuaꞌ, la̱at xacanabeb la̱ tenamit, li ralal xcꞌajol laj Jacob xban nak eb aꞌan yo̱queb chixqꞌuebal xcuanquil eb laj kꞌe li cuanqueb saꞌ li este. Nequeꞌtu̱lac joꞌ nequeꞌxba̱nu eb laj filisteo ut nequeꞌxcꞌam rib saꞌ usilal riqꞌuineb li incꞌaꞌ nacateꞌxpa̱b.

Isaías 2:6 ပူးပေါင်းရင်းမြစ်များ

Romanos 11:20

Yaal ajwi', ab'anan xmaak'a'il xpaab'aaleb' ke'q'ete'k wi'; a'ut laa'at kaw xaqxookat xb'aan laapaab'aal. Matq'etq'eto'k b'i', chiwanq b'an aaxiw.

2 Reyes 1:2

Sa' jun kutan laj Okosías kit'ane'k chaq sa' xb'entaanil sa' xkab' k'ojaril li rochoch li wank aran Samaria, ut kixtiq' rib'. Toja' naq kixtaqlaheb' xtaql ut kixye reheb': “Ayuqex chi patz'ok rik'in laj Bahal-Sebub, xyoseb' laj Ekrón, re xnawb'al ma tink'iraaq chiru lintiq'ilal a'in”, chan.

Lamentaciones 5:20

K'a' tab'i' naq toosachq sa' laach'ool chi junajwa? K'a' put naq toohaatz'eqtaana chiru chixjunil li qayu'am?

Jeremías 10:2

Li Qaawa' naxye chi jo'ka'in: “Meetzol eerib' rik'ineb' li jalanil tenamit chi moko chexiwa li k'aru nekeril chiru choxa, jo' neke'xb'aanu eb' li junch'ol chik.

Isaías 8:19

Ut naq taayeemanq eere: “Patz'onqex rik'ineb' li neke'aatinank kamenaq jo'wi' rik'ineb' laj q'e li neke'hashotk ut neke'choqoqnak chi aatinak xjuneseb'”, teesumeheb': “Ma ink'a' tab'i' tento naq eb' li tenamit te'patz'oq rik'in li xyoseb' chirixeb' li yo'yookeb' ut li kamenaqeb'?”.

Proverbios 6:1

At walal ink'ajol, wi xatk'asok chirix laawas aawiitz'in; wi xasume xtojb'al li xk'as junaq ink'a' nakanaw ru;

Salmos 106:35

ke'xlaq'ab' b'an chik rib' rik'ineb' li maak'a'eb' xpaab'aal ut ke'xtzol chixjunil li neke'xb'aanu a'an.

Nehemías 13:23

Sa'eb' li kutan a'an kink'e ajwi' reetal naq wankeb' aj Judiiy ke'sumlaak rik'ineb' li ixq aj Asdod, aj Amón ut aj Mohab.

2 Crónicas 24:20

Toja' naq li xmusiq' li Yos ki'ok rik'in laj Sakarías, ralal laj Johadá laj tij, ut a'an kixxaqab' rib' chiruheb' li tenamit ut kixye: “Jo'ka'in xye li Qaawa': «K'a'ut naq nekeq'et xchaq'rab' li Qaawa'? Moko us ta tex'elq. Laa'ex xetz'eqtaana li Qaawa'; jo'kan naq A'an texxtz'eqtaana laa'ex»”.

2 Crónicas 15:2

li ki'elk chi xk'ulb'al laj Asá ut kixye re: “Ab'ihomaqin, a Asá ut chejunilex laa'ex aj Judá ut aj Benjamín! Li Qaawa' taawanq eerik'in wi laa'ex wanqex rik'in. Wi nekesik' li Yos, A'an tixk'e rib' chi tawe'k; ab'anan wi' neketz'eqtaana, texxtz'eqtaana ajwi' A'an.

1 Crónicas 10:13

Jo'ka'in naq kikamk laj Saúl, xb'aan naq kimaakob'k naq kixq'etq'eti rib' chiru li Qaawa': ink'a' kixpaab' li raatin li Qaawa' ut kipatz'ok rik'in jun li ixq aj q'e.

Números 23:7

Toja' naq laj Balaham kixye eb' li uutz'u'ujinb'il aatin a'in: “Chalen chaq sa' releb'l saq'e, aran Aram, xinxb'oq chaq laj Balak, awab'ej re Mohab. «Kim -chan we- majewa laj Jakob. Kim, tz'aama rahilal sa' xb'een laj Israel».

Levítico 20:6

Ani taapatz'oq rik'ineb' li musiq'ej ut rik'ineb' laj q'e, ut tixmux rib' sa' xk'ab'a'eb' a'an, laa'in tintz'eqtaana ut twisi sa' xyanqeb' li rech tenamitul.

Levítico 19:31

“Meerula'aniheb' li neke'aatinak rik'ineb' li musiq'ej chi moko eb' laj q'e. Meetz'ajni eerib' yal sa' xk'ab'a' patz'ok rik'ineb'. Laa'in li Qaawa' leeYos.

Éxodo 34:16

Jo'kan ajwi', mare anchal taak'e li xrab'ineb' cho'q rixaqileb' laawalal ut, naq te'xmux rib' li ixaqilb'ej chi xloq'oninkil li xyoseb', te'xk'am ajwi' eb' laawalal chi xb'aanunkil maa'usilal chirix li xyoseb'.

Éxodo 22:18

“Maakanab' chi yo'yo li ixq aj tuul.

1 Samuel 6:2

Toja' naq eb' laj Filistea ke'xb'oqeb' laj tij ut eb' laj q'e ut ke'xpatz' reheb': “K'aru tqab'aanu rik'in li xLoq'laj Kaax li Qaawa'? Yehomaq qe chanru naq tqataqla wi' chik sa' li xna'aj”, chankeb'.

Isaías 14:29

“Ex aj Filistea, misaho'k leech'ool naq xtoqe'k li xche' li xrahob'tesink eere; xb'aan naq sa' xyanq xmol junaq k'anti' taayo'laaq jun q'anb'olay, ut chirix a'an jun li xiwajel k'anti' taarupupiq.

Jeremías 12:7

“Xinkanab' li rochochil laj Israel ut xintz'eqtaana li weechanihom. Xinq'axtesi li jwal raaro inb'aan sa' ruq'eb' li xik' neke'ilok re.

Miqueas 5:12

Twisi li tuulak nakab'aanu, ut maajun chik aj q'e tinkanab' aawik'in.

Sofonías 1:8

“Sa' xkutankil li mayejak -chan li Qaawa'- laa'in tolinrahob'tesi li xninqaleb' ru winq, eb' li ralaleb' li awab'ej jo' ajwi' chixjunileb' laj ab'l tenamit.

2 Reyes 17:20

Toja' naq li Qaawa' kixtz'eq chirix xch'ool eb' li ralal xk'ajoleb' laj Israel, kixk'ut xxutaaneb' ut kixq'axtesiheb' sa' ruq'eb' laj elq', toj reetal kirisiheb' sa' li xna'ajeb'.

Miqueas 5:11

Tinsach ruheb' laatenamit sa' laateepalil ut tinjuk'eb' laakawub'resinb'il ochoch.