Isaías 2:3 - Q'eqchi Bible

³ k'ajo'aqeb' xk'ihal li poyanam te'chalq ut te'xye: “Kimqex ut taqe'qo sa' xtzuulul li Qaawa', sa' rochoch li xYos laj Jakob. A'an tixk'ut chiqu k'aru li rajom ut laa'o tqataaqe li b'e sik'b'il ru xb'aan”. Xb'aan naq aran Sión taa'elq chaq li chaq'rab', ut Jerusalén taachalq li raatin li Yos.

Li Santil hu

³ Ut eb li tenamit teꞌxye: —Quimkex ut takekꞌo saꞌ xbe̱n li tzu̱l cuan cuiꞌ li rochoch li Dios. Toxic saꞌ li rochoch lix Dios laj Jacob. Ut aꞌan tixcꞌut chiku li cꞌaꞌru naraj takaba̱nu. Ut la̱o takaba̱nu li bar cuan tixye ke, xban nak saꞌ li tzu̱l Sión ta̱e̱lk chak li chakꞌrab ut saꞌ li tenamit Jerusalén ta̱cha̱lk li ra̱tin li Ka̱cuaꞌ.—

Isaías 2:3 ပူးပေါင်းရင်းမြစ်များ

San Lucas 24:47

ut taapuktesimanq resil A'an re naq chixjunileb' li tenamit te'sutq'iiq rik'in li Yos ut te'kuymanq te'sachmanq li xmaakeb', taatiklaaq a'an arin Jerusalén».

Salmos 110:2

Chalen chaq toj Sión tatxk'e li Qaawa' chi awab'ejink: chiwanq laawankil sa' xb'eeneb' li xik' neke'ilok aawe!

San Juan 7:17

Wi junaq traj xb'aanunkil li rajom li Yos, tixnaw ma re li Yos li nintzoleb' wi' malaj yal injunes wib' nin'aatinak.

Deuteronomio 6:1

“A'aneb' a'in li chaq'rab', li aatin ut chixjunil li taqlahom kixye li Qaawa' leeYos naq tink'ut cheru, re naq teepaab' sa' li ch'och' toxeereechani.

Jeremías 31:6

Xb'aan naq taawulaq xkutankil naq eb' laj ilol tenamit te'xjap reheb' chi xyeeb'al sa' xb'een xtzuulul Efraín: «Xaqlinqex ut yo'qeb' aran Sión, rik'in li Qaawa' li qaYos»”, cha'qeb'.

Romanos 10:18

Ab'an laa'in ninpatz': Ma ink'a' tab'i' ke'rab'i? K'a' naq ink'a'? Xb'aan naq naxye li Santil Hu: “Li xyaab' xkuxeb' ki'ab'imank junsut junrub'el choxa, ut toj sa' xmaril li ruuchich'och' kox'elq li raatineb'”.

San Lucas 11:28

Kichaq'ok li Jesus ut kixye: —Us b'an xaq reheb' li neke'ab'ink re li raatin li Yos ut neke'xk'uula sa' xch'ooleb'!

San Mateo 7:24

“Jo'kan utan, chixjunil li na'ab'ink reheb' li waatin a'in ut naxk'anjela ru, chanchanaq li winq wank xna'leb' li kikab'lak sa' xb'een pek.

Santiago 1:25

Ab'an li naxk'e xch'ool chi xk'oxlankil rix li Chaq'rab' tz'aqal re ru aj k'ehol chi wank chi ach'ab'anb'il, ut junelik kaw xch'ool chi xpaab'ankil moko jo' ta aj ab'inel li junpaat nasachk sa' xch'ool, jo' b'an tz'aqal aj b'aanuhom re li k'aru nataqlaak wi', li winq a'an osob'tesinb'ilaq rik'in xk'anjelankil.

Hechos 10:33

Jo'kan naq junpaat xintaqla aasik'b'al, ut us xab'aanu naq xatchalk. Anaqwan ch'utch'uuko chiqajunilo chiru li Yos chi rab'inkil jo'ch'inal jo'nimal xattaqlaak wi' xb'aan li Qaawa'.

Hechos 1:8

Ab'anan teek'ul eewankil naq li Santil Musiq'ej taachalq sa' eeb'een, ut laa'exaq aj yehol yaal chiwix arin Jerusalén, sa' chixjunil Judea jo'wi' Samaria, ut toj sa' xmaril li ruuchich'och'.

San Juan 4:22

Laa'ex nekeloq'oni li b'arwan ink'a' nekenaw; laa'o naqaloq'oni li naqanaw, xb'aan naq li kolb'a ib' rik'ineb' laj Judiiy nachalk chaq.

Deuteronomio 33:19

Taab'oqeb' laawech tenamitul sa' xb'een li tzuul, ut aran te'mayejaq chi chaab'il; te'xyal xsahil li b'ihomal nachalk chaq sa' li palaw jo' ajwi' li wank chi muqmu chire li ha'”, chan laj Moisés.

Salmos 48:1

B'ich. Xsaalm eb' li ralal xk'ajol laj Koré.

Salmos 119:171

Rik'in li xtz'uumal we ninpuktesi resil laaloq'al, xb'aan naq nakak'ut chiwu laawajom.

Salmos 122:1

B'ich re li taqsink. Xsaalm laj David. K'ajo' naq xsaho'k sa' inch'ool naq xe'xye we: “Yo'qeb' sa' rochoch li Qaawa'!”.

Isaías 28:9

Neke'aatinak chiwix ut neke'xye: “Ani li winq a'an li nachalk chi xk'eeb'al qana'leb' jo' ajwi' chi xch'olob'ankil chiqu li xyehom li Yos? Ma laa'o tab'i' k'uula'al? Ma toje' tab'i' xqakanab' li tu'uk?

Isaías 56:5

laa'in wank k'aru jwal loq' tink'e reheb' jo' ruuchil li ralal xk'ajoleb': sa' li wochoch, chiruheb' lintz'ak, tink'e naq tz'iib'anb'ilaq li xk'ab'a'eb'; patz'b'ilaqeb' chi junelik ut maajoq'e chik te'sache'q xloq'al.

Isaías 56:7

laa'in teb'ink'am chaq wik'in sa' linloq'laj tzuul ut tinsahob'resi xch'ooleb' sa' li wochoch na'uxk wi' tijok. Tink'ulub'an li xyeechi'omeb' ut eb' li xk'atb'il mayej sa' xb'een lin'artal, xb'aan naq li wochoch tixk'ab'a'in rochochil li tijok cho'q reheb' chixjunil li tenamit.

Isaías 60:3

Eb' li tenamit te'chalq sa' laasaqenkil ut eb' li awab'ej te'b'eeq sa' xlemtz'unkil laaloq'al.

Isaías 65:11

“A'ut laa'ex li neketz'eqtaana li Qaawa' ut neketz'eq chirix eech'ool linsantil tzuul, li nekemayeja li tzekemq chiru laj Gad ut nekenujob'resi li sek' rik'in b'iin cho'q re laj Mení,

Isaías 66:20

Ut te'xk'ameb' chaq leeras eeriitz'in li wankatqeb' sa' chixjunil li na'ajej, jo' mayej cho'q re li Qaawa': te'chalje'q chirixeb' kawaay, sa' b'eleb'aal ch'iich', chi paqonb'il, chirixatq muul ut kameey, toj Jerusalén sa' linsantil tzuul -chan li Qaawa'-, jo' neke'xb'aanu eb' li ralal xk'ajol laj Israel naq neke'xk'am chaq li xmayejeb' sa'eb' li sek' saq ru toj sa' li wochoch.

Jeremías 26:18

“Chiru xyu'amil laj Esekías, awab'ej re Judá, laj Mikeas aj Moréset ki'aatinak sa' xk'ab'a' li Qaawa' naq kixye reheb' chixjunil li tenamit: «Jo'ka'in xye li Nimajwal Yos: Sión kama'aq chik li k'aleb'aal re awk, ut Jerusalén taakanaaq cho'q po'lem, ut taak'iche'o'q li xna'aj li rochoch li Yos».

Ezequiel 40:2

Sa' moy u kinxk'am toj sa' li tenamit a'an ut koxinxxaqab' sa' xb'een jun najt xteramil tzuul, chanchan wi' kab'lanb'il jun tenamit sa' xb'een, na'ilok sa' xjayal releb'l saq'e.

Oseas 3:5

Ab'anan taawulaq xq'ehil naq eb' laj Israel te'sutq'iiq chaq. Tole'xsik' li Qaawa', li xYoseb', jo' ajwi' laj David, li x'awab'ejeb'. Sa' roso'jikeb' li kutan te'chalq chi siksootqeb' chiru li Qaawa' ut te'xyal wi' chik li rusilal.

Oseas 6:3

Qasik'aq li Qaawa', qayalaq qaq'e chi xnawb'al ru. Relik chi yaal naq taachalq qik'in jo' naq nahik'e'k li kutan; taachalq qik'in jo' naq li hab' naxt'aqresi li ch'och' sa' li hab'alq'e”.

Miqueas 4:2

k'ajo'aqeb' xk'ihal li poyanam te'chalq ut te'xye: “Kimqex ut taqe'qo sa' xtzuulul li Qaawa', sa' rochoch li xYos laj Jakob. A'an tixk'ut chiqu k'aru li rajom ut laa'o tqataaqe li b'e sik'b'il ru xb'aan”. Xb'aan naq aran Sión taa'elq chaq li chaq'rab', ut Jerusalén taachalq li raatin li Yos.

Ester 9:27

eb' laj Judiiy ke'xxaqab' xwankil li chaq'rab' a'in cho'q reheb' ut cho'q reheb' li ralal xk'ajoleb' ut eb' li te'okenq cho'q aj Judiiy: ke'xye naq tento taawanq li ninq'e a'in rajlal chihab', tz'aqal sa' xkutankil, jo' tz'iib'anb'il sa' li hu.

Salmos 102:23

naq te'xjunaji rib' chixjunileb' li tenamit ut eb' li awab'ej te'k'anjelaq chiru li Yos.

Isaías 1:26

Tink'eheb' aj k'amol eeb'e jo' ke'wank xb'enwa ut eb' laj raqol aatin jo'eb' li ke'wank najter q'e kutan. Toja' naq te'xye aawe: «Xtenamitul li tiikilal» ut «Tiik xch'oolil tenamit».

Isaías 11:10

Sa' li kutan a'an li riyajil laj Jesé taawanq jo' jun eetalil cho'q reheb' li tenamit; chixjunileb' li poyanam te'sik'oq re ut q'axal nimaq xloq'al li na'ajej wanq wi'.

Isaías 19:23

Sa' li kutan a'an taawanq jun nimb'e taa'elq Ejiipt toj Asiria: eb' laj Asiria te'ruuq chi xik Ejiipt, jo'kaneb' ajwi' eb' laj Ejiipt te'xik Asiria; xkab'ichaleb' li tenamit a'an te'k'anjelaq chiru li Yos.

Isaías 44:5

Li jun tixye: «Laa'in rehin li Qaawa'», li jun chik tixk'ab'a'in ralal xk'ajol laj Jakob, ut li jun chik tixtz'iib'a sa' ruq': «Li Qaawa' a'an laj eechal we», ut tixye naq xkomoneb' laj Israel”.

Jeremías 12:16

Relik chi yaal naq a'aneb' xe'tzolok re lintenamit chi yehok jurament sa' xk'ab'a' laj Bahal, ab'an anaqwan naru te'wanq sa' xyanqeb' lintenamit wi relik chi yaal naq neke'xtzol li xpaab'aaleb' laj Israel ut neke'yehok jurament sa' ink'ab'a', sa' xk'ab'a' li yo'yookil Yos.