Isaías 2:5 - Q'eqchi Bible

⁵ Ex ralal xk'ajol laj Jakob, waklinqex ut b'eeqo sa' xkutan saqenk li Qaawa' Yos.

Li Santil hu

⁵ Abihomak ex ralal xcꞌajol laj Jacob. Chocua̱nk saꞌ xcutan xsaken li Ka̱cuaꞌ li nimajcual Dios.

Isaías 2:5 ပူးပေါင်းရင်းမြစ်များ

Efesios 5:8

xb'aan naq junxil laa'ex chaq li aak'ab', a'ut anaqwan laa'ex chik li saqenk rik'in li Qaawa'. Chexwanq jo' ralal xk'ajol li saqenk.

1 Juan 1:7

Ab'an wi nokoob'eek sa' li saqenk jo' naq A'an wank sa' li saqenk, nokoowank sa' komonil sa' junajil chiqib'il qib' ut li xkik'el li Jesus li Ralal nokooxch'ajob'resi chiru chixjunil li maak.

San Lucas 1:79

re xkutanob'resinkil li wankeb' sa' aak'ab' ut sa' xmuheel li kamk, ut re xb'eresinkil li qoq sa' xb'ehil li tuqtuukil usilal”.

1 Juan 1:5

Ut a'an a'in li esil xqab'i rik'in li Jesus ut naqaye eere: li Yos a'an saqenk ut maak'a' li aak'ab' rik'in.

Isaías 58:1

“Jap aawe chi aatinak chi maak'a' aaxiw -chan we li Qaawa'-, aatinan chi kaw xyaab' aakux jo' junaq pur; ch'iilaheb' lintenamit xb'aan li xq'etq'etileb', a'eb' li ralal xk'ajol laj Israel xb'aan li xmaakeb'.

Isaías 2:3

k'ajo'aqeb' xk'ihal li poyanam te'chalq ut te'xye: “Kimqex ut taqe'qo sa' xtzuulul li Qaawa', sa' rochoch li xYos laj Jakob. A'an tixk'ut chiqu k'aru li rajom ut laa'o tqataaqe li b'e sik'b'il ru xb'aan”. Xb'aan naq aran Sión taa'elq chaq li chaq'rab', ut Jerusalén taachalq li raatin li Yos.

Salmos 89:15

Li tiikilal ut li yaal a'aneb' li xkuut laa'awab'ejihom, li usilal ut li chaab'ilal aj k'amol b'eheb' chawu.

Salmos 36:10

Xb'aan naq aawik'in wank li xyo'leb'aal li yu'am; ut wi nokoohaakutanob'resi, wanko sa' saqenk.

Salmos 89:16

Us xaq re li tenamit li neke'xnaw xloq'oninkil aawu ut neke'b'eek sa' xsaqenkil xnaq' aawu, at Qaawa'.